லங்காசிறி FM
அரச வேலைவாய்ப்பு போட்டி பரீட்சை தொடர்பில் வெளியான அறிவித்தல்
பட்டதாரி ஆசிரியர் பரீட்சார்த்திகளுக்கு மேலதிக கல்வி வகுப்புகளில் கலந்துக்கொள்ள வேண்டாம் என்றும் ஆசிரியர் பரீட்சைக்கு தயாராகுமாறும் அறிவுறுத்தப்பட்டுள்ளதாக கல்வி அமைச்சர் சுசில் பிரேமஜயந்த தெரிவித்துள்ளார்.
கல்வி அமைச்சில் நேற்று(01.02.2023) நடைபெற்ற நிகழ்வொன்றில், இவ்வருடம் மார்ச் மாதம் நடைபெறவுள்ள பட்டதாரி ஆசிரியர் பரீட்சைக்கு தோற்றவுள்ள பரீட்சார்த்திகளை இலக்காகக் கொண்டு கல்வி நிலையங்களில் பாடங்கள் நடத்தப்படுவதாக வெளியிடப்பட்டுள்ள விளம்பரம் தொடர்பில் கருத்து தெரிவிக்கும் போதே அவர் மேற்கண்டவாறு தெரிவித்துள்ளார்.
பரீட்சார்த்திகளுக்கான அறிவுறுத்தல்
ஆசிரியர்களாக இருக்க விரும்பும் இளங்கலை மாணவர்கள் எளிய கணிதப் பிரச்சினையைத் தீர்ப்பது எப்படி? பொது அறிவுக் கேள்விக்கு எப்படி பதிலளிப்பது? என உடனடியாகச் சிந்திப்பதிலிருந்தே திறமை வரும்.
மேலதிக வகுப்புகளில் உதவி கேட்டு ஆசிரியர் ஆட்சேர்ப்பு பரீட்சைக்கு வருபவர்களின் குழு குழந்தைகளின் திறன்களை மேம்படுத்த பங்களிக்காது.
கடினமான போட்டி பரீட்சை அல்ல
இதுபோன்ற நிகழ்வுகள் ஒரு விரிவான கல்வி மாற்ற செயல்முறையின் அவசியத்தை அடிக்கோடிட்டுக் காட்டுகின்றன.
இது கடினமான போட்டி பரீட்சை அல்ல. அபிவிருத்தி உத்தியோகத்தர்களாக அரச சேவையில் கடமையாற்றும் பட்டதாரிகளில் ஆசிரியர்களாக இணைவதற்கு உரிய வயது வரம்பைக் கடந்தவர்களுக்காக பரீட்சை திணைக்களத்தினால் நடத்தப்படும் பரீட்சை.
எனவே கல்வி வகுப்புகளுக்கு செல்லாமல் பரீட்சார்த்திகள் குறித்த திகதியில் பரீட்சை மண்டபத்திற்கு சென்று நம்பிக்கையுடன் பரீட்சையை எதிர்கொள்வார்கள் என எதிர்பார்ப்பதாக அமைச்சர் தெரிவித்துள்ளார்.
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
ஆலங்குளாய், சங்கானை, யாழ்ப்பாணம், Dammam, Saudi Arabia, Rheine, Germany, Rushden, United Kingdom
29 Jul, 2024
