முச்சக்கரவண்டி பதிவுகளில் வீழ்ச்சி

Sri Lanka Sri Lankan Peoples Economy of Sri Lanka

By Aanadhi Oct 02, 2022 05:36 PM GMT

Aanadhi

in சமூகம்

Report

இந்த ஆண்டு முச்சக்கரவண்டி பதிவுகளில் பாரிய வீழ்ச்சி ஏற்பட்டுள்ளதாக மோட்டார் போக்குவரத்து திணைக்கள புள்ளிவிபரங்கள் தெரிவிக்கின்றன.

கடந்த எட்டு மாத காலத்தில் வெறும் 19 முச்சக்கர வண்டிகள் மாத்திரமே புதிதாக பதிவு செய்யப்பட்டுள்ளதாக குறித்த புள்ளி விபரங்களில் இருந்து தெரிய வந்துள்ளது.

முச்சக்கர வண்டிகளின் இறக்குமதி மற்றும் பதிவுகள்

முச்சக்கரவண்டி பதிவுகளில் வீழ்ச்சி | Drop In Three Wheeler Registrations

கடந்த காலங்களில் 2020ம் ஆண்டில் புதிதாக 7150 முச்சக்கர வண்டிகளும் அதற்கு முந்திய 2019ம் ஆண்டில் 15490 முச்சக்கர வண்டிகளும் இந்நாட்டுக்கு இறக்குமதி செய்யப்பட்டு புதிதாக பதிவு செய்யப்பட்டிருந்தன.

கடந்த 2018ம் ஆண்டு 20063 முச்சக்கர வண்டிகள் பதிவு செய்யப்பட்டமையே அண்மைக்காலத்தில் ஒரு வருடத்தில் ஆகக் கூடுதலான முச்சக்கரவண்டிகள் பதிவு செய்யப்பட்ட வருடமாக பதியப்பட்டுள்ளது.

பயணிகள் போக்குவரத்து சேவை

முச்சக்கரவண்டி பதிவுகளில் வீழ்ச்சி | Drop In Three Wheeler Registrations

அதன் பின்னர் படிப்படியாக முச்சக்கர வண்டிகளின் இறக்குமதி மற்றும் பதிவுகள் குறைந்து வந்துள்ளன. தற்போதைக்கு இலங்கையில் 11 லட்சத்தி 80 ஆயிரம் முச்சக்கர வண்டிகள் பதிவு செய்யப்பட்டுள்ளன.

இவற்றில் சுமார் 5 தொடக்கம் ஆறு லட்சம் வரையான முச்சக்கர வண்டிகள் மாத்திரமே பயணிகள் போக்குவரத்து சேவைகளில் ஈடுபடுத்தப்பட்டுள்ளதாகவும் தெரிய வந்துள்ளது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை