கிளிநொச்சியில் இலவச குடிநீர் இணைப்பு வழங்குவதற்கான நடமாடும் சேவை

Sri Lanka Kilinochchi Drinking Water Service

By Independent Writer Nov 12, 2021 04:53 AM GMT

Independent Writer

in சமூகம்

Report

கிளிநொச்சியில் தேசிய நீர் வழங்கல் வடிகாலமைப்புச் சபையினரால் வீடுகளுக்கான இலவச குடி நீர் இணைப்பை வழங்குவதற்கான நடமாடும் சேவை எதிர்வரும் செவ்வாய்க்கிழமை உதயநகர் கிழக்கு, உதயநகர் மேற்கு, ஆனந்தபுரம் கிராம அலுவலர் பிரிவுகளில் இடம்பெறவுள்ளது.

இது தொடர்பில் தேசிய நீர் வழங்கல் வடிகாலமைப்புச் சபையின் கிளிநொச்சி அலுவலகம் விடுத்துள்ள செய்திக் குறிப்பில்,

மேற்படி மூன்று கிராம அலுவலர் பிரிவுகளிலும் எதிர்வரும் செவ்வாய்க்கிழமை உத்தியோகத்தர்கள் வீடு வீடாக வருகை தரவுள்ளனர்.

எனவே புதிய நீர் இணைப்பு தேவைப்படும் பொதுமக்கள் விண்ணப்பப் படிவத்தை பெற்று வழங்கப்படும் அறிவுறுத்தல்களுக்கு அமைவாக விண்ணப்பப் படிவத்தை பூர்த்தி செய்து எதிர்வரும் வெள்ளிக்கிழமை கிளிநொச்சி 155 கட்டை A9 வீதியில் அமைந்துள்ள தேசிய நீர் வழங்கல் வடிகாலமைப்புச் சபையின் அலுவலகத்தில் கையளிக்க வேண்டும்.

இது தொடர்பான மேலதிக தகவல்களுக்கு தேசிய நீர் வழங்கல் வடிகாலமைப்புச் சபையின் கிளிநொச்சி அலுவலக தொலைபேசி இலக்கமான 021 2283981 தொடர்பு கொள்ள முடியும் என தெரிவிக்கப்பட்டுள்ளது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை