லங்காசிறி FM
கிளிநொச்சி மாவட்ட ஏ9 வீதியில் அமைக்கப்பட்ட பசுமை நகரத்திட்டத்தில் ஊழல்:பொதுமக்கள் சந்தேகம்(Photos)
கிளிநொச்சி மாவட்ட வைத்தியசாலைக்கு முன்பாக ஏ9 வீதியில் அமைக்கப்பட்ட பசுமை நகரத் வேலைத்திட்டத்தில் ஊழல் இடம்பெற்றுள்ளதாக பொது மக்கள் சந்தேகம் வெளியிட்டுள்ளனர்.
இந்த பசுமை நகர வேலைத்திட்டம் கரைச்சி பிரதேச சபையால் 27 இலட்சம் ரூபாய் செலவில் மேற்கொள்ளப்பட்டுள்ளது.
பசுமை நகர வேலைத்திட்டம் ஊடாக மோசடி
இது தொடர்பில் எழுந்த சந்தேகத்தை தொடர்ந்து ஊடகவியலாளர் ஒருவர் கரைச்சி பிரதேச சபையிடம் தகவல் அறியும் உரிமைச் சட்டத்தின் ஊடாக கோரிய தகவல்களுக்கு அமைய வழங்கப்பட்ட தகவல்கள் பொது மக்களின் சந்தேகத்தை மேலும் அதிகரித்துள்ளது.
சுமார் 50 மீட்டர் நீளமும்,20 மீட்டர் அகலமும் கொண்ட நிலப்பரப்பில் வைத்தியசாலைக்கும் ஏ9 வீதிக்கும் இடைப்பட்ட வீதியில் மண் பரப்பபட்டு சுற்றி இரண்டு வரியில் கல் அடுக்கப்பட்டு புல் பதிக்கப்பட்டுள்ளதோடு, சில மரக்கன்றுகளும் நாட்டப்பட்டு அவற்றுக்கு கூடுகள் அடைக்கப்பட்டுள்ளன.
இதற்காக கரைச்சி பிரதேச சபையால் 27 இலட்சம் செலவு செய்யப்பட்டுள்ளதாக தகவல் அறியும் உரிமைச்சட்டத்தின் மூலம் கோரப்பட்ட கேள்விகளுக்கு பதிலளிக்கப்பட்டுள்ளது.
UNDP நிதி 20 இலட்சமும், கரைச்சி பிரதேச சபை நிதி 7 இலட்சமுமாக 27 இலட்சத்தில் ஒப்பந்தம் மேற்கொள்ளப்பட்டுள்ளது.
மக்களின் கோரிக்கை
குறித்த ஒப்பந்தத்தை கிளிநொச்சி விநாயகபுரம் விடிவெள்ளி சனசமூக நிலையம் மேற்கொண்டுள்ளது.
ஒப்பந்த காலம் 02.11.2022 ஆரம்பித்து 20.03.2023 நிறைவுபெற்றுள்ளது என தகவல்கள் வழங்கப்பட்டுள்ளன. ஆனால் குறித்த வேலைத்திட்டத்திற்கு இந்தளவு நிதி தேவையில்லை எனவும் இந்த வேலைத்திட்டத்தால் முறைகேடுகள் இடம்பெற்றுள்ளது எனவும் பொது மக்கள் தெரிவித்துள்ளனர்.
இந்த விடயம் தொடர்பில் சம்மந்தப்பட்ட அதிகாரிகள் பொது மக்களுக்கு
தெளிவுப்படுத்த வேண்டும் என்றும் அத்துடன் ஊழல் முறைகேடுகள்
இடம்பெற்றிருப்பின் சம்மந்தப்பட்டவர்கள் மீது நடவடிக்கை எடுக்க வேண்டும்
எனவும் பொதுமக்கள் கோரிக்கை விடுத்துள்ளனர்.
Obersiggenthal, Switzerland, Kirchdorf, Switzerland, Nussbaumen, Switzerland, Mellingen, Switzerland
28 Jul, 2025
Kedah, Malaysia, சண்டிலிப்பாய், Cheam, United Kingdom
04 Aug, 2024
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
பருத்தித்துறை, யாழ்ப்பாணம், வவுனியா, Scarborough, Canada
01 Aug, 2024
