அமைச்சர் ஜோன்ஸ்டன் பெர்னாண்டோவின் செயலாளருக்கும் கொரோனா தொற்று

covid

By Independent Writer Jan 13, 2021 06:26 PM GMT

Independent Writer

in மருத்துவம்

Report

நாடாளுமன்றத்தில் ஆளும் கட்சியின் பிரதான அமைப்பாளரின் செயலாளருக்கு கொரோனா வைரஸ் தொற்றி இருப்பது நேற்று உறுதிப்படுத்தப்பட்டுள்ளது.

ஆளும் கட்சியின் பிரதான அமைப்பாளர் அமைச்சர் ஜோன்ஸ்டன் பெர்னாண்டோவின் செயலாளராக கடமையாற்றும் சமிந்த குலரத்ன என்பவருக்கே கொரோனா வைரஸ் தொற்றியுள்ளதாக சிங்கள ஊடகமொன்று வெளியிட்டுள்ள செய்தியில் குறிப்பிடப்பட்டுள்ளது.

நாடாளுமன்றத்திற்குள் இவருடன் நெருங்கி பழகிய நபர்களை கண்டறிய நேற்றைய தினம் பாதுகாப்பு கமராக்களை பரிசோதிக்கும் நடவடிக்கைகள் ஆரம்பிக்கப்பட்டுள்ளன.

நாடாளுமன்ற சபை முதல்வரான அமைச்சர் தினேஷ் குணவர்தனவின் செயலாளர், மேலதிக செயலாளர் மற்றும் உதவி செயலாளர் உட்பட நான்கு பேர் தனிமைப்படுத்தப்பட்டுள்ளனர்.

அதேவேளை இன்றைய தினம் மாலை நாடாளுமன்றத்தில் கடமையாற்றும் 300 ஊழியர்களுக்கு PCR பரிசோதனை நடத்தவுள்ளதாக நாடாளுமன்ற படைக்கல சேவிதர் நரேந்திர பெர்னாண்டோ குறிப்பிட்டுள்ளார்.

சில நாடாளுமன்ற உறுப்பினர்கள் PCR பரிசோதனை நடத்த இணங்கியுள்ளதாகவும், நாளை மறுதினமும் மேலும் சில ஊழியர்களுக்கு இந்த பரிசோதனை நடத்தப்படவுள்ளதாகவும் அவர் மேலும் தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை