வவுனியாவில் சிறைச்சாலை ஆணையாளர் நாயகத்தால் உணவகம் மற்றும் சிகையலங்கார நிலையம் திறந்து வைப்பு

Sri Lanka Police Vavuniya Northern Province of Sri Lanka Prisons in Sri Lanka Prison

By Thileepan May 11, 2024 12:33 PM GMT

Thileepan

in பாதுகாப்பு

Report

வவுனியா(Vavuniya) சிறைச்சாலையில் உணவகம் மற்றும் சிகையலங்கார நிலையம் என்பனவற்றை திறந்து வைத்த சிறைச்சாலை ஆணையாளர் நாயகம் துசார உப்புல் தெனிய விடுதிக்கான அடிக்கல்லை நாட்டி வைத்துள்ளார்.

குறித்த நிகழ்வானது இன்று (11.05.2024) வவுனியா ஏ9 வீதியோரமாக சிறைச்சாலையுடன் இணைந்த வளாகத்தில் இடம்பெற்றுள்ளது.

எடுக்கப்பட்டுள்ள நடவடிக்கை

வவுனியா சிறைச்சாலையில் நீண்டகாலமாக தண்டனை பெற்று தடுத்து வைக்கப்பட்டுள்ள கைதிகளை கொண்டு உணவகம் மற்றும் சிகையலங்கார நிலையம் என்பன நிர்மாணிக்கப்பட்டுள்ளது.

வவுனியாவில் சிறைச்சாலை ஆணையாளர் நாயகத்தால் உணவகம் மற்றும் சிகையலங்கார நிலையம் திறந்து வைப்பு | Commissioner General Visits Vavuniya Prison

இந்நிலையில் திறந்து வைக்கப்பட்ட உணவகம் மற்றும் சிகையலங்கார நிலையம் என்பவற்றினை நீண்டகாலமாக தடுத்து வைக்கப்பட்டுள்ள கைதிகளே நடத்தவுள்ளதாக தெரிவிக்கப்படுகிறது.

அவர்கள் சிறையில் உள்ள காலத்தை பயனுள்ள வகையில் பயன்படுத்துவதற்கும், அவர்களது மனநிலையில் மாற்றத்தை ஏற்படுத்துவதற்கும் இதன்மூலம் நடவடிக்கை எடுக்கப்பட்டுள்ளது.

வவுனியா சிறைச்சாலை அத்தியட்சகர் கே.ஏ.எஸ்.அபயரட்ண தலைமையில் நடைபெற்ற இந் நிகழ்வில் சிறைச்சாலை ஆணையாளர் நாயகம் துசார உப்புல் தெனிய, இராணுவத்தின் வன்னி கட்டளைத் தளபதி மேஜர் ஜெனரல் தினேஸ் நாணயக்கார, சிறைச்சாலை உத்தியோகத்தர்களின் பொறுப்பதிகாரி ஏ.டீ.புத்திக்க பெரேரா, பௌத்த மதகுருமார், சிறைச்சாலை உத்தியோகத்தர்கள், பொலிஸ் அதிகாரிகள், சிறைச்சாலை நலன் பேணும் அமைப்பினர், சிறைக் கைதிகள் உள்ளிட்ட பலரும் கலந்து கொண்டுள்ளனர்.