லங்காசிறி FM
யோஷிதவுக்கு எதிராக குற்றப்பத்திரிகை தாக்கல்
Sajithra
in சட்டம் மற்றும் ஒழுங்கு
முன்னாள் ஜனாதிபதி மஹிந்த ராஜபக்சவின் மகன் யோஷித ராஜபக்ச மற்றும் அவரது பாட்டி டெய்சி ஃபொரஸ்ட் விக்ரமசிங்க ஆகியோருக்கு எதிராக குற்றப்பத்திரிகை தாக்கல் செய்யப்பட்டுள்ளது.
நிதி மோசடி
கொழும்பு மேல் நீதிமன்றத்தில் , சட்டமா அதிபர் பணமோசடி தடுப்புச் சட்டத்தின் கீழ் குறித்த குற்றப்பத்திரிகையை தாக்கல் செய்துள்ளார்.
குறித்த இருவரும் 2012 மற்றும் 2015ஆம் ஆண்டுகளுக்கு இடையில் இரத்மலானை மற்றும் தெஹிவளை பகுதிகளில் உள்ள சிறிமல்வத்த உயனவில் ரூ. 8 பில்லியனுக்கும் அதிகம் மதிப்புள்ள நிலங்கள் மற்றும் சொத்துக்களை எவ்வாறு கையகப்படுத்தினார்கள் என்பதை வெளியிடத் தவறியதற்காக இந்த குற்றப்பத்திரிகைகள் தாக்கல் செய்யப்பட்டுள்ளன.
பணம் எவ்வாறு பெறப்பட்டது என்பதை வெளியிடத் தவறியதன் மூலம் பணமோசடி தடுப்புச் சட்டத்தின் கீழ் அவர்கள் குற்றம் செய்துள்ளதாகக் கூறி, சட்டமா அதிபர் இந்தக் குற்றப்பத்திரிகைகளை தாக்கல் செய்துள்ளார்.
கைது செய்யப்பட்ட யோஷித
இந்த வழக்கு தொடர்பாக அண்மையில் கைது செய்யப்பட்ட யோஷித ராஜபக்ச, கொழும்பு நீதவான் நீதிமன்றத்தால் பிணையில் விடுவிக்கப்பட்டார்.
இதற்கிடையில், பெப்ரவரி 11ஆம் திகதி, பணமோசடி வழக்கு தொடர்பாக யோஷித மற்றும் அவரது பாட்டி டெய்சி ஃபாரஸ்ட் விக்ரமசிங்கவுக்கு கடுவெல மாஜிஸ்திரேட் நீதிமன்றம் வெளிநாட்டு பயணத் தடை விதித்திருந்தது.
இந்நிலையில், சட்டமா அதிபரின் அறிவுறுத்தலின் கீழ், பணமோசடி வழக்கிலும், யோஷித ராஜபக்ச மற்றும் டெய்சி ஃபாரெஸ்ட் வைத்திருந்த ரூ. 59 மில்லியன் கூட்டுக் கணக்கு தொடர்பாக மேற்கொள்ளப்பட்ட விசாரணைகளிலும் டெய்சி ஃபாரெஸ்ட் சந்தேக நபராகப் பெயரிடப்பட்டதாகவும், அந்த கணக்குக்கு, அவர் வருமானத்தின் ஆதாரம் குறித்து நியாயமான விளக்கத்தை வழங்கத் தவறிவிட்டதாகவும் இலங்கை பொலிஸ் தெரிவித்துள்ளது.
மேலும், இந்த வழக்கில் தொடர்புடைய அனைத்து சந்தேக நபர்களுக்கும் எதிராக பணமோசடி சட்டத்தின் கீழ் வழக்குத் தொடரப்படும் என்று பொலிஸ் செய்தித் தொடர்பாளர் குறிப்பிட்டிருந்தார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
தையிட்டி விகாரை : என்ன செய்யலாம் 5 நாட்கள் முன்
chanakya topic: இந்த நபர்கள் வாழ்க்கை முழுவதும் நிம்மதியிழந்து தவிப்பார்கள்... ஏன்னு தெரியுமா? Manithan
எனக்கு அதே நிலைமை, கூட யாருமே இல்லை, கதறி அழுதேன்.. சோகமான நாட்கள் குறித்து நடிகை நளினி எமோஷ்னல் Cineulagam
444 நாட்கள் மற்றும் 400 நாட்கள் கொண்ட SBI FD.., ரூ.2 லட்சம் முதலீடு செய்தால் எதில் அதிக லாபம் கிடைக்கும்? News Lankasri
உலகில் V என்ற எழுத்தில் 4 நாடுகள் மட்டுமே தொடங்குகிறது.., அது எந்தெந்த நாடுகள் தெரியுமா? News Lankasri
புங்குடுதீவு 5ம் வட்டாரம், புங்குடுதீவு 10ம் வட்டாரம், புங்குடுதீவு 11ம் வட்டாரம், கொட்டாஞ்சேனை
11 Mar, 2020
நீர்வேலி, பிரான்ஸ், France, Montreal, Canada, Brampton, Canada
12 Feb, 2025
புங்குடுதீவு 12ம் வட்டாரம், முல்லைத்தீவு, Sarcelles, France
13 Feb, 2021
யாழ்ப்பாணம், புங்குடுதீவு 8ம் வட்டாரம், Le Blanc-Mesnil, France
06 Feb, 2025
