சிறையில் நாமல் ராஜபக்சவிடம் ஏற்பட்டுள்ள மாற்றம்! குடும்ப உறுப்பினர்கள் மூலம் அனுப்பப்படும் செய்தி

Parliament of Sri Lanka Namal Rajapaksa Department of Prisons Sri Lanka Crime

By Dhayani Oct 14, 2026 06:24 AM GMT

Dhayani

in சமூகம்

Report

நாடாளுமன்ற உறுப்பினர் நாமல் ராஜபக்ச நாட்டின் ஜனாதிபதியாக ஆகப்போவதில்லை என்றாலும், அவர் நிச்சயமாக அரஹந்த நிலையை அடைவார் என்று வணக்கத்திற்குரிய தித்தகல்லே ஆனந்தசிறி தேரர் தெரிவித்துள்ளார்.

சமூக ஊடகமொன்றிற்கு வழங்கிய கலந்துரையாடலில் அவர் இதனை வெளியிட்டுள்ளார்.

தற்போதைய நடத்தை

தற்போது விளக்கமறியலில் வைக்கப்பட்டுள்ள நாடாளுமன்ற உறுப்பினரின் தற்போதைய நடத்தை குறித்து கருத்து தெரிவிக்குத் போதே இவ்வாறு தெரிவித்துள்ளார்.

சிறையில் நாமல் ராஜபக்சவிடம் ஏற்பட்டுள்ள மாற்றம்! குடும்ப உறுப்பினர்கள் மூலம் அனுப்பப்படும் செய்தி | Changes In Namal Rajapaksa S Life In Prison

நாமல் ராஜபக்ச தினமும் அதிகாலை 4.30 மணியளவில் எழுந்து, தொடர்ந்து மூன்று மணி நேரம் மைத்ரி தியானத்தில் ஈடுபடுவதாகவும், அதன் பிறகு உடல் பயிற்சிகளில் ஈடுபடுவதாகவும் கூறியுள்ளார்.

நாமல் ராஜபக்சவின் கடந்த கால குணாதிசயத்திற்கு பதிலாக, இப்போது ஆன்மீக மாற்றம் அடைந்த ஒருவரை காண்கிறோம் என்றும், நாடாளுமன்ற உறுப்பினர் நாமலுக்கும் அரஹந்த நிலையை அடையும் ஆற்றல் உள்ளது என்றும் அவர் சுட்டிக்காட்டியுள்ளார்.

கடுமையான தீய கர்ம வினைகளின் விளைவு

நாமல் ராஜபக்ச சிறையில் அடைக்கப்படுவதற்கு முன்பு, தனது இருபது ஆண்டு கால ஜோதிட அனுபவத்தை பயன்படுத்தி அவரது ஜாதகத்தை ஆராய்ந்து, அவர் சிறையில் அடைக்கப்படுவார் என்று கணித்திருந்ததாகவும் தேரர் கூறியுள்ளார்.

கடந்த காலத்தில் செய்த கடுமையான தீய கர்ம வினைகளின் விளைவே இந்த சிறைவாசம் என்றும் ஆனந்தசிறி தேரர் சுட்டிக்காட்டியுள்ளார்.

நாடாளுமன்ற கூட்டத்தொடர்களுக்கு வருகை தரும் போதும், தனது குடும்ப உறுப்பினர்கள் மூலமாகவும் அவர் தனக்கு செய்திகளை அனுப்புவார் என்றும், தற்போதைய சூழ்நிலையில் அவருக்கு உதவுவதற்கான ஒரே வழி மைத்திரி பாவனா மட்டுமே என்றும் மேலும் குறிப்பிட்டுள்ளார்.