லங்காசிறி FM
ரஷ்யாவின் அச்சுறுத்தல் - இரண்டு சிறப்பு கப்பல்களை வாங்கும் பிரித்தானியா
Murali
in ஐக்கிய இராச்சியம்
கடலுக்கு அடியில் உள்ள உள்கட்டமைப்பைப் பாதுகாக்க இரண்டு சிறப்பு கப்பல்களை வாங்கவுள்ளதாக பிரித்தானியா அறிவித்துள்ளது. அந்நாட்டின் பாதுகாப்பு அமைச்சர் பென் வாலஸ் இதனை குறிப்பிட்டுள்ளார்.
ரஷ்யாவிலிருந்து ஐரோப்பாவிற்கு எரிவாயு விநியோகம் செய்யும் நார்ட் ஸ்ட்ரீம் குழாய்களில் கசிவு ஏற்பட்டதைத் தொடர்ந்து இந்த அறிவிப்பு வெளியாகியுள்ளது.
மேற்கத்திய நாடுகள் மீது புடின் குற்றச்சாட்டு
நோர்ட் ஸ்ட்ரீம் குழாய்கள் நாசவேலைகளால் சேதமடைந்ததாக ஐரோப்பிய நாடுகள் கூறுகின்றன, எனினும், மேற்கத்திய நாடுகள் மீது ரஷ்ய அதிபர் விளாடிமிர் புடின் குற்றம் சாட்டியுள்ளார்.
இந்நிலையில், மத்திய இங்கிலாந்தின் பர்மிங்காமில் கன்சர்வேடிவ் கட்சி மாநாட்டில் பேசிய வாலஸ், குழாய்களில் ஏற்பட்டுள்ள மர்மமான சேதம் பற்றிப் பேசியிருந்தார். அத்துடன், பிரித்தானியாவின் உள்கட்டமைப்புக்கு ரஷ்யாவிலிருந்து அச்சுறுத்தல் வருவதையும் அவர் தெளிவுபடுத்தினார்.
இதுபோன்ற தாக்குதல்களுக்கு நமது பொருளாதாரம் மற்றும் உள்கட்டமைப்பு எவ்வளவு பலவீனமாக உள்ளது என்பதை இது நமக்கு நினைவூட்ட வேண்டும். நமது இணையமும் நமது ஆற்றலும் குழாய்கள் மற்றும் கேபிள்களை அதிகம் நம்பியுள்ளன.
உள்கட்டமைப்பை குறிவைக்கும் ரஷ்யா
அத்தகைய உள்கட்டமைப்பை குறிவைக்கும் திறனை ரஷ்யா மறைக்கவில்லை என்று வாலஸ் கூறினார்.
எனவே அந்த காரணத்திற்காக, எங்கள் கேபிள்கள் மற்றும் குழாய்களை பாதுகாப்பாக வைத்திருக்கும் திறன் கொண்ட இரண்டு சிறப்பு கப்பல்களை வாங்குவதற்கு நாங்கள் சமீபத்தில் உறுதியளித்துள்ளோம் .
இதன்படி, "கடற்பரப்புப் போருக்கான மல்டி ரோல் சர்வே கப்பல் இந்த ஆண்டு வாங்கப்பட்டு அடுத்த ஆண்டு இறுதியில் செயல்பாட்டுக்கு வரும், இரண்டாவது கப்பல் இங்கிலாந்தில் கட்டப்படும் என அவர் மேலும் தெரிவித்துள்ளார்.
மூன்றாம் உலகப்போர் அதிகாரப்பூர்வமாக துவங்கிவிட்டது: திகில் கிளப்பும் உக்ரைன் முன்னாள் தளபதி News Lankasri
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
