லங்காசிறி FM
பனியில் மூழ்கவுள்ள பிரித்தானியா! -10 டிகிரி வெப்பநிலையில் கடுமையான பனிப்பொழிவு இருக்குமென எச்சரிக்கை
Independent Writer
in ஐக்கிய இராச்சியம்
பிரித்தானியா அதன் மிக கடுமையான குளிர்கால இரவுகளை சந்திக்கவுள்ளதாக வானிலை ஆய்வு நிலையம் தெரிவித்துள்ளது.
கிறிஸ்டோஃப் என்ற கொடிய புயலை அடுத்து , கடுமையான பனி மற்றும் மழையின் மற்றொரு இயற்கை தாக்குதலை பிரித்தானியா சந்திக்கவுள்ளது. மைனஸ் 10 டிகிரி செல்சியசுக்கு ஆர்க்டிக் பகுதியிலிருந்து பனிப்புயல் எதிர்பார்க்கப்படுவதாகவும், 6 அங்குலத்துக்கு பிரித்தானியா முழுவதும் பனிபொழிவு ஏற்படும் என வானிலை அலுவலகம் எச்சரிக்கை வெளியிட்டுள்ளது.
முக்கியமாக இங்கிலாந்து மற்றும் வேல்ஸ் பகுதியில் கடுமையான பனிப்பொழிவு இருக்கும் என எச்சரிக்கப்பட்டுள்ளது. இது, ஏற்கெனவே வெள்ளத்தால் சோர்ந்துபோன அப்பகுதி மக்களுக்கு மேலும் துயரத்தை அச்சுறுத்துகிறது.
மெதுவாக நகரும் பனி, பனிப்பொழிவு மற்றும் மழை ஞாயிற்றுக்கிழமை காலை மேற்கிலிருந்து வீசும், மேலும் இது தென்மேற்கு இங்கிலாந்தில் உள்ள டார்ட்மூர் மற்றும் எக்ஸ்மூர் மீது 6 இன்ச் (15 செ.மீ) பனியைக் கொட்டக்கூடும். மேலும் ஷ்ரோப்ஷைர், வொர்செஸ்டர்ஷைர், க்ளோசெஸ்டர்ஷைர், ஆக்ஸ்போர்டுஷைர் மற்றும் ஹாம்ப்ஷயர் ஆகிய பகுதிகளில் 4 இன்ச் (10 செ.மீ) பனிப்பொழிவு இருக்கும் என தெரிவிக்கப்பட்டுள்ளது.
சாலைகளில் பயணிக்க முடியாததாக மாறலாம், கிராமப்புற சமூகங்களுக்கு போக்குவரத்து துண்டிக்கப்படலாம், ஓட்டுநர்கள் எதிர்பாராத நிலைமைகளையும் தாமதங்களையும் எதிர்கொள்ளக்கூடும், மின்வெட்டுகள் ஏற்படக்கூடும் என்று எச்சரிக்கப்பட்டுள்ளது.
லண்டன் மற்றும் மான்செஸ்டர் ஒரே இரவில் -3 டிகிரி செல்ஸியஸாகவும், பிரிஸ்டல், பெல்ஃபாஸ்ட் மற்றும் கிளாஸ்கோ -2 டிகிரி செல்ஸியஸாகவும் குறையும் என்று எதிர்பார்க்கப்படுகிறது.
சனிக்கிழமை மாலை நிலவரப்படி, மத்திய மற்றும் தெற்கு இங்கிலாந்து, வேல்ஸின் பெரும்பகுதி, வடக்கு அயர்லாந்தின் பெரும்பகுதி மற்றும் ஸ்காட்லாந்தின் மேற்கு மற்றும் வடக்கு பகுதிகளுக்கு 5 பனிப்பொழிவு எச்சரிக்கைகள் வழங்கப்பட்டுள்ளன.
ஞாயிற்றுக்கிழமை அதிகாலையில் தென் மேற்கு இங்கிலாந்து மற்றும் வேல்ஸில் ஒரு பனிப்பொழிவு நகரும் என்றும், பின்னர் கிழக்கு மிட்லாண்ட்ஸ் மற்றும் தென்கிழக்கு இங்கிலாந்து வரை பரவுகிறது என்றும் வானிலை அலுவலகம் தெரிவித்துள்ளது.
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
