லங்காசிறி FM
ஜனாதிபதி தேர்தலில் இருந்து விலகும் எண்ணம் இல்லை - ஜோ பைடன் திட்டவட்டம்
ஜனாதிபதி தேர்தலில் இருந்து விலக மாட்டேன் என ஜோ பைடன் தெரிவித்துள்ளார்.
இதுகுறித்து அவர் தனது நிதி திரட்டும் மின்னஞ்சலில் கூறியதாவது,
நான் ஜனநாயகக் கட்சியின் வேட்பாளர். யாரும் என்னை வெளியே தள்ளவில்லை. நான் வெளியேறவில்லை, நான் இறுதிவரை இந்த போட்டியில் இருக்கிறேன்.
இந்த தேர்தலில் நாங்கள் வெற்றிபெறப் போகிறோம். நவம்பரில் டொனால்ட் டிரம்பை தோற்கடிக்க எனக்கும், துணை அதிபர் கமலா ஹாரிசுக்கு உதவுங்கள். நீங்கள் எத்தனை முறை வீழ்த்தப்படுகிறீர்கள் என்பது முக்கியமல்ல.
நீங்கள் எவ்வளவு விரைவாக எழுந்திருக்கிறீர்கள் என்பதுதான் முக்கியம். ஒரு நாடாக, நாம் வீழ்த்தப்படும்போது, மீண்டும் எழுவோம். நாம் கடினமாக உழைக்கிறோம். அதைத்தான் நான் செய்யப் போகிறேன்.
கமலா ஹரிசுக்கு வெற்றி வாய்ப்பு
2020-ம் ஆண்டு டிரம்பை தோற்க்கடித்தோம். 2024- ஆண்டில் அவரை மீண்டும் தோற்க்கடிக்கப் போகிறோம். ஆனால் அது எளிதாக இருக்காது. உங்கள் ஒவ்வொருவரும் அதைச் செய்ய எனக்கு நீங்கள் பின்னால் இருக்க வேண்டும் என்று கூறியுள்ளார்.
அண்மையில் டொனால்ட் ட்ரம்ப் மற்றும் ஜோ பைடனுக்கிடையில் நேரடி விவாதம் நடைபெற்றது.
இதில் ஜோ பைடன் சிறப்பாக செயல்படவில்லை. அவர் பல இடங்களில் திணறினார். இதனால் அவர் அதிபர் தேர்தலில் இருந்து விலக வேண்டும் என்று சொந்த கட்சியை சேர்ந்த சில எம்.பி.க்கள் வலியுறுத்தியுள்ளனர்.
இது ஜோபைடனுக்கு நெருக்கடியை ஏற்படுத்தியிருந்த நிலையில் மேலும் ஜோ பைடனை விட துணை அதிபர் கமலா ஹரிசுக்கு வெற்றி வாய்ப்பு அதிகம் இருப்பதாக கருத்து கணிப்பில் தெரிவிக்கப்பட்டது.
வெள்ளை மாளிகையின் செய்தித் தொடர்பாளர் கரீன் ஜீன்-பியர் ஜனாதிபதி தேர்தலில் இருந்து விலகுவது பற்றி ஜோ பைடன் பரிசீலிக்கவில்லை என்றார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
