நீதியரசர்களின் ஓய்வு வயது குறித்த அரசாங்கத்தின் தீர்மானம்.. ஜனாதிபதியுடன் முக்கிய கலந்துரையாடல்

Anura Kumara Dissanayaka Government Of Sri Lanka Supreme Court of Sri Lanka 22nd Amendment

By Sajithra Aug 12, 2026 08:29 AM GMT

Sajithra

in அரசியல்

Report

நீதியரசர்களின் ஓய்வு பெறும் வயதை நீட்டிப்பது தொடர்பான முன்மொழிவு குறித்து விவாதிப்பதற்காக, இலங்கை சட்டத்தரணிகள் சங்கத்தின் பிரதிநிதிகள் ஜனாதிபதி செயலகத்திற்கு சென்றுள்ளனர்.

இலங்கை சட்டத்தரணிகள் சங்கம், பல எதிர்க்கட்சி அரசியல் கட்சிகள், சிவில் சமூக அமைப்புகள் மற்றும் சர்வதேச சட்ட அமைப்புகளின் எதிர்ப்புகளுக்கு மத்தியில், உயர் நீதிமன்ற நீதியரசர்களின் ஓய்வு பெறும் வயதை நீட்டிப்பதற்கான அரசியலமைப்புத் திருத்தத்திற்கு அமைச்சரவை சமீபத்தில் ஒப்புதல் அளித்தது.

வெளியான வர்த்தமானி

அதன்படி, தொடர்புடைய இருபத்தி இரண்டாவது அரசியலமைப்புத் சட்டமூல திருத்தம் கடந்த வெள்ளிக்கிழமை வர்த்தமானியில் வெளியிடப்பட்டது.

நீதியரசர்களின் ஓய்வு வயது குறித்த அரசாங்கத்தின் தீர்மானம்.. ஜனாதிபதியுடன் முக்கிய கலந்துரையாடல் | Bar Association Hold Discussions With President

இவ்வாறான பின்னணியில், நீதியரசர்களின் ஓய்வு பெறும் வயதை நீட்டிப்பது தொடர்பான முன்மொழிவு குறித்த தனது நிலைப்பாட்டைத் தெரிவித்து, இலங்கை சட்டத்தரணிகள் சங்கம் அண்மையில் ஜனாதிபதியிடம் எழுத்துப்பூர்வமான அறிக்கை ஒன்றைச் சமர்ப்பித்தது.

மேலும், நீதி அமைச்சர் ஹர்ஷண நாணயக்காரவுடன் இவ்விடயம் குறித்து விவாதிக்க ஒரு வாய்ப்பை வழங்குமாறு இலங்கை சட்டத்தரணிகள் சங்கம் ஜனாதிபதியிடம் கோரிக்கை விடுத்தது.

அதன்படி, இது தொடர்பான முன்மொழிவை விவாதிப்பதற்கு, இலங்கை சட்டத்தரிகள் சங்கத்திற்கு ஜனாதிபதி அநுர குமார திஸாநாயக்க வாய்ப்பளித்துள்ளார்.