நாம் வெற்றியடைந்துள்ளோம்! கவனத்தை ஈர்க்கும் ஜனாதிபதி அநுரவின் முகநூல் பதிவு

அரசியலை மக்கள் சேவையாக மாற்றுவதில் நாம் வெற்றிபெற்றுள்ளோம் என்று ஜனாதிபதி அநுரகுமார திஸாநாயக்க தெரிவித்துள்ளார். 

ஜனாதிபதி அநுரகுமார திஸாநாயக்கவின் முகநூல் தளத்தில் இது குறித்து ஒரு பதிவொன்று இடப்பட்டுள்ளது. 

அதில், "வணிகமாக மாறியிருந்த அரசியலை கடந்த இரண்டு ஆண்டுகளில் மக்கள் சேவையாக மாற்றுவதில் நாம் வெற்றி அடைந்துள்ளோம்''  என குறிப்பிடப்பட்டுள்ளது.

கடந்த 2024ஆம் ஆண்டு இடம்பெற்ற ஜனாதிபதி தேர்தலின்போது ஆளும் தேசிய மக்கள் சக்தி அரசாங்கம் பொதுமக்களுக்கு பல்வேறு வாக்குறுதிகளை வழங்கியிருந்தது. 

அந்த நேரத்தில், பொதுமக்கள் எதிர்கொண்ட பொருளாதார மற்றும் சமூக ரீதியான சிக்கல்கள் மற்றும் கடந்த ஆட்சியாளர்களிடம் ஏற்பட்ட அதிருப்தியின் காரணமாகவும் தேசிய மக்கள் சக்தி கட்சி ஆட்சிக்கு வருவதற்கு மக்கள் ஆணை வழங்கியிருந்தனர்.

எனினும், ஆட்சியமைத்ததன் பின்னர்  அந்தக் கட்சி முன்வைத்த வாக்குறுதிகள் குறித்து எதிர்க்கட்சிகள் தொடர்ந்து கேள்விகளை எழுப்பி வந்தனர்.  

தொடர் கைதுகள் 

இதன்படி, நாட்டில் ஊழல் மோசடியில் ஈடுபட்டவர்களுக்கான தண்டனை,  உயிர்த்த ஞாயிறு குண்டுத் தாக்குதல் தொடர்பான நீதி,  நாட்டில் அரங்கேறிய பல அரசியல் ரீதியான கொலைகளுக்கான நீதி, போதைப் பொருள் மற்றும் பாதாள உலகக் குழுக்களை கட்டுப்படுத்துதல் உள்ளிட்ட பல வாக்குறுதிகள் தொடர்பான நடவடிக்கைகளை அநுர அரசாங்கம் தற்போது மேற்கொண்டு வருகின்றது. 

உயிர்த்த ஞாயிறு குண்டுத் தாக்குதல் தொடர்பில் கைது செய்யப்பட்ட ஒரு சாராரின் வழக்கு விசாரணைகள் நிறைவுபெற்று  அவர்களுக்கான தண்டனை அறிவிக்கப்பட்டுள்ளது.  வெளிநாடுகளில் தஞ்சம் அடைந்திருந்த பல பாதாள உலகக் குழுத் தலைவர்கள் நாட்டுக்கு கொண்டு வரப்பட்டு கைது செய்யப்பட்டு சிறையில் அடைக்கப்பட்டுள்ளனர்.  

அதேபோல நாடளாவிய ரீதியில் போதைப் பொருள் வர்த்தகர்களுக்கு எதிரான நடவடிக்கைககள் எடுக்கப்பட்டு பல கைது நடவடிக்கைகளும் மேற்கொள்ளப்பட்டு வருகின்றன.

மேலும், இலஞ்ச ஊழல் மோசடிகளில் ஈடுபட்ட பல முன்னாள் அரசியல்வாதிகள்,  அரச நிறுவனங்களின் முன்னாள் தலைவர்கள், அரசியல்வாதிகளின் குடும்ப உறுப்பினர்கள் என பலர் கைது செய்யப்பட்டு தண்டனை விதிக்கப்பட்டுள்ளதுடன் பலருக்கு எதிராக வழக்கு தொடரப்பட்டு விசாரணைகள் இடம்பெற்று வருகின்றன.  இவற்றுள் பல முக்கிய அரசியல்வாதிகளும் உள்ளடங்குவர். 

இதேவேளை, டித்வா பேரனர்த்தம், மத்தியக் கிழக்கு போர்ச் சூழல் உள்ளிட்ட காரணிகள் காரமணாக பொருளாதார ரீதியான தாக்கத்தை இந்த அரசாங்கம் சந்தித்து வந்தாலும், அவர்கள் வழங்கிய, ஊழல் மற்றும் குற்றச்செயல்களுக்கு எதிரான நடவடிக்கை தொடர்பான பல வாக்குறுதிகளை நிறைவேற்றுவதில் முனைப்புடன் செயலாற்றுவதை ஓரளவு அவதானிக்க முடிகின்றது.

இந்தநிலையில், ஜனாதிபதி அநுரகுமார திஸாநாயக்கவின் இன்றைய முகநூல் பதிவு, அண்மைய கைது நடவடிக்கைகள் மற்றும் அரசியல் ரீதியான சம்பவங்களை அடுத்து அதிக கவனத்தைப் பெறுகின்றது.  

ரணிலின் நெருங்கிய விசுவாசிகளால் சிறையில் ஷிரந்தி

சூடுபிடிக்கும் ஞானசார தேரரின் கைது: ஜனாதிபதிக்கும் மகா சங்கத்தினருக்கும் இடையில் அவசர சந்திப்பு