லங்காசிறி FM
ஊடகவியலாளர்களின் டுவிட்டர் கணக்கை முடக்கிய எலன் மஸ்க்: விடுக்கப்பட்டுள்ள கடும் எச்சரிக்கை
அமெரிக்காவின் பல்வேறு செய்தி நிறுவனங்களைச் சேர்ந்த மூத்த ஊடகவியலாளர்கள் பலரின் டுவிட்டர் கணக்குகளை டுவிட்டர் நிறுவனம் கடந்த இரு தினங்களுக்கு முன் முடக்கியுள்ளது.
அமெரிக்காவின் முன்னணி ஊடகங்களான ''தி நியூயார்க் டைம்ஸ், சி.என்.என்,
இ தி வாஷிங்டன் போஸ்ட்'' உள்ளிட்ட பல நிறுவன ஊடகவியலாளர்களின் கணக்குகள் முடக்கப்பட்டுள்ளன.
எலான் மஸ்க்கின் அசைவுகளை இரகசியமாக கண்காணித்து, அவர் குறித்து செய்திகளை வெளியிட்டதன் காரணமாக ட்விட்டரின் புதிய தனியுரிமைக் கொள்கைகளின் ஒரு பகுதியான மற்றவர்களின் நல்வாழ்வுக்கு அச்சுறுத்தல் என்ற அடிப்படையில் இந்த கணக்குகள் முடக்கப்பட்டதாக தெரிவிக்கப்படுகின்றது.
ஊடக சுதந்திரம் பறிப்பு
டுவிட்டர் நிறுவனத்துக்கு ''ஐ.நா. மற்றும் ஐரோப்பிய கூட்டமைப்பு கடும் கண்டனம்'' தெரிவித்துள்ளது.
ஐ.நா.வின் உலகளாவிய தகவல் தொடர்புகளுக்கான துணைப் பொதுச்செயலாளர் மெலிசா பிளவ்மிங் கூறுகையில், டுவிட்டரில் ஊடகவியலாளர்களின் கணக்குகள் முடக்கப்பட்டது மிகுந்த மன உளைச்சலை அளிக்கிறது.
''ஊடக சுதந்திரம் என்பது பொம்மை அல்ல, சுதந்திரமான பத்திரிகை ஜனநாயக சமூகங்களின் அடித்தளம் எனவும் அது தீங்கு விளைவிக்கும் தவறான தகவல்களுக்கு எதிரான போராட்டத்தில் ஒரு முக்கிய கருவியாகும்'' எனத் தெரிவித்தார்.
தடைகள் விதிக்கப்படும்
ஐரோப்பிய கூட்டமைப்பின் ஆணையர் வேரா ஜூரோவா கருத்துத் தெரிவிக்கையில், ''ஊடக சுதந்திரம் மற்றும் அடிப்படை உரிமைகளை மதிக்க வேண்டும். எலான் மஸ்க் இது தொடர்பில் எச்சரிக்கையாக இருக்க வேண்டும்.
டுவிட்டர் நிறுவனம் தொடர்ந்து எல்லை மீறினால் ஐரோப்பாவின் புதிய டிஜிட்டல் சேவைகள் சட்டத்தின் கீழ் பொருளாதார தடைகள் விதிக்கப்படும் என எச்சரித்துள்ளார்.
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
ஊர்காவற்துறை, பிரித்தானியா, United Kingdom, கனடா, Canada
15 Dec, 2022
புங்குடுதீவு 12ம் வட்டாரம், புங்குடுதீவு 11ம் வட்டாரம், கனடா, Canada
03 Dec, 2014
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
