AI தொடர்பில் யுனெஸ்கோவின் புதிய அறிக்கை! விடுக்கப்பட்டுள்ள எச்சரிக்கை

UNESCO Artificial Intelligence

By Amal Mar 14, 2026 09:55 AM GMT

Amal

in உலகம்

Report

உலகளவில் கலாசார மற்றும் ஆக்கப்பூர்வமான தொழில்துறைகள் எதிர்கொள்ளும் சவால்கள் மற்றும் வாய்ப்புகளை யுனெஸ்கோ (UNESCO) வெளியிட்டுள்ள "படைப்பாற்றலை மறுவடிவமைத்தல்" என்ற புதிய அறிக்கை விரிவாக எடுத்துரைக்கிறது.

இந்த அறிக்கையின்படி, கலாசாரத் துறை உலகளாவிய மொத்த உள்நாட்டு உற்பத்தியில் (GDP) 3.1% பங்களிப்பதோடு, சுமார் 5 கோடி பேருக்கு வேலைவாய்ப்புகளை வழங்குகிறது.

யுனெஸ்கோ எச்சரிக்கை

இருப்பினும், டிஜிட்டல் தொழில்நுட்பங்களின் அசுர வளர்ச்சி, குறிப்பாகச் செயற்கை நுண்ணறிவு (AI), கலைஞர்களின் வருமானம் மற்றும் பதிப்புரிமை சார்ந்த விவகாரங்களில் பெரும் தாக்கத்தை ஏற்படுத்தியுள்ளதாக யுனெஸ்கோ எச்சரித்துள்ளது.

AI தொடர்பில் யுனெஸ்கோவின் புதிய அறிக்கை! விடுக்கப்பட்டுள்ள எச்சரிக்கை | Ai Affecting Artists Income Copyright Unesco

டிஜிட்டல் தளங்களில் படைப்புகள் பகிரப்படும்போது கலைஞர்களுக்குக் கிடைக்கும் ஊதியம் மிகவும் குறைவாக இருப்பதை இந்த அறிக்கை சுட்டிக்காட்டுகிறது.

மேலும், வளரும் நாடுகளுக்கும் வளர்ந்த நாடுகளுக்கும் இடையே கலாசாரப் பண்டங்களின் ஏற்றுமதியில் பெரும் இடைவெளி நிலவுவதையும் யுனெஸ்கோ கவலையுடன் பதிவு செய்துள்ளது.

ஆக்கப்பூர்வமான பொருளாதாரம்

கலைஞர்களின் சுதந்திரம், பாலின சமத்துவம் மற்றும் சமூகப் பாதுகாப்பு ஆகியவற்றை உறுதி செய்ய வேண்டியது அவசியம் என்றும், கலாசாரக் கொள்கைகளை நாடுகள் மறுசீரமைக்க வேண்டும் என்றும் இந்த அறிக்கை வலியுறுத்துகிறது.

ஆக்கப்பூர்வமான பொருளாதாரத்தைப் பாதுகாப்பதன் மூலமே நிலையான வளர்ச்சியை எட்ட முடியும் என யுனெஸ்கோ இந்த அறிக்கையின் வாயிலாக உலக நாடுகளுக்கு அழைப்பு விடுத்துள்ளது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை