லங்காசிறி FM
இரண்டு பேருந்துகள் நேருக்கு நேர் மோதி விபத்து! சாரதி கைது
நுவரெலியா - தலவாக்கலை ஏ7 பிரதான வீதியில் நானுஓயா டெஸ்போட் பிரதேசத்தில் இரண்டு பேருந்துகள் ஒன்றுடன் ஒன்று மோதி விபத்துக்குள்ளானதில் 28 பேர் வைத்தியசாலையில் அனுமதிக்கப்பட்டதாக நானுஓயா பொலிஸார் தெரிவித்தனர்.
குறித்த விபத்து நேற்று (14.11.2026) காலை 11 மணி அளவில் இடம்பெற்றுள்ளது.
கவலைக்கிடமான நிலைமை இல்லை
காயமடைந்தவர்கள் நுவரெலியா மாவட்ட பொது வைத்தியசாலையில் அனுமதிக்கப்பட்ட தாவும் இவர்களில் நிலைமை கவலைக்கிடமாக இல்லை எனவும் இதில் சிலர் சிகிச்சையின் பின்னர் வீடு திரும்பி உள்ளதாக வைத்தியசாலை தகவல்கள் தெரிவிக்கின்றன.
குறித்த விபத்தில் சிறைச்சாலை பேருந்தின் சாரதி உட்பட 4 பேரும் திருமண நிகழ்வுக்காக சென்ற பேருந்தில் 24 பேரும் காயம் காயமடைந்து வைத்தியசாலையில் அனுமதிக்கப்பட்டிருந்தமை குறிப்பிடத்தக்கது.
கொழும்பில் இருந்து நுவரெலியா நோக்கிச் சுற்றுலா சென்ற வெலிக்கடை சிறைச்சாலை அதிகாரிகள் குழுவினர் பயணித்த பேருந்தொன்று எதிர் திசையில் நுவரெலியா போரலந்த பகுதியிலிருந்து நானுஓயா டெஸ்போட் வழியாக அகரப்பத்தனை பகுதிக்குத் திருமண நிகழ்வு ஒன்றுக்குச் சென்றவர்களை ஏற்றிச் சென்ற பேருந்துடன் நேருக்கு நேர் மோதி இந்த விபத்து நிகழ்ந்துள்ளதாக பொலிஸார் தெரிவித்தனர்.
விபத்துக்கு முக்கியக் காரணம்
முதற்கட்ட விசாரணைகளில் நுவரெலியா போரலந்த பகுதியிலிருந்து நானுஓயா டெஸ்போட் வழியாக அகரப்பத்தனை நோக்கி பயணித்த சாரதி, அதிவேகமாக பேருந்தை இயக்கியதே விபத்துக்கு முக்கியக் காரணம் என சந்தேகிக்கும் பொலிஸார் சாரதியை கைது செய்து மருத்துவப் பரிசோதனைகளுக்கு உட்படுத்தியுள்ளனர்.
இதனையடுத்து அவரை நுவரெலியா மாவட்ட நீதிவான் நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளது.
சம்பவம் தொடர்பில் நானுஓயா பொலிஸார் மேலதிக விசாரணைகளை முன்னெடுத்துள்ளனர்.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
