இறக்குமதி செய்யப்படும் உணவுப் பொருள் ஒன்றின் விலை குறைவு
இறக்குமதி செய்யப்படும் பெரிய வெங்காயத்தின் விலை குறைந்துள்ளது.
தம்புள்ளை பொருளாதார மத்திய நிலையத்தில் இவ்வாறு பெரிய வெங்காயத்தின் விலையில் வீழ்ச்சி பதிவாகியுள்ளதாக தெரிவிக்கப்படுகின்றது.
இதன்படி, இறக்குமதி செய்யப்பட்ட ஒரு கிலோ பெரிய வெங்காயத்தின் மொத்த விலை இன்று 150 முதல் 170 ரூபா வரை விற்பனை செய்யப்படுவதாக தெரிவிக்கப்படுகின்றது.
அதிகரித்திருந்த விலை
எனினும், நேற்றைய தினம் இறக்குமதி செய்யப்பட்ட பெரிய வெங்காயம் ஒரு கிலோவின் மொத்த விலை 200 முதல் 300 வரையில் விற்பனை செய்யப்பட்டமை குறிப்பிடத்தக்கது.
இதேவேளை, ஒரு கிலோ உள்ளூர் சிவப்பு வெங்காயத்தின் மொத்த விலை இன்று 340 ரூபாவிலிருந்து 500 ரூபாவாக அதிகரித்துள்ளதாக தெரிவிக்கப்படுகின்றதுஃ.