அரசாங்கம் முகத்தில் கரியை பூசிக் கொண்டுள்ளது – மனோ குற்றச்சாட்டு

Mano Ganeshan NPP Government

By Kamal Feb 28, 2026 05:20 AM GMT

Kamal

in அரசியல்

Report

அரசாங்கம் முகத்தில் கரியை பூசிக்கொண்டு உள்ளது என நாடாளுமன்ற உறுப்பினர் மனோ கணேசன் தெரிவித்துள்ளார்.

நிலக்கரியின் நிறம் என்ன? அது கருமை நிறம் அந்த நிறத்தை அரசாங்கம் முகத்தில் பூசிக்கொண்டு உள்ளது என அவர் சுட்டிக்காட்டியுள்ளார்.

நிலக்கரி கொள்வனவு விவகாரத்தில் தேசிய மக்கள் சக்தி அரசாங்கம் சிக்கியுள்ளது என குற்றம் சுமத்தியுள்ளார்.

அரசாங்கம் முகத்தில் கரியை பூசிக் கொண்டுள்ளது – மனோ குற்றச்சாட்டு | 7000 Million Lost In Coal Imports Says Mano

இந்த நிலக்கரி இறக்குமதி நடவடிக்கையில் பாரிய மோசடி இடம் பெற்றுள்ளது என்பது நாம் அனைவரும் அறிந்த ஒன்றே என அவர் குறிப்பிட்டுள்ளார்.

தரம் குறைந்த நிலக்கரி இறக்குமதி செய்யப்பட்டுள்ளது, இதனை யாரும் மறுக்க முடியாது இது அனைவரும் அறிந்த விடயமே என அவர் குறிப்பிட்டுள்ளார்.

தரம் குறைந்த நிலக்கரி என்பதால் அதன் உற்பத்தி திறன் குறைவு எனவும் அதனால் கூடுதல் அளவில் எரிசக்தியை கொள்வனவு செய்ய நேரிட்டுள்ளதாகவும் அவர் குறிப்பிட்டுள்ளார்.

நிலக்கரி கொள்வனவில் சுமார் 700 கோடி ரூபா ஊழல் இடம்பெற்றுள்ளது என அவர் தெரிவித்துள்ளார்.

நிலக்கரி இறக்குமதி செய்வதற்கு வழங்கப்பட்ட நிறுவனம் அரசாங்கத்திற்கு நெருக்கமான நிறுவனமாக இருக்க வேண்டும் என அவர் குறிப்பிட்டுள்ளார்.

700 கோடி ரூபா நட்டம் ஏற்பட்டிருக்கும் நிலையில் அதனை மோசடி என்று சொல்லாமல் வேறு எவ்வாறு சொல்வது? என அவர் கேள்வி எழுப்பியுள்ளார்.

இலங்கைக்கு அரிசி வழங்கும் நடவடிக்கையின் போது கருப்பு பட்டியலிடப்பட்ட நிறுவனம் ஒன்றிற்கு இந்த நிலக்கரி இறக்குமதி செய்வதற்காக சந்தர்ப்பம் வழங்கப்பட்டுள்ளது எனவும் இது மோசடி என்று கூறுவதைத் தவிர வேறு எவ்வாறு கூறுவது என அவர் கேள்வி எழுப்பி உள்ளார்.

அவர்களது அகராதியில் ஊழல் என்பதற்கு வேறு ஏதும் அர்த்தம் உள்ளதா என்று எனக்கு தெரியவில்லை என மனோ கணேசன் நகைச்சுவையாக ஊடகங்களிடம் தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை