லங்காசிறி FM
மட்டக்களப்பில் நபரை கடத்தி சிறை வைத்தவருக்கு 7 வருட கடூழிய சிறைத்தண்டனை
மட்டக்களப்பு ஏறாவூர் பொலிஸ் பிரிவிலுள்ள தன்னாமுனை பகுதியில் 2007ம் ஆண்டு நபரை கடத்தி சிறை வைத்தவருக்கு 7 வருட கடூழிய சிறைத் தண்டனையும் 25 ஆயிரம் ரூபா அபராதமாக செலுத்துமாறு உத்தரவிடப்பட்டுள்ளது.
தன்னாமுனை பகுதியைச் சேர்ந்த சதீஸ்குமார் என்பவரை 2007ம் ஆண்டு கடத்தி, சவுக்கடி பகுதியில் சிறை வைத்த 36 வயதுடைய நடராசா சதீஷ் ராசா என்பவருக்கு மட்டக்களப்பு மேல் நீதிமன்ற நீதிபதி ரி.ஜே. பிரபாகரன் தீர்ப்பளித்தார்.
கடந்த 2007 டிசம்பர் 23ம் திகதி தன்னாமுனை பகுதியைச் சேர்ந்த சதீஷ்குமார் என்பவரை கடத்தி சென்று சவுக்கடி பகுதியில் சிறைவைத்த சம்பவம் தொடர்பாக அதே பகுதியைச் சேர்ந்த நடராசா சதீஷ் ராசா என்பவரை பொலிசார் கைது செய்தனர்.
கடூழிய சிறைத்தண்டனை
இதனை தொடர்ந்து கைது செய்யப்பட்டவருக்கு எதிராக ஏறாவூர் நீதவான் நீதிமன்றில் வழக்கு தாக்கல் செய்யப்பட்டு தொடர் விசாரணையின் பின்னர் மட்டக்களப்பு மேல் நீதிமன்றத்திற்கு 2022ம் ஆண்டு மாற்றப்பட்டு விசாரணை இடம்பெற்று வந்தது.
இந்த நிலையில் வழக்கு தொடுநர் சார்பில், அரச சட்டவாதிகளான எஸ். அனுஷாங்கன் மற்றும் ரி.தர்சிகா ஆகியோர் ஆஜராகி வாதாடி வந்த நிலையில் குறித்த நபர் குற்றவாளியாக கடந்த 15 ம் திகதி நீதிமன்றில் இனங்காணப்பட்டு தண்டனை தீர்ப்பு அறிவிக்கப்பட்டது.
இதனையடுத்து குறித்த நபர் குற்றவாளியாக நீதிமன்றில் இனங்காணப்பட்டு தண்டனை தீர்ப்பு அறிவிக்கப்பட்டதையடுத்து ஆள் ஒருவரை பலவந்தமாக கடத்தி சென்று சிறைவைத்த குற்றத்திற்கு தண்டனை சட்டக்கோவை 32 ஆம் 356 பிரிவின் கீழ் 7 வருட கடூழிய சிறைத் தண்டனையும் 25 ஆயிரம் ரூபா அபராதமாக செலுத்துமாறு மட்டக்களப்பு மேல் நீதிமன்ற நீதிபதி ரி.ஜே. பிரபாகரன் தீர்ப்பளித்தார்.
அல்லைப்பிட்டி, பிரான்ஸ், France
12 Nov, 2011
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
