அநுராதபுரத்தில் சோகம்..! பெற்றோரின் கண் முன்னாலே உயிரிழந்த 2 வயது குழந்தை

Sri Lanka Police Anuradhapura Sri Lanka Police Investigation Death

By Rakesh May 31, 2026 10:30 AM GMT

Rakesh

in சமூகம்

Report

அனுராதபுரம், கெக்கிராவை பிரதேசத்தில் பெற்றோருடன் கட்டிலில் உறங்கிக் கொண்டிருந்த இரண்டு வயது ஆண் குழந்தை ஒன்று, எதிர்பாராதவிதமாகக் கட்டிலில் இருந்து தவறி கீழே விழுந்து பரிதாபமாக உயிரிழந்துள்ளது.

இந்தத் துயரச் சம்பவம் நேற்று(31) சனிக்கிழமை இடம்பெற்றுள்ளது.

பரிதாப மரணம்

நேற்று அதிகாலை மேற்படி குழந்தை பெற்றோருடன் கட்டிலில் நித்திரையில் இருந்துள்ளது. இதன்போது, குழந்தை திடீரெனக் கட்டிலில் இருந்து உருண்டு அருகில் இருந்த தரைப்பகுதியில் தவறி விழுந்துள்ளது.

அநுராதபுரத்தில் சோகம்..! பெற்றோரின் கண் முன்னாலே உயிரிழந்த 2 வயது குழந்தை | 2 Year Old Child Falls Bed Sleeping With Parents

இதில் அக்குழந்தையின் தலைப் பகுதியில் பலத்த அடிபட்டுக் கடுமையான காயம் ஏற்பட்டுள்ளதுடன், குழந்தை உடனடியாக அவ்விடத்திலேயே மயக்கமடைந்துள்ளது.

குழந்தை மயக்கமடைந்ததைக் கண்டு அதிர்ச்சியடைந்த பெற்றோர், உடனடியாக அக்குழந்தையை மீட்டு சிகிச்சைக்காக வைத்தியசாலைக்குக் கொண்டு சென்றனர்.

மேலதிக விசாரணை

எனினும், வைத்தியசாலையில் அனுமதிக்கப்படுவதற்கு முன்னரே குழந்தை பரிதாபமாக உயிரிழந்துவிட்டது என்று அங்கிருந்த கடமை நேர வைத்தியர்கள் உத்தியோகபூர்வமாகத் தெரிவித்துள்ளனர்.