2.5 மில்லியன் அமெரிக்க டொலர் விவகாரம் : நிதி அமைச்சின் செயலாளருக்கு எச்சரிக்கை

நிதி அமைச்சின் செயலாளர் ஹர்ஷண சூரியப்பெரும நாடாளுமன்ற நிதிக் குழுவில் முன்னிலையாக தவறினால், நாடாளுமன்ற பொறிமுறையூடாக அவருக்குத் தண்டனை வழங்க நிதிக் குழுவின் தலைவர் ஹர்ஷ டி சில்வாவிற்கு அதிகாரம் உள்ளதாக 'ஃப்ரீ லோயர்ஸ்' அமைப்பு தெரிவித்துள்ளது.

அமைப்பின் சார்பில் அறிக்கை வெளியிட்ட முன்னாள் ஆளுநர் ரஜித் கீர்த்தி தென்னக்கோன், 2022ஆம் ஆண்டு நிறைவேற்றப்பட்ட நாடாளுமன்ற நிலை ஆணை 121இன் கீழ் பொது நிதிக் குழு அமைக்கப்பட்டதாகக் குறிப்பிட்டார்.

பாடசாலை மாணவிகளுடன் அதிசொகுசு காருக்குள் சிக்கிய ஆசிரியர் - விசாரணையில் பல திடுக்கிடும் தகவல்கள்

இரண்டு ஆண்டுகள் வரை சிறைத்தண்டனை

மேலும், நாடாளுமன்ற நிலை ஆணைகளை மீறும் எந்தவொரு தனிநபருக்கும் தண்டனை வழங்க நாடாளுமன்ற (அதிகாரங்கள் மற்றும் சிறப்புரிமைகள்) சட்டத்தில் வழிமுறைகள் உள்ளன என்றும் அவர் கூறியுள்ளார்.

அதன்படி, குழுத் தலைவருக்கு எந்தவொரு தனிநபரையும் வரவழைக்க அதிகாரம் உண்டு, மேலும் அத்தகைய அழைப்பு புறக்கணிக்கப்பட்டால், அதிகாரங்கள் மற்றும் சிறப்புரிமைகள் சட்டத்தின் கீழ் நடவடிக்கைகளும் தண்டனைகளும் விதிக்கப்படலாம்.

இதுபோன்ற குற்றங்களுக்கு நாடாளுமன்றமோ அல்லது உயர் நீதிமன்றமோ தண்டனை விதிக்கக்கூடும் என்று தென்னக்கோன் வலியுறுத்தினார்.

தண்டனைகளில், இரண்டு ஆண்டுகள் வரை சிறைத்தண்டனை, அபராதம் அல்லது இரண்டும் அடங்கலாம் என்று அவர் மேலும் குறிப்பிட்டுள்ளார்.

எனவே, ஹர்ஷ டி சில்வா தலைமையிலான பொது நிதிக் குழுவால் அழைக்கப்படும் எந்தவொரு தனிநபரும் முன்னிலையாகத் தவறினால், நாடாளுமன்ற (அதிகாரங்கள் மற்றும் சிறப்புரிமைகள்) சட்டத்தின் கீழ் அவர் மீது சட்ட நடவடிக்கை எடுக்கப்படலாம்.

வரலாற்றில் இதற்கு முந்தைய எந்தவொரு அரசாங்கமும் நாடாளுமன்றத்தின் நிதிப் பொறுப்புடைமையை இந்த விதத்தில் கேள்விக்குட்படுத்தியதில்லை அல்லது நாடாளுமன்றக் குழுக்களின் அதிகாரத்தைக் குறைமதிப்பிற்கு உட்படுத்தியதில்லை என்றும் அந்த அறிக்கை குறிப்பிட்டுள்ளது.

நடத்தி வரும் விசாரணைகள்

இதற்கிடையில், பொது நிதி மீதான குழுவின் முன் ஹர்ஷண சூரியப்பெரும முன்னிலையாக மாட்டார் என்று தனக்குத் தெரிவிக்கப்பட்டதாக ஹர்ஷ டி சில்வா நேற்று (29) தெரிவித்தார்.

வெளிநாட்டுக் கடனைத் திருப்பிச் செலுத்துவதற்காக திறைசேரியில் வைக்கப்பட்டிருந்த 2.5 மில்லியன் அமெரிக்க டொலர், வெளித் தரப்பினருக்கு மாற்றப்பட்டதாகக் கூறப்படும் சம்பவம் தொடர்பாக விளக்கம் அளிப்பதற்காக, நிதி அமைச்சக செயலாளர் இன்று (30) குழுவில் முன்னிலையாகுமாறு அழைக்கப்பட்டிருந்தார்.

இருப்பினும், தம்மால் இன்றைய குழு அமர்வில் கலந்துகொள்ள இயலாது என சூரியப்பெரும தலைவருக்குக் கடிதம் மூலம் தெரிவித்தார்.

மேலும், இச்சம்பவம் தொடர்பாக குற்றப் புலனாய்வுத் துறை (CID) நடத்தி வரும் விசாரணைகள் மீது தனக்கு நம்பிக்கை இல்லை என வழக்கறிஞர்கள் அமைப்பின் உறுப்பினர் மைத்ரி குணரத்ன தெரிவித்துள்ளார்.

தமிழகத்தில் தேர்தல் பரபரப்புக்கு மத்தியில் விஜயை தேடிச் சென்ற தமிழக உளவுத்துறை!

you may like this