இதற்கமைய, விண்வெளியில் 16.09 பில்லியன் மைல்கள் பயணித்தால் ஒரு ஒளி நாள் தூரம் நிறைவடையும் நிலையில், வொயேஜர் 1 விண்கலம் எதிர்வரும் 18ஆம் திகதிக்குள் அந்த தூரத்தை எட்டும் என தெரியவந்துள்ளது.

இந்த விண்கலம் 1977ஆம் ஆண்டு செப்டம்பர் 5ஆம் திகதி, புளோரிடாவின் கேப் கனாவரலில் இருந்து விண்ணில் செலுத்தப்பட்டது.

வொயேஜர் 1 விண்கலத்தின் பணி

சூரியக் குடும்பத்தின் மிகப்பெரிய கோள்களான வியாழன் மற்றும் சனி மற்றும் அவற்றின் துணைக்கோள்களை நெருக்கமாக ஆய்வு செய்வதே இதன் பிரதான நோக்கமாக இருந்தது. ஐந்து ஆண்டுகளுக்கு மட்டுப்படுத்தப்பட்டிருந்த பிரதான பணியை வெற்றிகரமாக நிறைவு செய்த பின்னர், வொயேஜர் 1 விண்கலம் சூரியனின் தாக்கம் முடிவடையும் எல்லைக்கு அப்பால் சென்று, விண்மீன்களுக்கு இடையிலான விண்வெளியை (Interstellar Space) ஆராயவும் பயன்படுத்தப்பட்டது.

சனிக்கோளின் மிகப்பெரிய துணைக்கோளான டைட்டனில், நைட்ரஜன் அதிகம் நிறைந்த அடர்த்தியான வளிமண்டலம் இருப்பதை உறுதிப்படுத்தியது வொயேஜர் 1 விண்கலம், கடந்த 1990ஆம் ஆண்டு பெப்ரவரி 14ஆம் திகதி, சுமார் 6 பில்லியன் கிலோமீட்டர் தொலைவில் இருந்து பூமியை நோக்கி தனது கேமராவைத் திருப்பி, Pale Blue Dot என அழைக்கப்படும் வரலாற்றுச் சிறப்புமிக்க புகைப்படத்தையும் வொயேஜர் 1 பதிவு செய்துள்ளது.

2012ஆம் ஆண்டு ஆகஸ்ட் 25ஆம் திகதி, சூரியனின் காந்தப்புல எல்லையைக் கடந்து விண்மீன்களுக்கு இடையிலான விண்வெளிக்குள் நுழைந்த முதல் விண்கலமாகவும் வொயேஜர் 1 வரலாற்று சாதனை படைத்துள்ளது.

பொதுமக்களுக்கு நாசா விடுத்துள்ள அழைப்பு

விண்கலம் விண்ணில் செலுத்தப்பட்டபோது அதில் சேர்க்கப்பட்டிருந்த தகவல்கள் குறித்து நாசாவில் பணியாற்றும் இலங்கையைச் சேர்ந்த மூத்த விஞ்ஞானி டாக்டர் சரத் குணபால தெரிவிக்கையில்,

“அதில் 12 அங்குல அளவிலான பிளாட்டினம் தகடும், தங்கத் தகடும் உள்ளன. நமது சூரியன், விண்மீன் மண்டலம் மற்றும் பூமி தொடர்பான தகவல்களுடன், பூமியில் உள்ள பல்வேறு ஒலிகளும் அதில் பதிவு செய்யப்பட்டுள்ளன. அதில் சுமார் 55 மொழிகளில் வாழ்த்துச் செய்திகள் இடம்பெற்றுள்ளன. அவற்றில் ‘ஆயுபோவன்’ என்ற சொல்லும் இடம்பெற்றுள்ளது.

புத்திசாலித்தனமும் மேம்பட்ட தொழில்நுட்பமும் கொண்டு விண்வெளியில் பயணிக்கும் திறன் கொண்ட ஒரு நாகரிகம், ஏதேனும் ஒரு நாள் இதைக் கண்டுபிடித்தால், பிரபஞ்சத்தின் அந்தப் பகுதியில் அல்லது விண்மீன் மண்டலத்தின் அந்தப் பகுதியில், பல மில்லியன் ஆண்டுகளுக்கு முன்னர் உயிரினங்கள் வாழ்ந்திருந்தன என்பதை அவர்கள் அறிந்துகொள்ள முடியும்” என்றார்.

விண்வெளி வரலாற்றில் இந்த விண்கலம் படைக்கவுள்ள இந்த சிறப்புமிக்க மைல்கல்லை உலக மக்களுடன் கொண்டாடுவதற்கு நாசா அழைப்பு விடுத்துள்ளது.

இதன்படி, நவம்பர் 17ஆம் திகதி சூரியன் மறைந்த பின்னர், தங்களது கையடக்கத் தொலைபேசிகள் அல்லது ஏனைய ஒளி சாதனங்களை வானத்தை நோக்கி ஒளிரச் செய்து, இந்த வரலாற்றுச் சிறப்புமிக்க தருணத்தை கொண்டாடுமாறு நாசா உலக மக்களிடம் கேட்டுக்கொண்டுள்ளது.

நேற்றைய தினம்(14.11.2026) அவர் இயற்கை எய்தினார் என்ற செய்தி வடக்கு, கிழக்கு மற்றும் முழு நாட்டினதும் அரசியல் களத்தில் ஒரு பாரிய வெற்றிடத்தை ஏற்படுத்தியுள்ளதாக அமைச்சர் சுட்டிக்காட்டியுள்ளார்.

அவர் வெளியிட்டுள்ள இரங்கல் செய்தியில் மேலும் தெரிவிக்கப்பட்டுள்ளதாவது,

அரசியல் ரீதியாக எமக்கிடையே வெவ்வேறு நிலைப்பாடுகளும் மாறுபட்ட கருத்துக்களும் இருந்தபோதிலும், தனிப்பட்ட ரீதியில் அவருடன் நான் கொண்டிருந்த நட்பும் புரிந்துணர்வும் மிகவும் ஆழமானது.

எம்.கே. சிவாஜிலிங்கத்தின் மறைவால் கடும் துயர்

அண்மையில் அவரை நேரில் சந்தித்து உரையாடிய தருணங்கள் இன்றும் எனது நினைவில் பசுமையாக உள்ளன. அந்தச் சந்திப்பின் போதும், வழமை போலவே மிகவும் உற்சாகத்துடனும், தமிழ் மக்களின் எதிர்காலம் மற்றும் சமகால அரசியல் நிலைமைகள் குறித்த ஆழ்ந்த சிந்தனையுடனும் அவர் கருத்துக்களைப் பகிர்ந்து கொண்டார்.

தாம் கொண்ட கொள்கையில் எவ்விதத் தளர்வுமின்றி, துணிச்சலுடன் குரல் கொடுக்கும் அவரது பண்பு என்றும் போற்றுதற்குரியது. அன்னாரது அரசியல் பயணம் மிகவும் நீண்டதும் போராட்டங்கள் நிறைந்ததுமாகும். ஆரம்பகாலப் போராட்டக் களத்திலிருந்து ஜனநாயக அரசியல் நீரோட்டம் வரை, தமது மக்களின் குரலாக ஒலிப்பதற்கு அவர் ஒருபோதும் தயங்கியதில்லை. நாடாளுமன்ற உறுப்பினராகவும், வடமாகாண சபை உறுப்பினராகவும், இறுதிவரை வல்வெட்டித்துறை நகரசபை தவிசாளராகவும் அவர் ஆற்றிய மக்கள் பணிகள் வரலாற்றில் என்றும் நிலைத்திருக்கும்.

விமர்சனங்களுக்கு அஞ்சாமல், தாம் சரி என நம்பிய விடயங்களுக்காக இறுதிவரை உறுதியுடன் நின்ற ஒரு துணிச்சலான ஆளுமையை இன்று நாம் இழந்து நிற்கின்றோம். அன்னாரது இழப்பால் வாடும் அவரது குடும்பத்தினர், உறவினர்கள், வல்வெட்டித்துறை மக்கள், நண்பர்கள் மற்றும் ஆதரவாளர்கள் அனைவருக்கும் எனது ஆழ்ந்த அனுதாபங்களையும் இரங்கலையும் தெரிவித்துக்கொள்கிறேன். அன்னாரது ஆத்மா சாந்தியடையப் பிரார்த்திக்கிறேன் எனக் குறிப்பிடப்பட்டுள்ளது. 

அக்கரைப்பற்று முஸ்லிம் தேசிய பாடசாலையின் 80ஆவது ஆண்டு விழாவில் உரையாற்றிய அவர், ஒவ்வொரு குழந்தைக்கும் 13 ஆண்டுகால கல்வி கிடைக்க வேண்டும் என்றும், பிள்ளைகள் பாடசாலைக்குச் செல்வதை பெற்றோர் உறுதிப்படுத்த வேண்டும் என்றும் தெரிவித்தார்.

2027ஆம் ஆண்டுக்கான வரவு செலவுத் திட்டத்தில் கல்விக்காக 749 பில்லியன் ரூபாய் ஒதுக்கப்பட்டுள்ளதாகவும், இதில் 562.4 பில்லியன் ரூபாய் பாடசாலைக் கல்விக்காக ஒதுக்கப்பட்டுள்ளதாகவும் அவர் குறிப்பிட்டார்.

தலைமைத்துவம்

மேலும், 2026ஆம் ஆண்டு முதலாம் தரத்திற்கு அறிமுகப்படுத்தப்பட்ட புதிய பாடத்திட்டம் 2027ஆம் ஆண்டு 2ஆம் மற்றும் 6ஆம் தரங்களுக்கு விரிவுபடுத்தப்படும் எனவும் தெரிவித்தார்.

பரீட்சைகளில் சித்தியடைவதை மாத்திரம் இலக்காகக் கொள்ளாமல், தலைமைத்துவம், குழுப்பணி, தொழில்நுட்பம் மற்றும் வாழ்க்கைக்குத் தேவையான நடைமுறைத் திறன்களையும் மாணவர்கள் வளர்த்துக்கொள்ள வேண்டும் எனவும் பிரதமர் வலியுறுத்தினார்.

லங்காசிறியின் ஊடறுப்பு நிகழ்ச்சியில் கலந்துகொண்டு கருத்து தெரிவிக்கும் போது அவர் இவ்வாறு குறிப்பிட்டார்.

தொடர்ந்தும் குறிப்பிட்ட அவர்,

கம்பவாரிதி ஜெயராஜ் தனது கருத்துகளை முன்வைக்கும்போது, விடுதலைப் புலிகளின் தலைவர்களுடன் தாம் கொண்டிருந்த தொடர்புகள் மற்றும் அவர்களிடமிருந்து பெற்ற அங்கீகாரங்கள் குறித்துக் குறிப்பிட்டதாகச் சுட்டிக்காட்டிய கே.வி தவராசா , அவருடைய கருத்துகளுக்கு மாற்றுக் கருத்துகளை முன்வைப்பவர்கள் உணர்ச்சிவசப்பட்டு பதிலளிப்பது ஆபத்தான விளைவுகளை ஏற்படுத்தக்கூடும் என்றார்.

குறிப்பாக, இலங்கையில் நடைமுறையிலுள்ள பயங்கரவாதத் தடைச் சட்டம் மற்றும் முன்மொழியப்பட்டுள்ள புதிய சட்ட ஏற்பாடுகள் தொடர்பில் பொதுமக்கள் விழிப்புடன் இருக்க வேண்டும் எனவும் அவர் வலியுறுத்தினார்.

பயங்கரவாதத் தடுப்புச் சட்டத்தின் கீழ், தடை செய்யப்பட்ட இயக்கம் குறித்த தகவல்களைத் தெரிந்தும் மௌனமாக இருப்பதோ அல்லது அது தொடர்பாகக் கருத்துகளைப் பதிவிடுவதோ ஏழு ஆண்டுகள் சிறைத்தண்டனை மற்றும் பாரிய அபராதங்களுக்கு (7 மில்லியன் ரூபா வரை) வழிவகுக்கலாம்.

தடை செய்யப்பட்ட அமைப்புகள் தொடர்பான தகவல்களை அறிந்திருந்தும் அவற்றை வழங்கத் தவறுவது உள்ளிட்ட குற்றச்சாட்டுகளின் கீழ் கைது மற்றும் நீண்டகாலத் தடுப்புக் காவல் போன்ற சட்ட நடவடிக்கைகள் இடம்பெறக்கூடும் எனக் குறிப்பிட்ட அவர், புதிய சட்ட ஏற்பாடுகளின் கீழ் அபராதங்களும் அதிகரிக்கக்கூடும் எனத் தெரிவித்தார்.

மேலும், கடந்த காலங்களில் ஊடகவியலாளர்கள் மற்றும் ஊடக நிறுவனங்கள் எதிர்கொண்ட சட்ட நெருக்கடிகளையும் அவர் நினைவுபடுத்தினார்.

குறிப்பாக, ஊடகவியலாளர் ஜெயபிரகாஷ் திசைநாயகம் தொடர்பான வழக்கு, சுடரொளி மற்றும் உதயன் பத்திரிகைகளுடன் தொடர்புடைய சம்பவங்கள் உள்ளிட்டவற்றைச் சுட்டிக்காட்டிய அவர், கருத்துச் சுதந்திரம் மற்றும் ஊடகச் செயற்பாடுகள் தொடர்பில் நிலவிய அச்சுறுத்தல்களை எடுத்துரைத்தார்.

இந்த விடயங்கள் தொடர்பில் ஆராய்கின்றது லங்காசிறியின் ஊடறுப்பு நிகழ்ச்சி..

இலங்கையுடன் தொடர்புடைய பாரிய போதைப்பொருள் கடத்தல் நடவடிக்கைகளை முன்னெடுத்து வந்ததாகச் சந்தேகிக்கப்படும் ஷிரான் பாசிக், 2026ஆம் ஆண்டு மார்ச் மாதம் துபாயில் கைது செய்யப்பட்டிருந்தார். பின்னர், கடந்த ஒகஸ்ட் 14ஆம் திகதி இலங்கைக்கு நாடு கடத்தப்பட்டார்.

மேலதிக விசாரணை

அவர் கட்டுநாயக்க, பண்டாரநாயக்க சர்வதேச விமான நிலையத்தை வந்தடைந்ததும், குற்றப் புலனாய்வுத் திணைக்களத்தின் விமான நிலையப் பிரிவினரால் கைது செய்யப்பட்டார்.

இதனையடுத்து, அவரிடம் விசாரணைகளை முன்னெடுப்பதற்காக குற்றப் புலனாய்வுத் திணைக்களம் 72 மணிநேர தடுப்புக் காவல் உத்தரவைப் பெற்றிருந்ததுடன், பின்னர் மேலதிக விசாரணைகளுக்காக அவர் மத்திய குற்றப் புலனாய்வுப் பணியகத்திடம் ஒப்படைக்கப்பட்டார்.

தற்போது மேலதிகமாக 90 நாட்கள் தடுப்புக் காவலில் வைத்து விசாரிப்பதற்கான அனுமதி பெறப்பட்டுள்ளது.

ஆரம்பகட்ட விசாரணைகளின்போது, துபாயிலுள்ள சொகுசு வணிக வளாகமொன்றுக்குச் சென்றிருந்தபோது அந்நாட்டு பொலிஸாரால் தடுத்து நிறுத்தப்பட்டு சோதனையிடப்பட்டதாக ஷிரான் பாசிக் தெரிவித்துள்ளதாகக் கூறப்படுகிறது.

துபாயில் கைது

இதன்போது அவரது கைத்தொலைபேசியைச் சோதனையிட்ட பொலிஸார், அதில் ஈரானின் ஏவுகணை மற்றும் ஆளில்லா விமானத் தாக்குதல்கள் தொடர்பான காணொளிகள் இருந்ததைக் கண்டறிந்ததையடுத்து தம்மைக் கைது செய்ததாக அவர் கூறியுள்ளார்.

மேலும், ஈரானுடனான தொடர்புகள் குறித்து துபாய் அதிகாரிகள் தம்மிடம் விசாரணை நடத்தியதாகவும், இலங்கைக்குத் திரும்புவதற்கான விமானப் பயணச்சீட்டைத் தாமே கொள்வனவு செய்யுமாறு அறிவுறுத்தப்பட்டு நாடு கடத்தப்பட்டதாகவும் அவர் தெரிவித்துள்ளதாகத் தெரிவிக்கப்படுகிறது.

இதேவேளை, போதைப்பொருள் குற்றச்சாட்டுகள் தொடர்பான சட்ட நடவடிக்கைகளைத் தொடர்ந்து ஷிரான் பாசிக்கிற்கு எதிராக முன்னர் பிறப்பிக்கப்பட்டிருந்த சர்வதேச பொலிஸாரின் (Interpol) சிவப்பு அறிவித்தல் மீளப்பெறப்பட்டிருந்ததாக விசாரணையாளர்கள் தெரிவித்துள்ளனர்.

எனினும், இலங்கை அதிகாரிகள் அவருக்கு எதிராகப் புதிய சிவப்பு அறிவித்தலைப் பெறுவதற்கான நடவடிக்கைகளை முன்னெடுக்கத் தயாராகிக் கொண்டிருந்தபோது, அவர் துபாயில் கைது செய்யப்பட்டதாகவும் தெரிவிக்கப்படுகிறது.

ஷிரான் பாசிக்

பொலிஸ் தகவல்களின்படி, ஷிரான் பாசிக் 2018ஆம் ஆண்டு ஜூன் 2ஆம் திகதி சட்டபூர்வமாக இலங்கையிலிருந்து துபாய்க்குச் சென்றுள்ளார்.

அங்கு அவர் இரண்டு வர்த்தக நிறுவனங்களை நடத்தி வந்ததுடன், ஆடம்பரமான வாழ்க்கை முறையையும் பின்பற்றி வந்ததாக விசாரணையாளர்கள் நம்புகின்றனர்.

இலங்கைக்குத் திருப்பி அனுப்பப்பட்டுள்ள நிலையில், சர்வதேச போதைப்பொருள் கடத்தல் வலையமைப்புகளுடனான தொடர்புகள் உள்ளிட்ட பல்வேறு குற்றச்சாட்டுகள் தொடர்பில் இலங்கை பொலிஸார் மேலதிக விசாரணைகளை ஆரம்பித்துள்ளனர்.

90 நாட்கள் தடுப்புக் காவல் அனுமதியின் கீழ், ஷிரான் பாசிக்கிடம் விரிவான விசாரணைகளை முன்னெடுக்கவும், அவருக்கு எதிரான குற்றச்சாட்டுகள் தொடர்பான மேலதிக தகவல்களைத் திரட்டவும் விசாரணையாளர்களுக்கு வாய்ப்பு கிடைத்துள்ளது.

முன்னாள் நாடாளுமன்ற உறுப்பினரும், முன்னாள் வடக்கு மாகாண சபை உறுப்பினரும், வல்வெட்டித்துறை நகர சபையின் தவிசாளரும், தமிழ்த் தேசியக் கட்சியின் பொதுச்செயலாளருமான எம்.கே.சிவாஜிலிங்கத்தின் மறைவையொட்டி அவர் வெளியிட்டுள்ள இரங்கல் செய்தியிலேயே மேற்கண்டவாறு குறிப்பிட்டுள்ளார்.

அந்த இரங்கல் செய்தியில் மேலும் தெரிவிக்கப்பட்டுள்ளதாவது, "தமிழ்த் தேசிய இன விடுதலையின் ஆரம்ப காலகட்டங்கள் முதல், போருக்குப் பின்னரான இற்றைவரையான காலப்பகுதி வரை தமிழ்த் தேசியத்தின் எழுச்சிக்காகவும் மீட்சிக்காகவும் அவர் ஆற்றிய கைங்கரியங்கள் தமிழினத்தின் வரலாற்றில் என்றும் நிலைத்திருக்கும்.

மக்களுக்கான தொண்டு

ஈழ விடுதலைப் போராட்டத்தில் தமிழீழ விடுதலை இயக்கத்தின் ஆரம்பகாலப் போராளியாக இணைந்து, பின்னர் ஜனநாயக அரசியல் நீரோட்டத்தில் நாடாளுமன்ற உறுப்பினராக, மாகாண சபை உறுப்பினராக, நகர சபை உறுப்பினராக மற்றும் வல்வெட்டித்துறை நகர சபையின் தவிசாளராக எனத் தான் வகித்த பதவிகள் அனைத்தையும் தமிழ் மக்களுக்கான தொண்டுரிமையாக மாற்றியவர் அண்ணன் சிவாஜிலிங்கம்.

அரசியல்வாதியாக மட்டுமல்லாமல், தமிழ்த் தேசியத்தின் மீதான சமரசமற்ற பற்றுறுதியைக் கடைசி மூச்சு வரை கட்டிக்காத்த ஒரு உண்மையான தியாகியாகவே அவர் வாழ்ந்தார்.

எத்தனை சவாலான நெருக்கடிகள் சூழ்ந்தபோதும், தன் மீது ஆயுத முனையில் பலமுறை மிரட்டல்கள் எழுந்த நேரத்திலும், ஏனைய தரப்புகளின் அச்சுறுத்தல்களுக்கு மத்தியிலும் சற்றும் பின்வாங்காது தமிழ்த் தேசியப் பரப்பில் நெஞ்சுரத்தோடு நின்றவர் சிவாஜிலிங்கம் அண்ணன்.

 தமிழ்த் தேசியப் பற்று

அச்சமற்ற துணிச்சல் மிக்க ஒரு தமிழ்த் தேசியப் போராளியாகவும், சமரசமற்ற அரசியல் போராளியாகவும் மக்கள் மத்தியில் நின்று இறுதிவரை செயற்பட்ட அவரது ஆளுமை வரலாற்றில் என்றும் நிலைத்திருக்கும்.

அரசியல் என்பது கட்டமைக்கப்பட்ட ஒன்றல்ல, அது மக்களுக்காகக் களங்களில் நிற்பது என்பதை அவர் தனது செயற்பாடுகள் மூலம் நிரூபித்துக் காட்டினார்.

வாழ்நாள் முழுவதும் தமிழ்த் தேசியப் பற்றுடனும், தியாகத்துடனும் வாழ்ந்து மறைந்த அண்ணன் எம்.கே.சிவாஜிலிங்கத்தின் பிரிவால் துயருறும் அவரது குடும்பத்தினருக்கும், உறவினர்களுக்கும், அவரை ஆழமாக நேசித்த அனைத்துத் தமிழ்த் தேசியப் பற்றாளர்களுக்கும் எனது ஆழ்ந்த அனுதாபங்களைத் தெரிவித்துக் கொள்கின்றேன் எனக் குறிப்பிட்டுள்ளார்.

பாணந்துறை பிராந்திய குற்றத்தடுப்புப் பிரிவினருக்கு கிடைத்த இரகசியத் தகவலை அடுத்து, ரைகம பகுதியில் உள்ள அவரது வீட்டில் இந்த கைது நடவடிக்கை மேற்கொள்ளப்பட்டுள்ளது. 

இதன்போது, சந்தேகநபரிடமிருந்து, வெளிநாட்டில் தயாரிக்கப்பட்ட ரிவோல்வர் ரக துப்பாக்கியொன்றும் பொலிஸாரால் கைப்பற்றப்பட்டுள்ளது.

மேலதிக விசாரணை

வெளிநாட்டில் வசிக்கும் 'எல்பா'வின் போதைப்பொருள் வர்த்தகம், ஆயுதக் கடத்தல் உள்ளிட்ட பல குற்றச் செயல்களுடன் இந்த சந்தேகநபர் நேரடியாகத் தொடர்புடையவர் எனப் பொலிஸார் குறிப்பிட்டுள்ளனர்.

சந்தேகநபரின் வீட்டைச் சுற்றி வளைத்து பொலிஸார் மேற்கொண்ட சோதனையின் போது, பிளாஸ்டிக் குழாய் ஒன்றிற்குள் பதுக்கி வைக்கப்பட்டு மறைத்து வைக்கப்பட்டிருந்த குறித்த துப்பாக்கி கண்டெடுக்கப்பட்டு பொலிஸ் பாதுகாப்புடன் மீட்கப்பட்டுள்ளது.

கைது செய்யப்பட்டுள்ள சந்தேகநபர் மேலதிக விசாரணைகளுக்காகப் பண்டாரகம பொலிஸாரிடம் ஒப்படைக்கப்படவுள்ளார்.

இவ்வாறான மோசடிகள் தொடர்பில் தகவல்கள் கிடைத்துள்ளதாகவும், சிலர் ஏற்கனவே இத்தகைய மோசடிகளுக்கு இரையாகியுள்ளதாகவும் தூதரகம் சுட்டிக்காட்டியுள்ளது.

நெதர்லாந்தில் வேலைவாய்ப்பு

நெதர்லாந்து குடிவரவு சேவையினால் வழங்கப்பட்டவை போன்ற தோற்றத்தில் தயாரிக்கப்பட்ட போலி கடிதங்களும் தற்போது புழக்கத்தில் உள்ளதாகத் தெரிவிக்கப்பட்டுள்ளது.

குறிப்பிட்ட சில விசேட சந்தர்ப்பங்களைத் தவிர, அனைத்து வகையான வேலைவாய்ப்புகளுக்கும் நெதர்லாந்து விசா வழங்குவதில்லை என தூதரகம் தெரிவித்துள்ளது.

எனினும், உயர் திறன் மற்றும் உயர் தொழில்நுட்பத் துறைகளில் சில உண்மையான வேலைவாய்ப்புகள் காணப்படக்கூடும் எனவும், ஏனைய பல வேலைவாய்ப்பு அறிவிப்புகள் போலியானவையாக இருக்கலாம் எனவும் தூதரகம் வலியுறுத்தியுள்ளது.

எச்சரிக்கை 

மேலும், நெதர்லாந்தில் வேலைவாய்ப்புகளைப் பெற்றுக்கொடுப்பதற்காக தூதரகம் எந்தவிதமான ஆட்சேர்ப்பு நடவடிக்கைகளிலும் ஈடுபடுவதில்லை என்றும் தெளிவுபடுத்தியுள்ளது.

எனவே, பல்வேறு தரப்பினரால் வழங்கப்படும் வேலைவாய்ப்புகள் தொடர்பில் பணம் செலுத்துவது உள்ளிட்ட எந்தவொரு நிதி ஒப்பந்தத்திலும் ஈடுபடுவதற்கு முன்னர், சம்பந்தப்பட்ட நிறுவனங்களின் உண்மைத்தன்மையை நேரடியாக உறுதிப்படுத்திக்கொள்ளுமாறு பொதுமக்களிடம் கோரிக்கை விடுக்கப்பட்டுள்ளது.

அத்துடன், இவ்வாறான மோசடிகள் தொடர்பில் இலங்கையின் சட்ட அமுலாக்க அதிகாரிகளிடம் உடனடியாக முறைப்பாடு செய்து தேவையான சட்ட உதவிகளைப் பெற்றுக்கொள்ளுமாறும் நெதர்லாந்து தூதரகம் அறிவுறுத்தியுள்ளது.

கொழும்பு 03, லிபர்ட்டி பிளாசா வணிக வளாகத்தில் அமைந்துள்ள நிறுவனமொன்றுக்கே இவ்வாறு அபராதம் விதிக்கப்பட்டுள்ளது.

நுகர்வோர் விவகார அதிகாரசபையின் விசாரணை அதிகாரிகளால் குறித்த கடையில் மேற்கொள்ளப்பட்ட திடீர் சோதனையின் போதே, இந்தச் சட்டவிரோதக் கையடக்கத் தொலைபேசி விற்பனைக்காகக் காட்சிப்படுத்தப்பட்டிருந்தமை கண்டுபிடிக்கப்பட்டது.

வழக்குத் தாக்கல் 

அந்தத் தொலைபேசியில் இறக்குமதி செய்யப்பட்ட நாடு, இறக்குமதியாளர் அல்லது சந்தைக்கு வழங்குபவரின் பெயர், முகவரி மற்றும் உரிய தொடர்புத் தகவல்கள் எவையும் குறிப்பிடப்பட்டிருக்கவில்லை.

அதற்கமைய, நுகர்வோர் விவகார அதிகாரசபையினால் கடந்த 11 ஆம் திகதி கொழும்பு பிரதான நீதவான் நீதிமன்றத்தில் இது தொடர்பில் வழக்குத் தாக்கல் செய்யப்பட்டது.

2022 ஜூன் 29 ஆம் திகதியிடப்பட்ட இலக்கம் 2286/26 விசேட வர்த்தமான அறிவித்தலின்படி வெளியிடப்பட்ட நுகர்வோர் விவகார அதிகாரசபையின் 85 ஆம் இலக்க உத்தரவின் அடிப்படையில், இலங்கைக்கு இறக்குமதி செய்யப்படும் அனைத்துப் பொருட்களின் பொதிகளிலும் அல்லது கொள்கலன்களிலும் இறக்குமதி செய்யப்பட்ட நாடு, இறக்குமதியாளரின் பெயர், முகவரி மற்றும் தொடர்புத் தகவல்கள் தெளிவாகக் குறிப்பிடப்படுவது கட்டாயமாகும்.

சம்பந்தப்பட்ட நிறுவனம் இந்தச் சட்டப்பூர்வ விதியை வெளிப்படையாக மீறியுள்ளது.

சட்ட மீறல்கள்

இந்த சம்பவத்தைத் தொடர்ந்து, கையடக்கத் தொலைபேசிகள் உள்ளிட்ட மின் மற்றும் இலத்திரனியல் உபகரணங்களை வாங்கும் போது லேபிள் தகவல்கள், உத்தரவாத அட்டை (Warranty) மற்றும் வாங்கியதற்கான உத்தியோகபூர்வ பற்றுச்சீட்டு ஆகியவற்றை நன்கு பரிசோதித்துப் பார்க்குமாறு நுகர்வோர் கேட்டுக்கொள்ளப்படுகிறார்கள்.

நுகர்வோர் உரிமைகளைப் பாதுகாப்பதற்காக நுகர்வோர் விவகார அதிகாரசபை தொடர்ந்தும் கடுமையான சோதனைகளையும் விசாரணைகளையும் முன்னெடுக்கும் என அறிவிக்கப்பட்டுள்ளது.

நுகர்வோர் சட்ட மீறல்கள் தொடர்பில் தெரிவிக்க அலுவலக நேரங்களில் 1977 என்ற இலக்கத்தைத் தொடர்புகொள்ளலாம் என அறிவிக்கப்பட்டுள்ளது.

இன்றையதினம் (15.11.2026) ஊடகங்களிடம் கருத்துத் தெரிவித்த அவர்,

 தமிழக அரசாங்கம்

இந்திய இழுவைப் படகுகள் இலங்கை கடற்றொழிலாளர்களின் வலைகள் மற்றும் படகுகளை மாத்திரமன்றி, நாட்டின் கடல் வளங்களையும் அழிக்கும் நடவடிக்கைகளில் ஈடுபடுவதாகக் குற்றஞ்சாட்டினார்.

இந்தப் பிரச்சினை தொடர்பில் இந்திய அதிகாரிகளிடம் பலமுறை எடுத்துரைத்துள்ளதாகக் குறிப்பிட்ட அமைச்சர், இதற்கான உரிய நடவடிக்கைகளை முன்னெடுக்க வேண்டிய பொறுப்பு தமிழக அரசாங்கத்திற்கே உள்ளதாகத் தெரிவித்தார்.

மேலும், தமிழக முதலமைச்சர் விஜய்யிடம் நேரடியாகக் கோரிக்கை விடுத்த அவர், திரைப்படங்களில் அநீதிக்கு எதிராகக் குரல் கொடுத்ததைப் போன்று, இலங்கை கடற்றொழிலாளர்கள் எதிர்கொள்ளும் பிரச்சினைக்கும் தீர்வுகாண முன்வர வேண்டும் எனக் கேட்டுக்கொண்டார்.

ஒருசில மீன் வியாபாரிகள் கூலிக்கு ஆட்களை அமர்த்தி, இலங்கை கடற்பரப்புக்குள் சட்டவிரோதமாக நுழைந்து கடல் வளங்களைக் கொள்ளையடிப்பதாகவும் அவர் குற்றஞ்சாட்டினார்.

தொப்புள்கொடி உறவு

இவ்வாறான செயற்பாடுகள் தொடரும் நிலையில், 'தொப்புள்கொடி உறவு' என்ற உறவுமுறைப் பேச்சு அர்த்தமற்றதாகிவிடும் என்றும் குறிப்பிட்டார்.

இதேவேளை, இந்திய இழுவைப் படகுகளின் அத்துமீறல்களைக் கட்டுப்படுத்த இலங்கை கடற்படையை மேலும் பலப்படுத்தவும், இதற்கெனத் தனியான பிரிவொன்றை உருவாக்கவும் தீர்மானித்துள்ளதாக அமைச்சர் தெரிவித்தார்.

எதிர்காலத்தில் இலங்கை கடற்பரப்புக்குள் அத்துமீறி நுழையும் இந்தியப் படகுகள் கைது செய்யப்படுவது தவிர்க்க முடியாததாக இருக்கும் எனவும் அவர் எச்சரித்தார்.

இந்திய இழுவைப் படகு உரிமையாளர்கள் இத்தகைய நடவடிக்கைகளை உடனடியாக நிறுத்த வேண்டும் எனக் கோரிய அமைச்சர், வடக்கு கடற்றொழிலாளர்களின் வாழ்வாதாரத்தைப் பாதிக்கும் இச்செயற்பாடுகளுக்கு எதிராகத் தங்களால் இயன்ற நடவடிக்கைகள் முன்னெடுக்கப்படும் என்றும் தெரிவித்தார்.

இது தொடர்பில் அவர் வெளியிட்டுள்ள இரங்கல் செய்தியில் மேலும் தெரிவிக்கப்பட்டுள்ளதாவது, தமிழ் மக்களின் அரசியல் உரிமைகள், தேசிய அபிலாஷைகள் மற்றும் விடுதலைக்கான குரலாக நீண்டகாலம் அரசியல் பரப்பில் பயணித்தவர் சிவாஜிலிங்கம்.

தமிழ் மக்களின் அரசியல் உரிமைகளுக்காகவும், தேசிய இனத்தின் இருப்பையும் அடையாளத்தையும் பாதுகாப்பதற்காகவும் தனது அரசியல் வாழ்வின் பெரும்பகுதியை அர்ப்பணித்தவர்.

தமிழ் மக்களின் உரிமை

பல்வேறு அரசியல் நெருக்கடிகள், சவால்கள் மற்றும் தடைகளுக்கு மத்தியிலும் தனது அரசியல் நிலைப்பாட்டில் உறுதியாக நின்று தமிழ் மக்களின் உரிமைக் குரலைத் தொடர்ந்து ஒலிக்கச் செய்தவர்.

தமிழ் மக்களின் அரசியல் அபிலாஷைகளை உள்நாட்டிலும் சர்வதேச அரங்கிலும் எடுத்துரைப்பதில் அவர் ஆற்றிய பங்களிப்புகள் என்றும் நினைவுகூரப்பட வேண்டியவை.

குறிப்பாக, தமிழ் தேசிய அரசியல் பரப்பில் அவர் கொண்டிருந்த அர்ப்பணிப்பு, நீண்டகால அரசியல் அனுபவம் மற்றும் போராட்ட உணர்வு ஆகியவை தனித்துவமானவை.

பேரிழப்பு

அவரது மறைவு ஒரு தனிமனிதரின் இழப்பு மாத்திரமல்ல, தமிழ் தேசிய அரசியல் பரப்பில் நீண்டகாலமாக ஒலித்துவந்த ஓர் உரிமைக் குரலின் இழப்பாகும்.

அவரது மறைவால் துயருற்றிருக்கும் குடும்பத்தினர், உறவினர்கள், அரசியல் தோழர்கள் மற்றும் தமிழ் மக்களுடன் தாமும் துயரைப் பகிர்ந்துகொள்வதாகத் தெரிவித்துள்ள ஜனநாயகப் போராளிகள் கட்சியின் தலைவர் வேந்தன், அன்னாரின் ஆன்மா சாந்தியடைய இறைவனைப் பிரார்த்திப்பதாகவும் தனது இரங்கல் செய்தியில் குறிப்பிட்டுள்ளார். 

மட்டுவில் தெற்கைச் சேர்ந்த செல்வத்துரை செல்வராஜ் (51) மற்றும் அவரது மகன் செல்வராஜ் டிசாந்த் (09) ஆகியோர் உயிரிழந்த இவ்விபத்தின் பின்னர், வாகனத்தில் இருந்தவர்கள் தப்பிச் சென்றிருந்தனர்.

அன்றைய தினம் இரவே 24 வயதுடைய இளைஞன் ஒருவர் தானே சாரதி எனப் பொலிஸில் சரணடைந்த நிலையில், அவர் மதுபோதையில் இருந்தமை உறுதிப்படுத்தப்பட்டு விளக்கமறியலில் வைக்கப்பட்டார்.

ஆள்மாறாட்டம் 

இதேவேளை, விபத்து இடம்பெற்றவுடன் நிறைபோதையில் இருந்தவர்கள் தப்பிச் சென்றதாகவும், சம்பவ இடத்திற்கு வந்த பொலிஸார் எவ்வித விசாரணைகளுமின்றித் தொலைபேசி அழைப்பொன்றின் அடிப்படையில் வாகனத்தின் 'ரிமோட்' திறப்பை எடுத்து வாகனத்தை அப்புறப்படுத்தியதாகவும் உயிரிழந்தவர்களின் உறவினர்கள் மற்றும் பிரதேசவாசிகள் சாவகச்சேரி பொலிஸ் நிலையம் முன்பாகக் குற்றம் சாட்டியிருந்தனர்.

இது குறித்துப் பதிலளித்த உதவி பொலிஸ் அத்தியட்சகர் ஜனக சில்வா, வாகனத்திற்குச் சேதம் ஏற்படுவதைத் தடுக்கவே அவ்வாறு செய்திருக்கலாம் எனவும், குறித்த பொலிஸ் உத்தியோகஸ்தரின் தொலைபேசித் தரவுகள் ஆராயப்பட்டு தவறு இழைக்கப்பட்டிருந்தால் நிச்சயம் நடவடிக்கை எடுக்கப்படும் எனவும் உறுதியளித்திருந்தார்.

இந்நிலையில், பொலிஸார் முன்னெடுத்த தொடர் விசாரணைகளின் அடிப்படையில், விபத்து இடம்பெற்ற நேரத்தில் வாகனத்திற்குள் இருந்த ஐவர் இன்று (15) ஞாயிற்றுக்கிழமை கைது செய்யப்பட்டுள்ளனர்.

அவர்களிடம் மேற்கொள்ளப்பட்ட விசாரணைகளில், கைது செய்யப்பட்ட ஐவரில் ஒருவரே உண்மையில் வாகனத்தைச் செலுத்தி விபத்தை ஏற்படுத்தியவர் என்பதும், முன்னதாகச் சரணடைந்த நபர் சாரதி அல்ல என்பதும் தெரியவந்துள்ளது.

இதனையடுத்து, இந்த ஆள்மாறாட்டத்தின் பின்னணியில் உள்ளவர்கள் தொடர்பில் பொலிஸார் தீவிர விசாரணைகளை முன்னெடுத்து வருகின்றனர்.

அநுராதபுரம் ருவன்வெலிசாய தானசாலை வளாகத்தில் சத்தியாக்கிரகப் போராட்டம் ஒன்று முன்னெடுக்கப்பட்டது.

மீண்டும் விசாரணை

இதன்போது, மற்றொரு குழுவினருடன் அத்துமீறிப் பிரவேசித்து குழப்பமான முறையில் நடந்துகொண்டதாகக் கூறப்படும் ராஜாங்கனே சத்தாரதன எனப்படும் காவியுடை அணிந்த நபர் தாக்கப்பட்டு காயமடைந்தார்.

பௌத்த சாசனத்திலிருந்து நீக்கப்பட்டதாகக் கூறப்படும் குறித்த நபரைத் தாக்கிய சம்பவம் தொடர்பில் பலாங்கொட கஸ்ஸப தேரர் உள்ளிட்ட ஐந்து பிக்குகள் விளக்கமறியலில் வைக்கப்பட்டுள்ளனர்.

இந்நிலையில், குறித்த ஐந்து பிக்குகளுக்கும் பிணை வழங்குவது தொடர்பான விடயங்களை முன்வைப்பதற்காக வழக்கை மீண்டும் விசாரணைக்கு எடுத்துக்கொள்ளுமாறு சட்டத்தரணி காலிங்க ரவீந்திர நீதிமன்றத்தில் கோரிக்கை விடுத்தார்.

விளக்கமறியலில் வைக்க உத்தரவு

எனினும், அந்தக் கோரிக்கையை அநுராதபுரம் பிரதான நீதவான் சியபத் சசிந்து விக்ரமரத்ன நிராகரித்துள்ளார்.

பலாங்கொட கஸ்ஸப, கஹட்டகஸ்திகிலிய விஜித, பலாங்கொட அனுருத்த, பிலிமத்தலாவே ரேவத மற்றும் தெனியாய சோரத ஆகிய ஐந்து பிக்குகளுக்காகவே இந்தக் கோரிக்கை முன்வைக்கப்பட்டது.

குறித்த பிக்குகள் அனுராதபுரம் போதனா வைத்தியசாலையில் சிகிச்சை பெற்று வருகின்றனர்.

அவர்களை நேரில் சென்று பார்வையிட்ட பிரதான நீதவான், எதிர்வரும் 26ஆம் திகதி வரை விளக்கமறியலில் வைக்க உத்தரவிட்டிருந்தார். இதேவேளை, குறித்த பிக்குகளுக்கு மேலதிகமாக பெண் ஒருவர் உட்பட மூன்று பொதுமக்களும் விளக்கமறியலில் வைக்கப்பட்டுள்ளனர்.

சந்தேகநபர்கள் சார்பில் முன்வைக்கப்பட்ட வழக்கை மீண்டும் விசாரணைக்கு எடுத்துக்கொள்ளுமாறு விடுக்கப்பட்ட கோரிக்கையையே நீதவான் நிராகரித்துள்ளார்.

திருமுகங்களுடன் அவதரித்த முருகனை நோக்கி ஆறு தினங்களுக்கு இந்த விரதம் அனுஷ்டிக்கப்படும்.

இந்த கந்த சஷ்டி விரதத்தின் இறுதி நாளான இன்று முருகப் பெருமான் மூல மூர்த்தியாக வீற்றிருந்து அருள் பாலிக்கும் ஆலயங்களில் சூரன் போர் இடம்பெற்றது.

அந்தவகையில் மலையகத்தில் ஹட்டன் நகரில் அமைந்துள்ள அருள்மிகு ஸ்ரீ சிவசுப்பிரமணிய சுவாமி கோவிலில் கந்தசஷ்டி விரதத்தின் சூரசம்ஹாரம் இன்று (15) ஆலயத்தில் நடைபெற்றது.

சூரசம்ஹாரம்

வசந்த மண்டப பூசைகள் இடம்பெற்று முருகப் பெருமான் உள்வீதி வலம் வந்து பின்னர் சூரபத்மனுடன் போரிடுவதற்கு வெளிவீதி சென்று சூரசம்ஹாரம் இடம்பெற்றது.

ஹட்டன் ஸ்ரீ சிவசுப்பிரமணிய ஆலய முன்றலிலிருந்து ஹட்டன் நகர் மத்தி வரை கொண்டு செல்லப்பட்டு நிகழ்வுகள் இடம்பெற்றது.

ஹட்டன் நகர் உட்பட அதனை அண்டிய பகுதிகளில் உள்ள பெரும் எண்ணிக்கையிலானோர் இதன்போது பங்கேற்றனர்.

அத்துடன் தங்களுடைய விரதத்தினை நிறைவேற்றிக் கொண்டனர். இதேவேளை நாளை 16ஆம் திகதி காலை பாரணை, திருக்கல்யாணம், திருவூஞ்சல் என்பன இடம்பெறவுள்ளது.

ரொனால்டோ சர்வதேச கால்பந்து போட்டிகளிலிருந்து ஓய்வு பெற்றதைத் தொடர்ந்து, டென்மார்க்கிற்கு எதிராக சனிக்கிழமை நடைபெறவுள்ள நேஷன்ஸ் லீக் போட்டியில் இந்தப் புதிய வடிவமைப்பு அறிமுகப்படுத்தப்படவுள்ளது.

அதிரடி மாற்றம்

ரொனால்டோ ஓய்வுக்குப் பின்னர் போர்த்துக்கல் அணி விளையாடும் முதல் போட்டி இதுவாகும்.

சர்வதேச கால்பந்து வாழ்க்கைக்கு முற்றுப்புள்ளி வைத்த ரொனால்டோ, போர்த்துக்கல் அணிக்காக அதிக கோல்கள் அடித்த வீரராகவும், அதிக போட்டிகளில் விளையாடிய வீரராகவும் தனது பயணத்தை நிறைவு செய்துள்ளார்.

அவர் 234 போட்டிகளில் விளையாடி 146 கோல்களைப் பதிவு செய்துள்ளார்.

இது தொடர்பில் போர்த்துக்கல் கால்பந்து சம்மேளனம் வெளியிட்டுள்ள அறிக்கையில், “பல ஆண்டுகளாக கிறிஸ்டியானோ ரொனால்டோ அணிந்து வந்த 7ஆம் இலக்க ஜெர்சியின் வடிவமைப்பில் மாற்றம் செய்யப்பட்டுள்ளது.

இந்தச் சிறப்பான இலக்கத்தின் முக்கியத்துவத்தையும், அது பிரதிபலிக்கும் மரபையும் கௌரவிக்கும் மற்றுமொரு முயற்சியாக இது அமைந்துள்ளது” எனக் குறிப்பிடப்பட்டுள்ளது.

மேலும், ரொனால்டோவுடன் என்றும் தொடர்புபட்டிருக்கும் சாதனைகள், நினைவுகள், உணர்வுகள் மற்றும் வரலாற்றை மறக்க முடியாது என்றும் அந்த அறிக்கையில் தெரிவிக்கப்பட்டுள்ளது.

சர்வதேச கால்பந்து சம்மேளனமான FIFA விதிமுறைகளின்படி, ஒரு அணியால் குறிப்பிட்ட இலக்க ஜெர்சியை நிரந்தரமாக ஓய்வுபெறச் செய்ய முடியாது. இதனால், ரொனால்டோவின் கால்பந்து பயணத்தின் நிறைவைக் குறிக்கும் வகையில், புதிய 7ஆம் இலக்க வடிவமைப்பில் சிறிய குறுக்குக்கோடு ஒன்று சேர்க்கப்பட்டுள்ளது.

ரொனால்டோவுக்கு கௌரவம்

ரொனால்டோ போர்த்துக்கல் அணியிலிருந்து விலகிய பின்னர், டென்மார்க்கிற்கு எதிரான முந்தைய போட்டியில் ரஃபேல் லியாவோ 7ஆம் இலக்க ஜெர்சியை அணிந்திருந்தார்.

எனினும், அந்த இலக்கத்திற்கான நிரந்தர வீரர் இதுவரை அறிவிக்கப்படவில்லை. 41 வயதான ரொனால்டோ, பயிற்சியாளர் ஜோர்ஜ் ஜீசஸுடனான முரண்பாட்டைத் தொடர்ந்து நவம்பர் 5ஆம் திகதி சர்வதேச அணியிலிருந்து விலகினார்.

அவர் இறுதியாக செப்டம்பர் 24ஆம் திகதி வேல்ஸ் அணிக்கு எதிரான நேஷன்ஸ் லீக் போட்டியில் விளையாடியிருந்தார்.

அப்போட்டியில் போர்த்துக்கல் 1-0 என்ற கோல் கணக்கில் வெற்றிபெற்றது.

அதனைத் தொடர்ந்து நடைபெற்ற போட்டியில் ரொனால்டோ மாற்று வீரராகக் கூட களமிறக்கப்படாத நிலையில், அடுத்த போட்டியிலும் அவரை ஆரம்ப அணியில் சேர்க்கத் திட்டமில்லை என பயிற்சியாளர் தெரிவித்ததாகக் கூறப்படுகிறது.

இதையடுத்து அவர் அணியின் பயிற்சி முகாமிலிருந்து வெளியேறியிருந்தார். பின்னர், ரொனால்டோ மீண்டும் அணிக்குத் திரும்ப விரும்பினால் அவருக்கு வரவேற்பு இருப்பதாக பயிற்சியாளர் ஜோர்ஜ் ஜீசஸ் தெரிவித்திருந்தார்.

சிவாஜிலிங்கத்தின் மறைவையொட்டி அவர் விடுத்துள்ள செய்தியிலேயே அவர் இவ்வாறு தெரிவித்துள்ளார்.

அதில் அவர் மேலும், மகாலிங்கம் கனகலிங்கம் சிவாஜிலிங்கம் 1957, ஆகஸ்ட் 15இல் யாழ்ப்பாணம் வல்வெட்டித்துறையில் பிறந்தவர். 2026, நவம்பர் 14 இரவு இயற்கை எய்தினார். ஈழவிடுதலைப்போராட்டத்தில் தமிழீவிடுதலை இயக்கத்தின் ஆரம்ப கால போராளியாக இணைந்து செயல்பட்டவர், தமிழ் தேசிய விடுதலைக்காக தொடர்ச்சியாக உறுதியாக செயல்பட்டவர்.

பின்னர் தேர்தல் அரசியல் செயல்பாட்டில் தமிழ்தேசிய கூட்டமைப்பு உருவாக்கத்தின் பின்னர் இடம்பெற்ற அனைத்து தேர்தல்களிலும் அவர் வேட்பாளராக போட்டியிட்டு மக்கள் பிரதிநிதிகளாக தெரிவானார். 2001 டிசம்பர் நாடாளுமன்றத் தேர்தலில்சிவாஜிங்கம் தமிழ்த் தேசியக்கூட்டமைப்பில் வேட்பாளராக யாழ்ப்பாணமாவட்டத்தில் போட்டியிட்டு வெற்றி பெற்று முதற்தடவையாக நாடாளுமன்றம் சென்றார்.

மயிரிழையில் காயங்களுடன் உயிர் தப்பினர் 

அந்த தேர்தல் பிரசாரத்தின்போது யாழ்ப்பாணம், ஊர்காவற்றுறையில் 2001, நவம்பர் 28, மாவைசேனாதிராஜா, என்.கே.சிவாஜிலிங்கம் உள்ளிட்டதமிழ்த் தேசியக் கூட்டமைப்பின் அரசியல் கட்சி உறுப்பினர்கள் மீது ஈபிடீபியால் நடத்தப்பட்டதாக்குதலில் மயிரிழையில் காயங்களுடன் உயிர் தப்பினர் என்பது வரலாறு. 2004 ஏப்ரல் நாடாளுமன்றத் தேர்தலில் மீண்டும் போட்டியிட்டு வெற்றி பெற்றார்.

சிவாஜிலிங்கம் 2010 ஜனாதிபதி தேர்தலில் சுயேட்சை வேட்பாளராகப் போட்டியிடு 9,662 வாக்குகளைப் பெற்று ஒன்பதாவது இடத்தை பெற்றார். 2010 தேர்தலில் இவரை தமிழ்த் தேசியக்கூட்டமைப்பு தனது வேட்பாளர் பட்டியலில் இணைக்கவில்லை. இதனை அடுத்து இவர் தான்பிரதிநிதித்துவப்படுத்தும் தமிழீழ விடுதலை இயக்கத்திலிருந்தும், தமிழ்த் தேசியக் கூட்டமைப்பிலிருந்தும் விலகி, தமிழ்த் தேசிய விடுதலைக் கூட்டமைப்பு என்ற பெயரில் புதிய அரசியல் கட்சியை ஆரம்பித்தார்.

இக்கூட்டமைப்பின் சார்பில் இவர் 2010 நாடாளுமன்றத் தேர்தலில் போட்டியிட்டு தெரிவாகவில்லை. இதனால் 2011 யூன் மாதத்தில் தனது கட்சியைக் கலைத்து விட்டு மீண்டும் டெலோ வில்இணைந்து தமிழ்தேசிய கூட்டமைப்பில் செயல்பட்டார். 2011 உள்ளூராட்சி சபைத் தேர்தல்களில் தமிழ்த்தேசியக் கூட்டமைப்பின் வேட்பாளராகவல் வெட்டித்துறை நகரசபைக்குப் போட்டியிட்டு நகரசபை உறுப்பினராக தேர்ந்தெடுக்கப்பட்டார்.

சுயேச்சை வேட்பாளராகப் போட்டி

2013 மாகாணசபைத் தேர்தலில் யாழ்ப்பாண மாவட்டத்தில் போட்டியிட்டு வடமாகாண சபைஉறுப்பினரானார். மாகாண சபை உறுப்பினருக்கான பதவிப்பிரமானத்தை முள்ளிவாய்க்கால் மண்ணில் கிராமத்தில் சமாதான நீதவான் ஒருவரின் முன்னிலையில் எடுத்துக் கொண்டார். 2019 ஜனாதிபதித் தேர்தல். சுயேச்சை வேட்பாளராகப் போட்டியிட்டு 12,256 வாக்குகளைப் பெற்றார்.

2024, ஜனாதிபதி தேர்தலில் தமிழ் பொதுவேட்பாளர் என்னை (பா.அரியநேத்திரன்) ஆதரித்து வடகிழக்கில் பிரசாரங்களை முன்எடுத்தார். 2025, மே மாதம் வல்வெட்டித்துறை நகரசபையின் தேர்தலில் வெற்றிபெற்று தவிசாளராக தெரிவானார்.

தேசியதலைவரின் தந்தையார் வேலுப்பிள்ளை அவர்கள் 2010 ஜனவரி 6இல் பனாகொடை இராணுவ முகாமில் உயிரிழந்தவேளை அவரது இறுதிச் சடங்குகள் மற்றும் தகனம் அவரது சொந்த ஊரான யாழ்ப்பாணம் வல்வெட்டித்துறையில் உள்ள ஊறணி இந்து மயானத்தில் சிவாஜிலிங்கம் எடுத்து சென்று அதனை நடத்தினார், தேசிய தலைவரின் தாய் பார்வதி அம்மா, 2011 பெப்ரவரி 20 இல் வல்வெட்டித்துறை வைத்தியசாலையில் மரணித்வேளையில் அவருடைய இறுதி நிகழ்வை சிவாஜிலிங்கம் தாமே முன்னின்று நடத்தினார்.

நாடாளுமன்றத்திலும் சரி, பொது இடங்களிலும்சரி பல்வேறுபட்ட கவன ஈர்ப்பு போராட்டங்களை துணிச்சலுடன் முன்நின்று அச்சம் இன்றி பங்கேற்று குரல் கொடுப்பதில் இவர் எப்போதுமே பின்நிற்கவில்லை. இனவிடுதலைக்கான ஆயுதப் போராட்டத்தில் இணைந்து பின்னர் அரசியல் நீரோட்டத்தில் தமிழ்தேசிய கொள்கைப்பற்றுடன் இறக்கும் வரை அற்பணிப்புடனும் துணிச்சலுடனும் செயல்பட்ட ஒரு தமிழ் தேசியவாதியான அமரர் சிவாஜிலிங்கம் அவர்களின் மறைவு ஈடு செய்ய முடியாத இழப்பாகும் என அவர் தெரிவித்துள்ளார். 

இந்த ஒப்பந்தத்தின் மூலம் இந்தியாவின் மின்சார உற்பத்தி நிலைய நிர்மாணத் துறையில் (EPC) லக்தனவி நிறுவனம் முதன்முறையாகக் கால்பதிக்கிறது.

போர்ட் பிளேயரின் Hope Town பகுதியில் இந்த மின் நிலையம் அமைக்கப்படவுள்ளது.

மின்சாரக் கட்டமைப்பு 

இந்த திட்டத்தின் மூலம் தீவுகளின் மின்சாரக் கட்டமைப்பு வலுப்படுத்தப்படுவதுடன், நீண்டகால எரிசக்தி பாதுகாப்புக்கும் பங்களிப்பு கிடைக்கும் என எதிர்பார்க்கப்படுகிறது.

இந்திய அரசுக்குச் சொந்தமான NTPC நிறுவனத்தின் துணை நிறுவனமான NVVN நடத்திய சர்வதேச போட்டி விலைமனுக் கோரலில், மிகக் குறைந்த விலையை முன்வைத்த நிறுவனமாக (L1) லக்தனவி தெரிவு செய்யப்பட்டது.

இதனையடுத்து கடந்த செப்டம்பர் 21ஆம் திகதி புதுடில்லி நொய்டாவில் ஒப்பந்தம் கைச்சாத்திடப்பட்டது. திட்டத்திற்கான மின்சார உற்பத்தி உபகரணங்களை பின்லாந்தைச் சேர்ந்த Wärtsilä நிறுவனம் வழங்கவுள்ளது.

பொருளாதார ஒத்துழைப்பு 

இலங்கையில் பல தசாப்தகால மின் உற்பத்தி மற்றும் பராமரிப்பு அனுபவத்தைக் கொண்ட லக்தனவி நிறுவனம், ஏற்கனவே பங்களாதேஷ், நேபாளம் மற்றும் மாலைதீவு உள்ளிட்ட நாடுகளில் தனது செயற்பாடுகளை விரிவுபடுத்தியுள்ளது.

இந்த ஒப்பந்தம் இலங்கை நிறுவனங்களின் பொறியியல் திறமை சர்வதேச சந்தைகளிலும் அங்கீகாரம் பெறுவதையும், இலங்கை – இந்திய பொருளாதார ஒத்துழைப்பு இரு திசைகளிலும் விரிவடைவதையும் எடுத்துக்காட்டுகிறது.