பௌத்த பிக்குகளின் செயற்பாடுகள் மற்றும் சமீபத்திய அரசியல் நிலவரங்கள் தொடர்பில் ஊடகங்களுக்குக் கருத்துத் தெரிவிக்கும்போதே மேற்கண்டவாறு குறிப்பிட்டுள்ளார்.

அமைதியான முறையில் போராட்டம் 

இது தொடர்பில் இத்தேகந்தே சத்தாதிஸ்ஸ தேரர் மேலும் தெரிவிக்கையில், "இந்த நாட்டில் பௌத்த பிக்குகள் தூங்குவதைப்போல வெளிப்படையாகத் தோன்றினாலும், அவர்கள் எப்போதும் விழிப்புடனேயே இருக்கின்றார்கள்.

தகுந்த நேரத்தில் விழித்தெழுவார்கள். அரசை விரட்டுவதற்காகத் தலைக்கவசங்களை அணிந்துகொண்டு பொல்லுகளுடன் நாங்கள் வீதிக்கு இறங்கப் போவதில்லை.

மாறாக, நாட்டில் தேர்தலொன்று நடத்தப்படும் பட்சத்தில் நாங்கள் நிச்சயமாக உங்களை (அரசை) இல்லாது ஒழிப்போம்.

புனித பூமிகளில் அமைதியான முறையில் போராட்டம் நடத்துவதற்கும் எதிர்ப்புத் தெரிவிப்பதற்கும் பிக்குகளுக்கு முழுமையான உரிமை உண்டு. அது ஒன்றும் எவரது தனிப்பட்ட உயர்பாதுகாப்பு வலயம் அல்ல என்பதைச் சம்பந்தப்பட்ட அதிகாரிகள் புரிந்துகொள்ள வேண்டும்.

பொலிஸாரின் நிலைப்பாடு

பிக்குகள் உணவுத் தவிர்ப்புப் போராட்டத்தில் ஈடுபட்ட பகுதிக்கு இராஜாங்கன தேரர் வருகை தரவுள்ளார் என்ற தகவல் பொலிஸாருக்கு ஏற்கனவே நன்கு தெரிந்திருந்தது.

இருப்பினும், அவர்கள் இராஜாங்கன தேரரைத் திட்டமிட்டே தடுத்து நிறுத்தவில்லை.

இவ்வாறான மோதல் அல்லது குழப்ப நிலைமைகள் அங்கே நிகழவேண்டும் என்பதே பொலிஸாரின் நிலைப்பாடாகவும் மறைமுக விருப்பமாகவும் இருந்தது" என்றும் குற்றம் சுமத்தியுள்ளார்.

5 மாதங்களாக காணாமல் போயிருந்த இந்தச் சிறுமி மீமுர பகுதிக்கு அருகிலுள்ள வனப்பகுதியில் வைத்து கைது செய்யப்பட்டுள்ளார்.

சுமார் 5 மாதங்களுக்கு முன்பு சிறுமி காணாமல் போனதாக அவரது குடும்பத்தினர் உடுதும்பர பொலிஸில் முறைப்பாடு செய்துள்ளனர். அதற்கமைய, பொலிஸார் விசாரணைகளை ஆரம்பித்திருந்தனர்.

விசாரணையில் சிக்கிய மர்மம்

விசாரணையின் போது, இளைஞர் ஒருவர் உள்ளூர் கடை ஒன்றிலிருந்து வழமைக்கு மாறாக அதிகளவிலான அரிசி மற்றும் ஏனைய உணவுப் பொருட்களைத் தொடர்ச்சியாக கொள்வனவு செய்து வந்தமை பொலிஸாருக்கு சந்தேகத்தை ஏற்படுத்தியது.

மக்கள் குடியிருப்புகளிலிருந்து விலகி, தொலைதூர வனப்பகுதிக்குள் சென்ற இளைஞனை பொலிஸார் பின்தொடர்ந்து சென்றுள்ளனர். இதன்போது, பொலித்தின் விரிப்புகளால் மூடப்பட்டிருந்த குகை ஒன்றைக் கண்டுபிடித்துள்ளனர்.

அந்தக் குகைக்குள்ளேயே காணாமல் போயிருந்த 15 வயதுச் சிறுமியும், அவரது இரண்டு மாதப் பெண் குழந்தையும் பொலிஸாரால் மீட்கப்பட்டனர்.

எவ்வித மருத்துவ உதவியுமின்றி அந்தச் சிறுமி குகைக்குள்ளேயே குழந்தையை பெற்றெடுத்துள்ளமை ஆரம்பகட்ட விசாரணைகளில் தெரியவந்துள்ளது.

சந்தேகநபர்கள் கைது

குழந்தையின் தொப்புள்கொடியை அறுப்பதற்கு, பனை தொழிலில் பயன்படுத்தப்படும் கூர்மையான ஆயுதமொன்று பயன்படுத்தப்பட்டுள்ளதாக பொலிஸார் தெரிவித்துள்ளனர்.

சுற்றியுள்ள காட்டுப் பகுதிகளிலிருந்து சேகரிக்கப்பட்ட பாரம்பரிய மூலிகை மருந்துகளைக் கொண்டே தாய்க்கும் சேய்க்கும் சிகிச்சையளிக்கப்பட்டுள்ளதாக தெரிவிக்கப்படுகின்றது.

குழந்தையின் தந்தை என நம்பப்படும் 23 வயதுடைய குறித்த இளைஞர், பெரிய சட்டியொன்றிலேயே குழந்தையை குளிப்பாட்டியதாகவும் பொலிஸாரிடம் வாக்குமூலம் அளித்துள்ளார்.

இந்தச் சம்பவம் தொடர்பாக 23 வயதுடைய இளைஞரும், அவருக்கு உடந்தையாக இருந்ததாக கூறப்படும் உறவினர் ஒருவரும் பொலிஸாரால் கைது செய்யப்பட்டுள்ளனர்.

கைது செய்யப்பட்ட சந்தேகநபர்களும் தெல்தெனிய நீதவான் நீதிமன்றத்தில் முன்னிலைப்படுத்தப்பட்டனர். இதனை தொடர்ந்து, அவர்களை எதிர்வரும் நவம்பர் 20 ஆம் திகதி வரை விளக்கமறியலில் வைக்குமாறு உத்தரவிடப்பட்டுள்ளது.

மீட்கப்பட்ட சிறுமியும் அவரது குழந்தையும் பொலிஸ் பாதுகாப்பில் எடுக்கப்பட்டுள்ளது. மருத்துவப் பரிசோதனை மற்றும் சிகிச்சைகளுக்காகக் கண்டி தேசிய வைத்தியசாலையில் அனுமதிக்கப்பட்டுள்ளனர்.

சம்பவம் தொடர்பான மேலதிக விசாரணைகளை உடுதும்பர பொலிஸார் முன்னெடுத்து வருகின்றனர்.

இவற்றில் 23 பிரதான நீர்த்தேக்கங்களில் 11 நீர்த்தேக்கங்களின் வான் கதவுகள் திறக்கப்பட்டுள்ளதாக நீர்ப்பாசனத் திணைக்களம் தெரிவித்துள்ளது.

11 நீர்த்தேக்கங்களின் வான் கதவுகள் 

இதன்படி, மானங்கட்டிய, ராஜாங்கனை, யான் ஓயா, சோரபொர வாவி, பதகிரிய, லுணுகம்வெஹெர மற்றும் தெதுரு ஓயா உள்ளிட்ட 11 நீர்த்தேக்கங்களின் வான் கதவுகள் திறக்கப்பட்டுள்ளன.

அதேவேளை, 15 நடுத்தர அளவிலான நீர்த்தேக்கங்களில் இரண்டு நீர்த்தேக்கங்களின் வான் கதவுகளும் திறக்கப்பட்டுள்ளதாக திணைக்களம் மேலும் தெரிவித்துள்ளது. 

தற்போது கடலில் பாரிய அலைகள் எழுவதுடன், கடல் மிகவும் கொந்தளிப்பான நிலையில் காணப்படுவதாகத் தெரிவிக்கப்படுகிறது.

இதனால் கடற்கரைக்கு வருகை தரும் பொதுமக்கள் மற்றும் சுற்றுலாப் பயணிகள் மிகுந்த அவதானத்துடன் செயற்படுமாறும் அறிவுறுத்தப்பட்டுள்ளனர்.

கடந்த கால உயிரிழப்புச் சம்பவங்கள்

கடந்த ஆண்டு இதே காலப்பகுதியில் எச்சரிக்கையை மீறிக் கடலில் இறங்கிய நான்கு சுற்றுலாப் பயணிகள் நீரில் மூழ்கி உயிரிழந்த துயரச் சம்பவம் இடம்பெற்றது.

எனவே, கடந்த கால உயிரிழப்புச் சம்பவங்களைக் கருத்திற்கொண்டு, தற்போதைய சீரற்ற காலநிலையிலும் கடல் கொந்தளிப்பிலும் பொதுமக்கள் தங்களது உயிரைப் பாதுகாத்துக்கொள்ளும் வகையில் கடற்கரைப் பகுதிகளில் அவதானமாக இருக்குமாறும், கடலுக்குள் இறங்குவதை முற்றாகத் தவிர்க்குமாறும் எச்சரிக்கப்பட்டுள்ளனர்.

இந்த நிகழ்வு நேற்று (14.11.2026) விசுவமடு மாவீரர் பெற்றோர் ஏற்பாட்டுக் குழுவின் ஒழுங்கமைப்பில் நடைபெற்றுள்ளதாகத் தெரிவிக்கப்பட்டுள்ளது.

இதன்போது, மாவீரர் பெற்றோருக்கு உரிய முறையில் மதிப்பளிக்கப்பட்டதுடன், புளியடி சந்தையிலிருந்து மாவீரர்களின் பொதுப் படங்கள் ஊர்வலமாகக் கொண்டுவரப்பட்டன.

இந்த நிகழ்வில் கலந்துகொண்ட மாவீரர் பெற்றோருக்கு நினைவுப் பரிசுகளும் வழங்கி வைக்கப்பட்டன.

வவுனியாவிலும் அனுஷ்டிப்பு

வவுனியாவில் மாவீரர்களின் பெற்றோர்களுக்கு மதிப்பளிக்கும் நிகழ்வு தமிழ் தேசிய மக்கள் முன்னணியின் ஏற்பாட்டில் மாநகரசபை மண்டபத்தில் நேற்று(14.11.2026) இடம்பெற்றுள்ளது.

இதன்போது மாவீரர்களது பெற்றோர்கள் கண்டி வீதியில் இருந்து நிகழ்வு இடம்பெறும் மண்டபம் வரை மங்கள வாத்தியம் முழங்க ஊர்வலமாக அழைத்துச்செல்லப்பட்டு மதிப்பளிக்கப்பட்டது.

அதனைத்தொடர்ந்து மாவீரர்களுக்கான நினைவேந்தல் நிகழ்வும் இடம்பெற்றது. பிரதான ஈகைசுடரினை நான்கு மாவீரர்களின் தாயாரான செபஸ்தியாம்பிள்ளை புஸ்பவதி அம்மையார் ஏற்றி வைத்து நிகழ்வை ஆரம்பித்து வைத்தார்.

அதனைத்தொடர்ந்து மாவீரர்களின் திருவுருவ படத்திற்கு ஒளிதீபம் ஏற்றி மலர்தூவி, அஞ்சலி செலுத்தப்பட்டது. உணர்வெழுச்சியுடனா இடம்பெற்ற இந்நிகழ்வில் முன்னாள் நாடாளுமன்ற உறுப்பினரும், தமிழ் தேசிய மக்கள் முன்னணியின் செயலாளருமான செ.கஜேந்திரன், சிரேஸ்ட சட்டத்தரணி காண்டீபன், கட்சியின் வன்னி மாவட்ட அமைப்பாளர் எஸ்.தவபாலன், கட்சியின் உள்ளூராட்சி மன்ள உறுப்பினர்கள் மற்றும் பெருமளவான பொதுமக்கள், கலந்து கொண்டிருந்தனர்.

மேலதிக தகவல் - திலீபன்

உலக நீரிழிவு தினத்தை முன்னிட்டு யாழ். மாவட்ட நீரிழிவு கழகத்தின் ஏற்பாட்டில் யாழ்ப்பாணத்தில் நடைபெற்ற விழிப்புணர்வு மருத்துவ முகாம் நிகழ்வை நேற்று(14.11.2026) பிரதி மாகாண சுகாதார சேவைகள் பணிப்பாளர் மு.உமாசங்கருடன் அதிதியாக கலந்து சிறப்பித்து சம்பிரதாயபூர்வமாக ஆரம்பித்து வைத்தபின் இவ்வாறு கூறிய அவர் மேலும் தெரிவிக்கையில்,

40 சதவீதம் வரையான அதிகரிப்பு

நீரிழிவு நோய் உலகளாவிய ரீதியில் பாரிய சுகாதாரப் பிரச்சினையாக உருவெடுத்துள்ளதுடன், எமது சமூகத்திலும் அதன் தாக்கம் அதிகரித்து வருகின்றது. 

இது ஆரம்பத்தில் வெளிப்படையான அறிகுறிகள் இன்றி உடலின் முக்கிய உறுப்புகளைப் பாதிக்கக்கூடிய நோயாக இருப்பதால், 'மௌனக் கொல்லி'யாக உருவெடுக்கின்றது எனவும் அவர் சுட்டிக்காட்டியுள்ளார்.

மேலும், இலங்கையில் நீரிழிவு நோயின் பரவல் கடந்த காலங்களுடன் ஒப்பிடுகையில் கணிசமாக அதிகரித்துள்ளதாகவும், ஆய்வுகளின் அடிப்படையில் கடந்த 10 ஆண்டுகளுக்கு முன்னர் 3 முதல் நான்கு வீதமாக இருந்த இந்நோய் தற்போது 30 முதல் 40 சதவீதம் வரையான அதிகரிப்பு பதிவாகியுள்ளதாகவும் குறிப்பிட்டுள்ளார். 

நோயைக் கட்டுப்படுத்துவதற்கு

அந்தவகையில், யாழ்ப்பாண மாவட்டத்தின் சுமார் ஆறு இலட்சம் மக்கள் தொகையில் இரண்டு இலட்சம் பேர் வரையில் நீரிழிவு நோயால் பாதிக்கப்பட்டிருக்கலாம் எனவும் அவர் தெரிவித்துள்ளார்.

இந்த நோயைக் கட்டுப்படுத்துவதற்கு மருத்துவர்கள் மற்றும் சுகாதாரப் பணியாளர்களின் முயற்சிகள் மாத்திரம் போதுமானதல்ல.

அதேவேளை, நீரிழிவு நோய் தொடர்பான விழிப்புணர்வுத் தகவல்களை மக்களுக்கு வழங்குவதுடன் நின்றுவிடாமல், மக்கள் தமது அன்றாட வாழ்க்கை முறையிலும் மாற்றங்களை ஏற்படுத்திக்கொள்ள வேண்டும் எனவும் அவர் கேட்டுக்கொண்டுள்ளார்.

நேற்று(14.11.2026) இரவு11: 50 மணியளவில் காலமானதாக எமது செய்தியாளர் தெரிவித்துள்ளார்.

இவர், கடந்த 3ஆம் திகதி உடல்நலக் குறைவு காரணமாக பருத்தித்துறை ஆதார வைத்தியசாலையின் தீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வந்ததாகத் தெரிவிக்கப்பட்டுள்ளது.

உடல்நலக் குறைவு

இதற்கிடையில், கடந்த ஜூன் மாதம் 11ஆம் திகதி கொழும்பிலுள்ள தனியார் வைத்தியசாலையொன்றில் அவருக்குச் சிறுநீரக மாற்று அறுவைச் சிகிச்சை மேற்கொள்ளப்பட்டுள்ளது.

இதனைத் தொடர்ந்து, சில வாரங்கள் வைத்தியசாலையில் தங்கியிருந்து சிகிச்சை பெற்ற அவர், பின்னர் வீடு திரும்பியிருந்தார்.

இந்த நிலையில், நேற்று(14.11.2026) அவர் காலமானதாகத் தெரிவிக்கப்பட்டுள்ளது.

வடக்கு, கிழக்கு தமிழ் அரசியல் களத்தில் நீண்டகால அனுபவம் கொண்ட சிரேஷ்ட அரசியல்வாதியான எம்.கே.சிவாஜிலிங்கம், இராணுவம், பொலிஸ் மற்றும் இராணுவத்தின் ஆதரவுடன் இயங்கிய ஆயுதக் குழுக்களின் தாக்குதல்களுக்கு இலக்காகியும் எதற்கும் அஞ்சாது தமிழ் மக்களின் உரிமைப் போராட்டங்களிலும் அரசியல் செயற்பாடுகளிலும் தீவிரமாகப் பங்காற்றியவர் ஆவார்.

அரசியல் நகர்வுகள்

2009ஆம் ஆண்டு தமிழர்களின் ஆயுதப் போராட்டம் மௌனிக்கப்பட்ட பின்னர், இராணுவத்தினர், பொலிஸார் மற்றும் அரச புலனாய்வாளர்களின் பல்வேறு அச்சுறுத்தல்களுக்கு மத்தியிலும் தமிழ்த் தேசிய நினைவேந்தல் நிகழ்வுகளைத் துணிவுடன் முன்னின்று நடத்தி வந்த பெருமை இவரையே சாரும்.

ரெலோ அமைப்பின் மூத்த உறுப்பினராக இருந்த இவர், 2001 மற்றும் 2004ஆம் ஆண்டுகளில் நடைபெற்ற பொதுத்தேர்தல்களில் தமிழ்த் தேசியக் கூட்டமைப்பின் ஊடாக யாழ்ப்பாணம் மாவட்டத்தில் போட்டியிட்டு வெற்றியீட்டி நாடாளுமன்ற உறுப்பினராகப் பணியாற்றினார்.

2013ஆம் ஆண்டு நடைபெற்ற வடக்கு மாகாண சபைத் தேர்தலில் யாழ்ப்பாணம் மாவட்டத்தில் போட்டியிட்டு உறுப்பினராகத் தெரிவு செய்யப்பட்டு பணியாற்றினார்.

பின்னர் ரெலோ கட்சியிலிருந்து விலகித் தமிழ்த் தேசியக் கட்சியில் பொதுச்செயலாளராகப் பதவி வகித்த அவர், இறுதியாக நடைபெற்ற உள்ளூராட்சி சபைத் தேர்தலில் தமிழ்த் தேசியப் பேரவையின் சார்பில் வல்வெட்டித்துறை நகர சபையின் உறுப்பினராகத் தெரிவு செய்யப்பட்டு, தவிசாளராகப் பொறுப்பு வகித்து நகர அபிவிருத்தி மற்றும் நிர்வாகப் பணிகளை முன்னெடுத்து வந்தார்.

அன்னாரது மறைவுக்குத் தமிழ் அரசியல் தலைவர்கள், மக்கள் பிரதிநிதிகள், பொதுமக்கள் மற்றும் நலன்விரும்பிகள் தமது ஆழ்ந்த இரங்கல்களைத் தெரிவித்து வருகின்றனர்.

மேலதிக தகவல் - ராகேஷ்

வரவு - செலவுத் திட்டம் மீதான வாக்கெடுப்பில் ஆதரவாக 17 வாக்குகளும், எதிராக 17 வாக்குகளும் கிடைத்ததால் வாக்குகள் சமநிலையில் முடிவடைந்தன.

இதனையடுத்து, தவிசாளரின் தீர்மானிக்கும் வாக்கைப் பயன்படுத்தி இந்த வரவு – செலவுத் திட்டம் நிறைவேற்றப்பட்டது.

பெண் உறுப்பினர் வழங்கிய ஆதரவு

குறிப்பாக, எதிர்க்கட்சியான ஐக்கிய மக்கள் சக்தியைப் பிரதிநிதித்துவப்படுத்தும் பெண் உறுப்பினர் ஒருவர் ஆளும் தரப்பின் வரவு – செலவுத் திட்டத்துக்கு ஆதரவாக வாக்களித்தமை அரசியல் வட்டாரத்தில் பெரும் கவனத்தை ஈர்த்துள்ளது.

இதற்கு முன்னர் கடந்த நவம்பர் 4ஆம் திகதி நடைபெற்ற வாக்கெடுப்பில், வரவு – செலவுத் திட்டத்துக்கு ஆதரவாக 14 உறுப்பினர்களும், எதிராக 17 உறுப்பினர்களும் வாக்களித்ததால் அது மூன்று வாக்குகள் வித்தியாசத்தில் தோற்கடிக்கப்பட்டிருந்தது.

அன்றைய வாக்கெடுப்பின்போது ஆளும் தரப்பைச் சேர்ந்த இரண்டு உறுப்பினர்கள் சுகவீனம் காரணமாகவும், எதிர்க்கட்சியைச் சேர்ந்த ஓர் உறுப்பினர் வேறு காரணத்தாலும் சபைக்குச் சமூகமளிக்கவில்லை.

மொத்தம் 34 ஆசனங்களைக் கொண்ட தனமல்வில பிரதேச சபையில் ஆளும் தேசிய மக்கள் சக்திக்கு 16 ஆசனங்களும், எதிர்க்கட்சிகளுக்கு ஒட்டுமொத்தமாக 18 ஆசனங்களும் உள்ளன.

இந்நிலையில், வரவு – செலவுத் திட்ட விவாதத்தின்போது ஆளும் மற்றும் எதிர்க்கட்சி உறுப்பினர்களுக்கு இடையில் பல்வேறு கடுமையான வாக்குவாதங்களும் சலசலப்புகளும் இடம்பெற்றமை குறிப்பிடத்தக்கது.

மேலதிக தகவல் - ராகேஷ்

நேற்று(14.11.2026) ஊடகங்களுக்கு வெளியிட்ட அறிக்கையொன்றிலேயே அவர் மேற்கண்டவாறு குறிப்பிட்டுள்ளார்.

அறிக்கையில் மேலும் குறிப்பிடப்படுதாவது,

கால்நடைகளைப் படுகொலை செய்வதன் மூலம் தமிழ்ப் பண்ணையாளர்களின் பொருளாதார வலிமையைச் சிதைத்து, அவர்களின் பாரம்பரிய மேய்ச்சல் நில உரிமையையும் கால்நடை வளர்ப்பு வாழ்வாதாரத்தையும் அழிக்கும் நிலைமை தொடர்கின்றபோதும், அதனைத் தடுத்து நிறுத்துவதற்குத் தவறும் அநுர அரசாங்கம் மறுபுறம் நாட்டின் அபிவிருத்திக்காக வரவு செலவுத் திட்டத்தில் நிதி ஒதுக்கீடு செய்துள்ளதாகப் பெருமை பேசுகின்றது.

மக்களின் வாழ்வாதாரத்தைப் பாதுகாக்க முடியாத அரசாங்கம், அவர்களின் பொருளாதார அபிவிருத்தியை எவ்வாறு உறுதிப்படுத்தப் போகின்றது என கிழக்கு மாகாண சிவில் சமூக செயற்பாட்டாளர்கள் ஒன்றியம் கேள்வி எழுப்பியுள்ளது.

தொடர்ச்சியாக இடம்பெறும் கால்நடைப் படுகொலைகள்

மயிலத்தடு மாதவனை மேய்ச்சல் தரைப் பகுதியில் கால்நடைகளுக்கு எதிரான வன்முறைகள் கடந்த காலங்களிலிருந்தே தொடர்ச்சியாக இடம்பெற்று வருகின்றன. 2026ஆம் ஆண்டு ஒக்டோபர் மாதம் 20ஆம் திகதி மயிலத்தமடு மாதவனை பகுதியில் பண்ணையாளர்கள் அச்சுறுத்தப்பட்டதாகவும், அன்றிரவு கால்நடைகள் மீது துப்பாக்கிச் சூடு நடத்தப்பட்டதாகவும் செய்திகள் வெளியாகின.

சண்முகம் கோவிந்தராஜன் என்பவருக்குச் சொந்தமான பசுவின் கழுத்துப் பகுதியில் நான்கு பாரிய காயங்கள் ஏற்பட்டதாகவும் தெரிவிக்கப்பட்டது.

ஒக்டோபர் மாதம் 22ஆம் திகதி வெளியான தகவல்களின்படி, பண்ணையாளர்களுக்கு எதிரான அச்சுறுத்தல்களும் கால்நடைகள் மீதான தாக்குதல்களும் அதிகரித்திருந்தன. ஒக்டோபர் மாதம் 27ஆம் திகதி காலை 8 மணியளவில் மற்றுமொரு பசு கொல்லப்பட்டதுடன், மேலும் மூன்று கால்நடைகள் காணாமல் போனதாகவும் பண்ணையாளர்கள் தெரிவித்தனர்.

ஒக்டோபர் மாதம் 28ஆம் திகதி காலை 6.30 மணியளவில் சந்திவெளியைச் சேர்ந்த வடிவேல் சோமசுந்தரம் என்பவர் தனது பட்டியில் வைத்து அழைத்துச் செல்லப்பட்டு, பின்னர் கரடியனாறு பொலிஸாரால் மீட்கப்பட்ட சம்பவமும் இடம்பெற்றது.

இச்சம்பவம் பண்ணையாளர்களின் பாதுகாப்பு தொடர்பான அச்சத்தை மேலும் அதிகரித்தது.

நவம்பர் மாதம் 5ஆம் திகதி மாணிக்கம் வடிவேல் என்பவருக்குச் சொந்தமான பசு துப்பாக்கியால் சுடப்பட்டு தோல் உரிக்கப்பட்ட நிலையில் மயிலத்தமடு பகுதியில் கண்டுபிடிக்கப்பட்டது.

இந்த நிலையில், நவம்பர் மாதம் 12ஆம் திகதி இரவு சந்திவெளியைச் சேர்ந்த ஆனந்தன் என்பவருக்குச் சொந்தமான இரண்டு பசுக்கள் சுட்டுப் படுகொலை செய்யப்பட்டுள்ளன.

சுட்டுக் கொல்லப்பட்ட இரண்டு பசுக்களின் பெறுமதி 2 இலட்சத்து 80 ஆயிரம் ரூபாய்க்கும் அதிகமாக மதிப்பிடப்பட்டுள்ளது. இந்தச் சம்பவங்கள் அனைத்தும் மயிலத்தமடு மாதவனை மேய்ச்சல் தரையில் தமிழ்ப் பண்ணையாளர்களின் கால்நடை வளர்ப்பு வாழ்வாதாரம் எந்தளவுக்கு அச்சுறுத்தலுக்கு உள்ளாகியுள்ளது என்பதை வெளிப்படுத்துகின்றன என தெரிவிக்கப்பட்டுள்ளது.     

இந்தச் சம்பவம் கடந்த 12ஆம் திகதி இடம்பெற்றுள்ளதாகத் தெரிவிக்கப்பட்டுள்ளது.

இவ்வாறு உயிரிழந்தவர், 260 பாரதி நகர், யோகபுரம், மல்லாவியைச் சேர்ந்த 71 வயதுடைய சின்னையா திருசெந்தூர் என்பவராவார்.

71 வயது நபர் உயிரிழப்பு

குறித்த நபர் வயலுக்குச் செல்வதாகக் கூறிச் சென்ற நிலையில், நீண்ட நேரமாகியும் வீடு திரும்பாமல் இருந்துள்ளார்.

இதனைத் தொடர்ந்து, வீட்டிலிருந்தவர்கள் அவரைத் தேடிச் சென்றபோது, உழவு இயந்திரத்தில் பூட்டப்பட்டிருந்த சில்லில் சிக்குண்ட நிலையில் மீட்கப்பட்டுள்ளார்.

உடனடியாக மல்லாவி வைத்தியசாலைக்குக் கொண்டு சென்றபோதும், அவர் ஏற்கனவே உயிரிழந்துவிட்டதாக வைத்தியர்கள் தெரிவித்துள்ளனர்.

இந்த நிலையில், பிரேத பரிசோதனைக்காக சடலம் முல்லைத்தீவு மாஞ்சோலை வைத்தியசாலைக்குக் கொண்டு செல்லப்பட்டுள்ளது.

குறித்த சம்பவம் தொடர்பில் மல்லாவி பொலிஸார் மேலதிக விசாரணைகளை மேற்கொண்டு வருகின்றனர்.

இதனை கொழும்பு பங்குச் சந்தையின் சந்தைப்படுத்தல் பிரிவு உதவி முகாமையாளர் நிரோஷன் விஜயசுந்தர தெரிவித்துள்ளார்.

மாணவர்களுக்கான வாய்ப்பு

அவர் மேலும் தெரிவிக்கையில்,

இதன்படி, மாணவர்கள் கொழும்பு பங்குச் சந்தை அறிமுகப்படுத்தும் பயிற்சிப் பாடநெறியைப் பூர்த்தி செய்து பரீட்சையில் சித்தியடைய வேண்டும்.

தகுதி பெறும் ஒவ்வொரு மாணவருக்கும் 10,000 ரூபாய் பெறுமதியான முதலீட்டு வாய்ப்பு வழங்கப்படும்.

இந்த திட்டத்திற்காக 500 மில்லியன் ரூபாய் ஒதுக்கப்பட்டுள்ளது.

நகர்ப்புற மாணவர்கள் மட்டுமன்றி கிராமப்புற மற்றும் பின்தங்கிய பாடசாலை மாணவர்களுக்கும் இந்த வாய்ப்பை வழங்க நடவடிக்கை எடுக்கப்படும்.

மாணவர்களிடையே பங்குச் சந்தை பற்றிய அறிவையும் நிதிசார் கல்வியறிவையும் வளர்த்து, எதிர்காலத்தில் வெற்றிகரமான தொழில்முனைவோர்களாக உருவாக்குவதே இந்த திட்டத்தின் நோக்கமாக பார்க்கப்படுகின்றது என்றார்.    

அமெரிக்கத் தூதர்கள் ஜாரெட் குஷ்னர் மற்றும் ஸ்டீவ் விட்காஃப் ஆகியோர் ரஷ்ய ஜனாதிபதி புடினையும், உக்ரைன் ஜனாதிபதி ஜெலன்ஸ்கியையும் சந்தித்துப் பேச்சுவார்த்தை நடத்தினர்.

இந்த நிலையில் அவர்கள் இருவரும் தம்மை சந்தித்த பின்னர், ஜெலன்ஸ்கி இந்த தகவலை வெளியிட்டுள்ளார்.

ஐந்தில் ஒரு பகுதி

எனினும், டன்பாஸ் பகுதியை விட்டுக்கொடுக்க உக்ரைன் தயாராக இல்லை என ஜெலன்ஸ்கி தொடர்ந்து வலியுறுத்தியுள்ளார்.

அதேநேரம், உக்ரைனுக்கு பாதுகாப்பு உத்தரவாதம், இராணுவக் கட்டுப்பாடுகள் இல்லாமை மற்றும் நாட்டை மீளக் கட்டியெழுப்ப நிதி வழங்கப்பட்டால், இந்த முன்மொழிவை மக்கள் கருத்துக்கணிப்புக்கு விடத் தயாராக இருப்பதாக அவர் தெரிவித்துள்ளார்.

ரஷ்யா உக்ரைனின் சுமார் ஐந்தில் ஒரு பகுதியைக் கட்டுப்பாட்டில் வைத்துள்ளது.

உக்ரைனின் இராணுவ வலிமையைக் குறைப்பது, பிரதேசங்களை ஒப்படைப்பது மற்றும் நேட்டோவில் இணையாமல் இருப்பது உள்ளிட்ட நிபந்தனைகளை ரஷ்யா முன்வைத்து வருகிறது.

வடக்கு மாகாண ஆளுநர் நா.வேதநாயகன் தலைமையில், இலங்கைப் போக்குவரத்துச் சபையின் தலைவர் உள்ளிட்ட அதிகாரிகள் மற்றும் தொடர்புடைய நிறுவனங்களின் பிரதிநிதிகளுடன் யாழ்ப்பாணப் பேருந்து நிலையச் செயற்பாடுகளை ஒழுங்குபடுத்துவது தொடர்பான அவசர ஒருங்கிணைப்புக் கலந்துரையாடல் நேற்றுமுன்தினம்(13.11.2026) ஆளுநர் செயலகத்தில் இடம்பெற்றுள்ளது.

பொது மலசலகூடம் பராமரிப்பு

இதன்போது, தற்போதைய மத்திய பேருந்து நிலையத்தின் காணி அரச காணியாக இருந்தபோதிலும், அது இதுவரை உரிய முறையில் பாரப்படுத்தப்படவில்லை என்ற விடயம் இலங்கைப் போக்குவரத்துச் சபையின் தலைவருக்குத் தெரியப்படுத்தப்பட்டது.

அத்துடன், யாழ்ப்பாண மாநகர சபையால் அங்கு அமைக்கப்பட்டுள்ள பொது மலசலகூடத்தைப் பராமரித்து இயக்குவது தொடர்பிலும் கலந்துரையாடப்பட்டது. தற்போது தனியார் ஒப்பந்ததாரரிடம் ஒப்படைக்கப்பட்டுள்ள மலசலகூடப் பராமரிப்பு ஒப்பந்தம் 2026 டிசெம்பர் 31ஆம் திகதியுடன் நிறைவடைகின்றது.

அதனைத் தொடர்ந்து, 2027 ஜனவரி முதல் அரச நிறுவனத்திலிருந்து மற்றொரு அரச நிறுவனத்துக்கு ஒப்பந்தம் வழங்கும் நடைமுறையின் கீழ் இலங்கைப் போக்குவரத்துச் சபையிடம் ஒப்படைக்க முடியுமா என்பது ஆராயப்பட்டது.

விரைவில் முடிவு..

தேசிய பெறுகை வழிகாட்டல்களுக்கு அமைவாக இத்தகைய ஏற்பாடு சாத்தியமா என்பதை மாநகர சபை ஆணையாளர் மற்றும் உள்ளூராட்சி ஆணையாளர் ஆராய்ந்து, விரைவில் முடிவை அறிவிக்க வேண்டும் எனத் தீர்மானிக்கப்பட்டது.

தனியார் ஒப்பந்த முறையில் மலசலகூடப் பராமரிப்பை ஒப்படைப்பதால் ஏற்படக்கூடிய பாதகமான விளைவுகளையும் கருத்திற்கொண்டு, இலங்கைப் போக்குவரத்துச் சபையிடம் ஒப்படைக்கும் சாத்தியத்தைச் சாதகமாகப் பரிசீலிக்குமாறு மாநகர சபை முதல்வரிடம் கேட்டுக்கொள்ளப்பட்டது இது தொடர்பில் மாநகர சபையுடன் கலந்தாலோசித்து முடிவெடுப்பதாக முதல்வர் தெரிவித்துள்ளார்.

அதேவேளை நகர அபிவிருத்தி அதிகார சபையின் பிரதிநிதி, யாழ்ப்பாணப் பெருந்திட்டத்தின் கீழ் தற்போதைய மத்திய பேருந்து நிலையப் பகுதியை எதிர்காலத்தில் பல்வகைப் போக்குவரத்து மையமாக அபிவிருத்தி செய்வதற்கான சாத்தியம் உள்ளதாகவும், அது தொடர்பான நீண்டகாலத் திட்டம் ஆறு முதல் ஏழு ஆண்டுகளில் நடைமுறைக்கு வரக்கூடும் என்றும் தெரிவித்துள்ளார். 

2027ஆம் ஆண்டுக்கான வரவு செலவுத் திட்ட விவாதத்தில் உரையாற்றும் பொழுதே ஸ்ரீலங்கா பொதுஜன பெரமுன (SLPP) நாடாளுமன்ற உறுப்பினர் நாமல் ராஜபக்ச மேற்கண்டவாறு குறிப்பிட்டுள்ளார்.

அத்துடன், அத்தியாவசியப் பொருட்களான பால்மா மற்றும் மருந்துகளுக்கு போதிய நிவாரணம் வழங்கப்படாமல், வரிக் கொள்கைகள் மூலம் சாதாரண மக்கள் மீது அதிக சுமை சுமத்தப்படுவதாக அவர் குற்றம் சாட்டியுள்ளார்.

மக்களுக்கான நிவாரணம் சேமிப்பாக மாற்றம்

மேலும், துறைமுகம் மற்றும் கப்பல் கட்டுமானத் துறைகளில் இந்தியாவின் அதானி குழுமம், சீன நிறுவனங்கள் மற்றும் ஜப்பானிய முதலீட்டாளர்களுடன் தொடர்புடைய திட்டங்களின் தற்போதைய நிலை குறித்தும், அவர் கேள்வி எழுப்பியுள்ளார்.

அத்துடன், புதிய நிர்வாகப் பிரிவுகளை உருவாக்குவதற்குப் பதிலாக ஏற்கனவே உள்ள நிறுவனங்களைப் பலப்படுத்த வேண்டும் என்றும் அவர் வலியுறுத்தியுள்ளார்.

விளையாட்டு, விவசாயம் மற்றும் அனர்த்த முகாமைத்துவம் உள்ளிட்ட அமைச்சுகளுக்கு ஒதுக்கப்பட்ட நிதிகள் முழுமையாகப் பயன்படுத்தப்படவில்லை என்றும், அனர்த்த நிவாரணம் மற்றும் உட்கட்டமைப்பு அபிவிருத்திக்கான நிதிகள் நிர்வாகத் தாமதங்களால் செலவிடப்படாமல் உள்ளதாகவும் அவர் குறிப்பிட்டுள்ளார்.

செலவிடப்படாத நிதியை வீண் செலவுகளைக் குறைத்ததன் மூலம் கிடைத்த சேமிப்பாக அரசாங்கம் காட்டுகின்றது. ஆனால், அது திட்டங்களைச் செயல்படுத்தத் தவறியதன் அடையாளமாகவும் இருக்கலாம் என நாமல் ராஜபக்ச தெரிவித்துள்ளார்.

இந்த அறிவிப்பு, இன்று(14.11.2026) மாலை 4 மணி முதல் நாளை(15.11.2026) 4 மணி வரை நடைமுறையில் இருக்கும் என்றும் தெரிவிக்கப்பட்டுள்ளது.

மண்சரிவு அபாயம்

இதற்கமைய,

• பதுளை மாவட்டம்: சொரணதொட்ட, ஹாலி-எல, பதுளை, பண்டாரவளை, பசறை, எல்ல.
• நுவரெலியா மாவட்டம்: நோர்வூட், அம்பகமுவ கோரளை.
• இரத்தினபுரி மாவட்டம்: அயகம, வெலிகபொல, எலபாத்த, எஹலியகொடை.
• கண்டி மாவட்டம்: உடுநுவர, யட்டிநுவர.
• கேகாலை மாவட்டம்: அரநாயக்க, யட்டியந்தோட்டை, மாவனெல்ல.

மண்சரிவு அபாயம் உள்ள பகுதிகளில் வசிப்பவர்கள் மிகுந்த அவதானத்துடன் இருக்குமாறும், பாதுகாப்பு முன்னெச்சரிக்கை நடவடிக்கைகளை மேற்கொள்ளுமாறும் அறிவுறுத்தப்பட்டுள்ளனர்.

இந்த சந்திப்பு எதிர்வரும் 18 மற்றும் 19ஆம் திகதிகளில் சீனாவின் ஷென்சென் நகரில் நடைபெறவுள்ள APEC மாநாட்டையொட்டி முதன்முறையாக இடம்பெறவுள்ளதாக தெரிவிக்கப்பட்டுள்ளது.

அணு ஆயுதக் கட்டுப்பாட்டுக்கு புதிய ஒப்பந்தம்

அமெரிக்காவும் ரஷ்யாவும் இடையிலான New START அணு ஆயுதக் கட்டுப்பாட்டு ஒப்பந்தம் பெப்ரவரி மாதத்தில் காலாவதியான நிலையில், புதிய ஒப்பந்தத்தில் சீனாவையும் இணைக்க ட்ரம்ப் விருப்பம் தெரிவித்துள்ளார்.

ஆனால், ஏற்கெனவே உருவாக்கப்பட்ட ஒப்பந்தத்தில் தன்னை இணைத்துக்கொள்வது நியாயமற்றது என சீனா கருதுவதால், உடனடியாக புதிய ஒப்பந்தம் ஏற்படுவதற்கான வாய்ப்பு குறைவு என்றே சர்வதேச ஊடகங்கள் செய்தி வெளியிட்டுள்ளன.

இதற்கிடையில், ஈரான் போர் காரணமாக ஹோர்முஸ் நீரிணையில் கப்பல் போக்குவரத்து பாதிக்கப்பட்டுள்ளதுடன், சீனாவின் மசகு எண்ணெய் விநியோகத்தில் சுமார் மூன்றில் ஒரு பங்கு இந்த நீரிணை வழியாகவே வந்ததாக தெரிவிக்கப்பட்டுள்ளது.

இதனால் எண்ணெய் விலை உயர்வு சீனாவையும் உலகப் பொருளாதாரத்தையும் பாதிக்கும் வகையில் உள்ளதாக கூறப்படுகின்றது.

அமெரிக்காவுடன் கைக்கோர்க்கும் வல்லரசு நாடுகள்

எனவே, இந்தப் போரை முடிவுக்குக் கொண்டுவர சீனா விரும்புகின்றது என்றும், இந்த சந்திப்பில் இந்த விடயம் தொடர்பிலும் பேசப்படும் என்றும் எதிர்பார்க்கப்படுக்கின்றது.

செயற்கை நுண்ணறிவுத் தொழில்நுட்பத்திற்குத் தேவையான சிப் உற்பத்தியில் இரு நாடுகளும் போட்டியிடுகின்றன. அரிய கனிம ஏற்றுமதிகள் தொடர்பாகவும் முரண்பாடுகள் உள்ளன.

வர்த்தக உறவுகளை மேம்படுத்த இரு நாடுகளும் முயற்சித்து வரும் வேளையில், இந்தச் சந்திப்பில் உக்ரைன் போர் பேசப்படுவதற்கான வாய்ப்பு மிகவும் குறைவாகவே உள்ளது. அமெரிக்கா, இந்த விவகாரத்தை முத்தரப்பு சந்திப்பில் எழுப்பாது என அமெரிக்க அதிகாரி ஒருவரும் தெரிவித்துள்ளார்.

இந்த நிலையில், குறித்த சந்திப்பு உடனடியாக உலக அமைதிக்கான பெரிய ஒப்பந்தத்தை உருவாக்கும் என எதிர்பார்க்க முடியாது. இருப்பினும், அமெரிக்கா – சீனா – ரஷ்யா ஆகிய மூன்று வல்லரசுகளும் ஒரே மேசையில் அமர்வது உலக அரசியலில் மிக முக்கியமான நிகழ்வாகவே பார்க்கப்படுகின்றது. 

மேலும் 18 பேர் காயமடைந்துள்ளனர். இன்று(14,11,2026) மாலை பொன்னாக்யுன் பகுதியில் உள்ள பியார் லா இடம்பெயர்ந்தோர் முகாம் மீது இந்தத் தாக்குதல் நடத்தப்பட்டுள்ளது.

நீடித்து வரும் உள்நாட்டுப் போர்

உயிரிழந்தவர்களில் ஐந்து வயது சிறுவனும் அடங்குவதாக மீட்புப் பணியாளர்கள் தெரிவித்துள்ளனர்.

தாக்குதலில் ஒரே குடும்பத்தைச் சேர்ந்த தாய், மகள் மற்றும் உறவினர்கள் உயிரிழந்துள்ளனர். பல வீடுகள் இடிந்து தரைமட்டமாகியுள்ளதுடன், பொதுமக்களின் உடைமைகளும் சேதமடைந்துள்ளன.

கடந்த ஐந்து ஆண்டுகளாக மியான்மாரில் நீடித்து வரும் உள்நாட்டுப் போரினால் ரக்கைன் மாநிலம் கடுமையாகப் பாதிக்கப்பட்டுள்ளது. இந்தத் தாக்குதல் இடம்பெற்ற பகுதி போர் மோதல் நடைபெறும் பகுதியாக இருக்கவில்லை என மீட்புப் பணியாளர் ஒருவர் தெரிவித்துள்ளார்.

மியான்மாரில் உள்நாட்டுப் போர் ஆரம்பித்ததிலிருந்து அனைத்துத் தரப்புகளிலும் 100,000இற்கும் அதிகமானோர் உயிரிழந்துள்ளதாக ACLED அமைப்பு மதிப்பிட்டுள்ளது.

இந்த விடயங்கள் ஒன்றுடன் ஒன்று தொடர்புபட்டவை என்றும், ட்ரம்ப்பின் திட்டம் இதுவே என்றும் கனடாவில் வசிக்கும் ஈழத் தமிழ் அரசியல் ஆய்வாளர் நேரு குணரட்னம் (Nehru Gunaratnam) தெரிவித்துள்ளார்.

லங்காசிறி ஊடகம் வழங்கும் “ஊடறுப்பு” நிகழ்ச்சியில் கலந்துகொண்டு கருத்துத் தெரிவிக்கும்போதே அவர் மேற்கண்டவாறு குறிப்பிட்டுள்ளார்.

FBI விசாரணை

அவர் மேலும் தெரிவிக்கையில்,

சீனாவுக்குத் தகவல்களை வழங்கியதாக அமெரிக்க உளவுத்துறை சந்தேகிக்கும் ஆலிஸ் ஹுவாங் என்ற பெண்ணுடன் ஜென்சன் ஹுவாங் தொடர்பில் இருந்ததாக செய்திகள் வெளியாகின. இந்த விவகாரம் தொடர்பில் FBI விசாரணை நடத்தி வரும் நிலையில், NVIDIA நிறுவனத்தின் நிர்வாகக் குழுவும் தனியான விசாரணையொன்றை ஆரம்பித்துள்ளதாகத் தெரிவிக்கப்பட்டுள்ளது.

இதற்கிடையில், ஜென்சன் ஹுவாங் ஒரு நேர்மையானவர் என்றும், அவரை நம்புவதாகவும் ட்ரம்ப் தெரிவித்துள்ளார். அவர் மீது எழுந்த குற்றச்சாட்டுகள் குறித்து நேரடியாகப் பேசியதாகவும் குறிப்பிட்டுள்ளார்.

புகைப்படங்கள் மற்றும் காணொளிகள் சமூக வலைத்தளங்களில் வெளியாகி சில மணிநேரங்களில், நவம்பர் 12ஆம் திகதி ஜென்சன் ஹுவாங் NVIDIA நிறுவனத்தின் தலைமைப் பதவியிலிருந்து விலகினார்.

ட்ரம்ப், அவரைத் தனது பதவிக்காகப் போராடுமாறு தொலைபேசியில் கேட்டதாகவும் தகவல் வெளியாகியுள்ளதுடன், இன்று 3,700 வான்பரப்புகள் மூடப்பட்டுள்ளதாகவும் அவர் தெரிவித்தார்.