லங்காசிறி FM
நாடளாவிய ரீதியில் இ.போ.ச ஊழியர்கள் பணிப்பகிஷ்கரிப்பு(Photo)
வடபிராந்தியத்தில் இன்று (27) அதிகாலை வரை பெரும்பாலான இலங்கை போக்குவரத்து சபை பேருந்துகள் சேவையில் ஈடுபடவில்லை.
அத்தியாவசிய சேவையாக பிரகடனப்படுத்தப்பட்டுள்ள போக்குவரத்து சேவை ஊழியர்கள் கடமைக்கு சமூகமளிக்க பெட்ரோல் வழங்கப்பட வேண்டும்.
பெட்ரோல் வழங்கப்படாத பட்சத்தில் இன்று முதல் பணியில் ஈடுபடப் போவதில்லையென இலங்கை போக்குவரத்து சபை வடபிராந்திய தொழிற்சங்கங்கள் நேற்று(26) அறிவித்திருந்தன.
பெட்ரோல் இன்மை
இதை தொடர்ந்து, யாழ் மாவட்டத்திலுள்ள இ.போ.ச ஊழியர்களிற்கு பெட்ரோல் இன்று வழங்கப்படுமென யாழ் மாவட்ட அரச அதிபர் தெரிவித்துள்ளார்.
எனினும், இன்று கடமைக்கு சமூகமளிக்க எரிபொருள் இல்லையென தெரிவித்து, ஊழியர்கள் வடக்கிலுள்ள இ.போ.ச சாலைகளின் போக்குவரத்து சேவையை இதுவரை ஆரம்பிக்கவில்லை.
வழக்கமாக அதிகாலையில் இடம்பெறும் சேவைகளும் இடம்பெறவில்லை. ஆனாலும் ஒரு சில பேருந்து சேவைகள் இடம்பெறுவதாக தெரிவிக்கப்படுகின்றது.
பெட்ரோல் இன்று கிடைத்தால் இ.போ.ச ஊழியர்களின் பணிப்பகிஷ்கரிப்பு கைவிடப்படுமென எதிர்பார்க்கப்படுவதாக எமது செய்தியாளர் தெரிவித்துள்ளார்.
வவுனியா
இலங்கை போக்குவரத்து சபை வவுனியா சாலையினர் இன்றையதினம்(27) பணிபகிஷ்கரிப்பினை மேற்கொண்டுள்ளனர்.
வடமாகாணத்திலுள்ள ஏழு சாலைகளில் பணியாற்றும் சாரதிகள், நடத்துனர்கள் மற்றும் ஊழியர்கள் கடமைக்கு செல்வதற்கான பெட்ரோலினை பெற்றுக்கொள்வதில் பாரிய சிரமங்களை எதிர்நோக்கி வருவதாக தெரிவிக்கப்பட்டுள்ளது.
பேருந்து சேவை
தமக்கான பெட்ரோலினை உரிய முறையில் பெற்றுத்தர வேண்டும் என தெரிவித்து ஏழு சாலைகளை சேர்ந்த சாரதிகள், நடத்துனர்கள் மற்றும் ஊழியர்கள் பணிப்பகிஷ்கரிப்பில் ஈடுபட்டுள்ளனர்.
அந்தவகையில் வவுனியா சாலை ஊழியர்களும் பணிபகிஷ்கரிப்பில் ஈடுபட்டு வருகின்றனர்.
இதன் காரணமாக வவுனியா சாலைக்குரிய பேருந்துகள் கடமைக்கு செல்லாது இ. போ.ச வவுனியா சாலையில் தரித்து நிற்பதை அவதானிக்க கூடியதாக உள்ளதென எமது செய்தியாளர் தெரிவித்துள்ளார்.
இதேவேளை தமக்கான உரிய தீர்வினை பெற்றுத்தரும் வரை இந்த பணிபகிஷ்கரிப்பு தொடரும் என சாலை ஊழியர்கள் தெரிவித்துள்ளனர்.
செய்தி-ஷான்
பருத்தித்துறை
பருத்தித்துறை சாலை ஊழியர்கள் தமக்கு பெட்ரோல் வழங்கவேண்டும் என கோரி இன்று அதிகாலை முதல் போராட்டம் நாடத்திக் கொண்டிருக்கும் போராட்டம் இதுவரை தொடர்கிறது.
இதனால் மக்கள் போக்குவரத்தில் பெரிதும் பாதிக்கப்பட்டுள்ளனர்.
இந்நிலையில் வடமராட்சி தனியார் பேருந்து உரிமையாளர் சங்கம் தமது சேவையை அதிகரித்துள்ளது.
குறிப்பாக நாளாந்தம் 15 நிமிடத்திற்கு ஒரு தடவை இடம்பெற்ற சேவையை இன்று அதிகாலை முதல் 10 நிமிடத்திற்கு ஒருதடவை நடத்திக் கொண்டிருக்கின்றனர்.
இதனால் ஓரளவு மக்கள் பயனடைவது குறிப்பிடதக்க விடயமாகும்.
செய்தி-எரிமலை
திடீரென கண்ணீர்விட்டு அழுத சோழன், அதைப்பார்த்த நிலா செய்த விஷயம்.. அய்யனார் துணை சீரியல் எபிசோட் Cineulagam
குணசேகரன் ஜாமினுக்கு வந்த சிக்கல், செக் வைத்தது யார் தெரியுமா?... எதிர்நீச்சல் தொடர்கிறது புரொமோ Cineulagam
ஜேர்மனியில் வாகன சோதனையின்போது தப்பியோட முயன்ற பிரித்தானியர்: அவரது சூட்கேஸிலிருந்த பொருள் News Lankasri
ஆனையிறவு, புளியம்பொக்கணை, வவுனியா, கிளிநொச்சி, Argenteuil, France
02 Mar, 2026
கோப்பாய் வடக்கு, கைதடி, Wellington, New Zealand, சிட்னி, Australia
07 Mar, 2023
