லங்காசிறி FM
7 மணிநேர ரகசிய சந்திப்பு! மொஜ்தபா கமேனி குறித்து வெளியான அதிரடித் தகவல்
ஈரானின் உச்சத் தலைவர் மொஜ்தபா கமேனி, அந்நாட்டு ஜனாதிபதியுடன் கடந்த வாரம் ஏழு மணிநேரம் சந்திப்பொன்றை நடத்தியதாக, உச்சத் தலைவரின் பிரதிநிதியும் மூத்த இராஜதந்திரியுமான அப்துல் மஜீத் ஹக்கீம் இலாஹி தெரிவித்துள்ளார்.
இந்தச் சந்திப்பு குறித்த தகவல், மொஜ்தபா கமேனியின் உடல்நிலை தொடர்பாக நிலவி வந்த சந்தேகங்களுக்கு விளக்கமளிக்கும் வகையில் அமைந்துள்ளது.
வான்வழித் தாக்குதல்
அமெரிக்கா மற்றும் இஸ்ரேல் இணைந்து எட்டு மாதங்களுக்கு முன்னர் ஈரான் மீது நடத்திய வான்வழித் தாக்குதல்களில் காயமடைந்ததாகக் கூறப்படும் மொஜ்தபா கமேனி, அதன் பின்னர் பொதுவெளியில் தோன்றவில்லை.
குறித்த தாக்குதலில் அவரது தந்தையும் முன்னாள் உச்சத் தலைவருமான அயத்துல்லா அலி கமேனி கொல்லப்பட்டார்.
அவரது உடல்நிலை குறித்து கருத்துத் தெரிவித்த அப்துல் மஜீத் ஹக்கீம் இலாஹி, மொஜ்தபா கமேனி நல்ல உடல்நலத்துடன் இருப்பதாகவும், தனது கடமைகளைச் சிறப்பாக முன்னெடுத்து வருவதாகவும் தெரிவித்துள்ளார்.
மேலும், ஈரான் ஜனாதிபதி மசூத் பெசெஷ்கியான் மற்றும் நாடாளுமன்ற சபாநாயகர் ஆகியோரும் மொஜ்தபா கமேனியுடன் நீண்ட நேரம் சந்திப்புகளை நடத்தியுள்ளதாக அவர் குறிப்பிட்டுள்ளார்.
மொஜ்தபா கமேனி
மொஜ்தபா கமேனி தனது தந்தையின் இறுதிச் சடங்கில் கலந்துகொள்ளவில்லை என்ற தகவலையும் மறுத்துள்ள அவர், அச்சமயத்தில் தாம் ஈரானில் இருந்ததாகவும், மொஜ்தபா கமேனி அங்கு இருந்ததாகவும் தெரிவித்துள்ளார்.
பாதுகாப்புக் காரணங்களால் அவர் ஊடகங்களிலிருந்து விலகியிருப்பதாகவும், சில சந்தர்ப்பங்களில் பொதுமக்கள் கலந்துகொள்ளும் ஆர்ப்பாட்டங்களிலும் பங்கேற்றுள்ளதாகவும் அவர் மேலும் கூறியுள்ளார்.
இதற்கிடையில், மொஜ்தபா கமேனி திரைமறைவில் இருந்தவாறே நாட்டின் முக்கிய முடிவுகளை எடுத்து வருவதாக ஈரானிய அதிகாரிகள் மற்றும் அந்நாட்டின் மூத்த வட்டாரங்கள் தெரிவிக்கின்றன.
அமெரிக்கா மற்றும் இஸ்ரேலுடனான போர் தொடர்ந்து வரும் நிலையில், ஈரானின் அரசியல் தலைமைத்துவம் மற்றும் முடிவெடுக்கும் அதிகாரம் தொடர்பாக சர்வதேச அளவில் கேள்விகள் எழுந்துள்ளன.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024