லங்காசிறி FM
விக்டோரியா மற்றும் களனி ஆற்று அணைகள் உடையும் அபாயம்! வெளியாகும் போலிச்செய்திகள்..
விக்டோரியா நீர்த்தேக்கம் மற்றும் களனி ஆற்றின் வெள்ளத் தடுப்பு அணை உடைந்து போகும் என சமூக ஊடகங்களில் பரவும் செய்திகள் பொய்யானவை என சம்பந்தப்பட்ட துறைகள் அறிவித்துள்ளன.
விக்டோரியா நீர்த்தேக்கம் உடையும் அபாயம் உள்ளதாகத் தற்போது பரப்பப்படும் செய்திகள் உண்மையற்றவை என விக்டோரியா மின்நிலையத்தின் பிரதம பொறியியலாளர் ஜீ.டி.ஐ. சாந்த தெரிவித்துள்ளார். பரவும் செய்தியில் எவ்வித உண்மையும் இல்லை என அவர் குறிப்பிட்டுள்ளார்.
போலிச்செய்தி
மேலும், விக்டோரியா மின்நிலையத்தில் மின் உற்பத்திப் பணிகள் இடம்பெற்று வருவதாகவும், தானும் ஊழியர்களும் அங்கு தங்கியிருந்து செயற்பாட்டு நடவடிக்கைகளை முன்னெடுத்து வருவதாகவும் அவர் மேலும் தெரிவித்துள்ளார்.
இதேவேளை, களனி ஆற்றின் தெற்கு கரையில் உள்ள வெள்ளத் தடுப்பு அணையில் வெடிக்கும் அபாயம் இருப்பதாக சமூக வலைத்தளங்களில் பரப்பப்படும் செய்திகள் பொய்யானவை என நீர்ப்பாசனத் திணைக்களத்தின் கொழும்பு வலய நீர்ப்பாசனப் பணிப்பாளர் பொறியியலாளர் சுதர்ஷனி விதானபத்திரண தெரிவித்துள்ளார்.
அத்தகைய ஆபத்தான நிலைமை எதுவும் இல்லை எனவும், அவ்விடத்தில் காணப்பட்ட சிறிய நீர்க்கசிவு ஒன்றைக் கட்டுப்படுத்த நீர்ப்பாசனத் திணைக்களம் தேவையான நடவடிக்கைகளை எடுத்துள்ளதாகவும் அவர் குறிப்பிட்டுள்ளார்.
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
