இலங்கை உட்பட 60 நாடுகளுக்கு அதிர்ச்சி கொடுத்த அமெரிக்கா

United States of America Economy of Sri Lanka Income Tax Department

By Vethu Jun 03, 2026 08:11 AM GMT

Vethu

in வணிகம்

Report

இலங்கை உட்பட 60 நாடுகள் மீது புதிய வரிகளை விதிக்க அமெரிக்கா திட்டமிட்டுள்ளதாக தகவல் வெளியாகியுள்ளது.

கட்டாய உழைப்பைப் பயன்படுத்தி உற்பத்தி செய்யப்படும் பொருட்களின் இறக்குமதியைத் தடை செய்யவும், அதற்கு எதிரான சட்டங்களை நடைமுறைப்படுத்த தவறிய 60 நாடுகளுக்கு, அமெரிக்க வர்த்தகப் பிரதிநிதி அலுவலகம் புதிய வரிகளை விதிக்கப் பரிந்துரைத்துள்ளது.

புதிய வரிகள் விதிக்க பரிந்துரைக்கப்பட்ட நாடுகளில் இலங்கையும் அடங்குவதாக தெரியவந்துள்ளது.

பிரதிநிதி அலுவலகம் 60 நாடுகளுக்கு இரண்டு வரி விகிதங்களைப் பரிந்துரைத்துள்ளது.

வரி வீதங்கள் அதிகரிப்பு

அதற்கமைய, 46 நாடுகளுக்கு 12.5 சதவீத வரி விகிதத்தை பரிந்துரைத்துள்ளது. இலங்கையைத் தவிர, இத்தகைய உயர் வரி விகிதத்தைப் பரிந்துரைத்த நாடுகளில் சீனா, இந்தியா, ஜப்பான் மற்றும் தென் கொரியாவும் அடங்கும்.

இலங்கை உட்பட 60 நாடுகளுக்கு அதிர்ச்சி கொடுத்த அமெரிக்கா | Us Proposes New Tariffs Sri Lanka

மேலும், கனடா, மெக்சிகோ, ஐரோப்பிய ஒன்றியம், பங்களாதேஷ், கம்போடியா, மலேசியா, தாய்வான் மற்றும் பிரித்தானியா ஆகிய நாடுகளுக்கு இந்த அமைப்பு 10 சதவீத வரி விகிதத்தைப் பரிந்துரைத்திருந்தது.

அமெரிக்காவிற்கு ஆடை ஏற்றுமதி செய்வதில் இலங்கையுடன் போட்டியிடும் நாடுகளான பங்களாதேஷ், கம்போடியா மற்றும் மலேசியா ஆகியவற்றுக்கு 10 சதவீதம் என்ற குறைந்த வரி விகிதம் விதிக்கப்பட்டுள்ளதே இதில் முக்கிய அம்சமாகும்.

இலங்கைக்கு 12.5 சதவீதம் வரி விதிக்கப்பட்டுள்ளதால், இது இலங்கையில் எதிர்மறையான தாக்கத்தை ஏற்படுத்தும் என்று பொருளாதார ஆய்வாளர்கள் தெரிவித்துள்ளனர்.

YOU MAY LIKE THIS VIDEO