லங்காசிறி FM
உக்ரைனின் பாதுகாப்பு விவகாரம்: ட்ரம்பிற்கு அழுத்தம் கொடுக்கும் பிரித்தானியா
Sajithra
in ஐக்கிய இராச்சியம்
உக்ரைனுக்கு தொடர்ந்து ரஷ்ய ஜனாதிபதி விளாடிமிர் புடினால் அச்சுறுத்தல் விடுக்கப்பட்டு வரும் நிலையில் உக்ரைனுக்கான பாதுகாப்பை உறுதி செய்ய வேண்டும் என பிரித்தானிய பிரதமர் அமெரிக்க ஜனாதிபதி டொனால்ட் ட்ரம்பிற்கு அழுத்தமளித்து வருகிறார்.
ரஷ்ய - உக்ரைன் போர் இன்னும் சில வாரங்களில் முடிவுக்கு வரலாம் என தெரிவிக்கப்பட்டு வரும் நிலையிலேயே உக்ரைனுக்கான பாதுகாப்பை உறுதி செய்ய வேண்டும் என பிரித்தானிய பிரதமர் கெய்ர் ஸ்டார்மர் கோரிக்கை முன்வைத்துள்ளார்.
முன்னதாகவே, புடினால் ஐரோப்பாவுக்கு அச்சுறுத்தல் இருப்பதாக எச்சரித்துள்ள ஸ்டார்மர், உக்ரைனுக்கான பாதுகாப்பை அமெரிக்கா உறுதி செய்ய மறுத்தால், ரஷ்யாவால் இன்னொரு முறை மிக மோசமான தாக்குதலுக்கு உக்ரைன் இரையாகும் வாய்ப்புள்ளதாகவும் ஸ்டார்மர் எச்சரித்துள்ளார்.
ஸ்டார்மரின் கோரிக்கை
இந்நிலையில், அண்மைய வாரங்களில் நடந்த சம்பவங்களை சுட்டிக்காட்டி, ட்ரம்பை உங்களால் நம்ப முடிகிறதா என எழுப்பப்பட்டுள்ள கேள்விக்கு ஆம் என்றே ஸ்டார்மர் பதிலளித்ததாக சர்வதேச வட்டாரங்கள் தெரிவிக்கின்றன.
அத்துடன், "நான் அவரை சந்தித்திருக்கிறேன், அவருடன் தொலைபேசியில் கலந்துரையாடியுள்ளேன், எங்கள் இரு நாடுகளுக்கும் இடையிலான இந்த உறவு நீண்ட வரலாற்றைக் கொண்ட ஒரு சிறப்பான உறவு. எங்கள் இரு நாடுகளும் ஒன்றாக போரிட்டுள்ளது, நாங்கள் ஒன்றாகவே வர்த்தகத்திலும் ஈடுபட்டுள்ளோம்” என ஸ்டார்மர் குறிப்பிட்டுள்ளார்.
இருப்பினும், உக்ரைன் தொடர்பில் ஸ்டார்மரின் கோரிக்கையை டொனால்ட் ட்ரம்ப் ஏற்க வாய்ப்பில்லை என்றே பேசப்படுகின்றது.
புடினின் குறிக்கோள்
மேலும், கடந்த புதன்கிழமை நடந்த அமைச்சரவை கூட்டத்தில் உக்ரைன் தொடர்பில் குறிப்பிட்டுள்ள ஜனாதிபதி ட்ரம்ப், மிக அதிகமாக பாதுகாப்பு உத்தரவாதங்களை உக்ரைனுக்கு அளிக்கப் போவதில்லை என தெரிவித்துள்ளார்.
அதுமாத்திரமன்றி, அவ்வாறான நடவடிக்கைகளை முன்னெடுக்க ஐரோப்பா இருப்பதாகவும் ட்ரம்ப் சுட்டிக்காட்டியுள்ளார்.
ஆனால் ஸ்டார்மர், பாதுகாப்பு உத்தரவாதம் இல்லாமல் போர் நிறுத்தம் ஏற்பட்டால், அது விளாடிமிர் புடினுக்கு மீண்டும் உக்ரைனுக்குள் ஊடுருவ ஒரு வாய்ப்பாக அமையும், ஏனெனில் உக்ரைன் தொடர்பான அவரது இலட்சியம் மிகவும் வெளிப்படையானது, அது அனைவருக்கும் தெரியும் என்று நான் நினைக்கிறேன் என ஸ்டார்மர் எச்சரித்துள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
ஆனைக்கோட்டை, மட்டக்களப்பு, கொழும்பு, யாழ்ப்பாணம், Manchester, United Kingdom
27 Feb, 2024
மண்டைதீவு 1ம் வட்டாரம், கொக்குவில், St. Gallen, Switzerland
22 Feb, 2025
புங்குடுதீவு 3ம் வட்டாரம், கோண்டாவில் கிழக்கு, Toronto, Canada
23 Feb, 2025
நெடுந்தீவு, உருத்திரபுரம், ஸ்கந்தபுரம், London, United Kingdom
23 Feb, 2025
