ஈரானின் அடுத்த தலைவர் தெரிவு! முக்கிய முடிவெடுக்கவுள்ள ட்ரம்ப்.. அடுத்த கட்டத்தை நோக்கி செல்லும் போர்க்களம்

Donald Trump United States of America Iran Venezuela Ayalaan

By Shadhu Shanker Mar 06, 2026 01:40 AM GMT

Shadhu Shanker

in உலகம்

Report

ஈரானின் அடுத்த தலைவரை நியமிக்கும் செயல்முறையில் தானும் “ஈடுபட வேண்டியது அவசியம்” என அமெரிக்க ஜனாதிபதி டொனால்ட் ட்ரம்ப் கூறியதாக அமெரிக்க ஊடகம் Axios செய்தி வெளியிட்டுள்ளது.

ஈரானின் அடுத்த தலைவரை தேர்வு செய்வதில் “வெனிசுலா மாதிரியான தீர்வை” நடைமுறைப்படுத்த ட்ரம்ப் முயற்சிக்கிறாரா என்ற கேள்வியும் எழுந்துள்ளது.

ஈரானின் அடுத்த தலைவர்

பொதுவாக, ஈரானின் உச்ச தலைவரை தேர்வு செய்வது Assembly of Experts எனப்படும் அமைப்பின் பொறுப்பாகும்.இந்த அமைப்பே இஸ்லாமிய குடியரசின் உச்சத் தலைவரை நியமிக்கிறது.

ஈரானின் அடுத்த தலைவர் தெரிவு! முக்கிய முடிவெடுக்கவுள்ள ட்ரம்ப்.. அடுத்த கட்டத்தை நோக்கி செல்லும் போர்க்களம் | Trump Personal Involved Selecting Iran New Leader

ஆனால் இப்போது, அந்த முடிவில் தனிப்பட்ட முறையில் தானும் கருத்து சொல்ல விரும்புவதாக ட்ரம்ப் தெரிவித்துள்ளார்.

Axios-க்கு அளித்த நேர்காணலில், மறைந்த உச்சத் தலைவர் அலிகமேனியின் 56 வயது மகன் Mojtaba Khamenei உடன் இணைந்து பணியாற்றும் வாய்ப்பை அவர் நிராகரித்துள்ளார்.

அவர்கள் நேரத்தை வீணாக்குகிறார்கள். காமெனேயியின் மகன் பலவீனமானவர், என்று அவர் குறிப்பிட்டுள்ளார்.

வெனிசுலா விவகாரம்

மேலும், “வெனிசுலாவில் Delcy Rodriguez தொடர்பான விவகாரத்தில் நான் ஈடுபட்டது போல, இந்த நியமனத்திலும் நான் ஈடுபட வேண்டும்,” என்றும் அவர் தெரிவித்துள்ளார்.

ட்ரம்ப் நிர்வாகத்தின் பார்வையில், வெனிசுலாவில் Nicolas Maduro பதவி நீக்கப்பட்ட பின் ஆட்சிக்கு வந்த Delcy Rodriguez, அமெரிக்காவின் இராணுவ நடவடிக்கைகளை பின்தள்ளி புதிய உறவை உருவாக்கத் தயார் இருந்தது முக்கியமானதாக கருதப்படுகிறது.

ஆனால், தென் அமெரிக்க நாடான வெனிசுலாவும், மத்திய கிழக்கு நாடான ஈரானும் அரசியல் அமைப்பிலும் ஆட்சிமுறையிலும் முற்றிலும் வேறுபட்டவை.

எனவே, வெனிசுலாவில் நடந்தது போல, ஈரானின் இஸ்லாமிய ஆட்சியில் புதிய தலைவரை தேர்வு செய்வதில் அமெரிக்க ஜனாதிபதி நேரடியாக ஈடுபடுவது எப்படி சாத்தியம் என்பது தெளிவாக இல்லை என்று பகுப்பாய்வாளர்கள் கருத்துக்களை முன்வைத்துள்ளனர்.