இலங்கைக்கு கிழக்கே தீவிர சூறாவளியாக வலுவடையும் காற்றழுத்தம்! விடுக்கப்பட்டுள்ள சிவப்பு எச்சரிக்கை

புதிய இணைப்பு

இலங்கைக்கு கிழக்கே வங்காள விரிகுடாவில் நிலைகொண்டுள்ள குறைந்த காற்றழுத்தப் பகுதி, தற்போது காற்றழுத்தத் தாழ்வு மண்டலமாக வலுவடைந்துள்ளதாக வளிமண்டலவியல் திணைக்களம் அறிவித்துள்ளது.

தென்கிழக்கு வங்காள விரிகுடாவிலும், காங்கேசன்துறை முதல் திருகோணமலை வரையிலும், பொத்துவில் முதல் ஹம்பாந்தோட்டை வரையிலான கடலோர பகுதிகளில் இயங்கும் பல நாள் கடற்றொழில் கப்பல்களுக்கு வளிமண்டலவியல் திணைக்களம் சிவப்பு எச்சரிக்கை விடுத்துள்ளது.

சிவப்பு எச்சரிக்கை 

இன்று (15) காலை 11.30 மணிக்கு விடுக்கப்பட்ட இந்த எச்சரிக்கை, நாளை காலை 11.30 மணி வரை செல்லுபடியாகும் என தெரிவிக்கப்பட்டுள்ளது.

இன்று காலை 5.30 மணி நிலவரப்படி, இந்த அமைப்பு திருகோணமலையிலிருந்து சுமார் 600 கி.மீ வடகிழக்கில் அமைந்திருந்தது.

மேலும், இந்த அமைப்பு இலங்கையின் கிழக்கு கடற்கரையிலிருந்து வடக்கு- வடமேற்கு திசையில் நகர்ந்து, நாளை (16) காலைக்குள் ஆழ்ந்த காற்றழுத்தத் தாழ்வு மண்டலமாகவும், இரவில் தெற்கு மற்றும் அதனை ஒட்டிய மேற்கு-மத்திய வங்காள விரிகுடா பகுதிகளில் புயலாகவும், நாளை மறுநாள் (17) மேற்கு-மத்திய வங்காள விரிகுடா பகுதிகளில் கடும் புயலாகவும் வலுப்பெற வாய்ப்புள்ளது.

எனவே, 05 முதல் 15 டிகிரி வடக்கு அட்சரேகைகள் மற்றும் 80 முதல் 90 டிகிரி கிழக்கு தீர்க்கரேகைகளுக்கு இடைப்பட்ட கடல் பகுதிகளிலும், காங்கேசன்துறை முதல் திருகோணமலை வரையிலும், பொத்துவில் முதல் அம்பாந்தோட்டை வரையிலும் உள்ள கடலோரப் பகுதிகளிலும், மறு அறிவிப்பு வரும் வரை கடற்றொழில் மற்றும் கப்பல் போக்குவரத்து நடவடிக்கைகளை தவிர்க்குமாறு அறிவுறுத்தப்பட்டுள்ளது.

சம்பந்தப்பட்ட கடல் பகுதிகளில் ஏற்கனவே கடற்றொழில் மற்றும் கப்பல் போக்குவரத்து நடவடிக்கைகளில் ஈடுபட்டுள்ளவர்கள் உடனடியாக பாதுகாப்பான இடங்களுக்கு செல்லுமாறும் மேலும் அறிவுறுத்தப்பட்டுள்ளது.  

இரண்டாம் இணைப்பு

இலங்கையின் கிழக்கே வங்காள விரிகுடா கடல் பகுதியில் அமைந்துள்ள குறைந்த காற்றழுத்தப் பகுதியில் நகர்வு காரணமாக பலத்த காற்று மற்றும் கொந்தளிப்பான கடல் நிலவக்கூடும் என சிவப்பு எச்சரிக்கை விடுக்கப்பட்டுள்ளது.

தென்கிழக்கு வங்காள விரிகுடா கடல் பகுதி மற்றும் காங்கேசன்துறை முதல் திருகோணமலை வரையிலும், பொத்துவில் முதல் ஹம்பாந்தோட்டை வரையிலும் உள்ள கடலோரப் பகுதிகளில் பயணிக்கும் பல நாள் கடற்றொழில் கப்பல்களுக்கு இந்த எச்சரிக்கை விடுக்கப்பட்டுள்ளது.

இலங்கையின் கிழக்கே வங்காள விரிகுடா கடல் பகுதியில் அமைந்துள்ள குறைந்த காற்றழுத்தப் பகுதி, வடக்கு மற்றும் வடமேற்கு நோக்கி நகர்ந்து இன்று (15) காற்றழுத்தத் தாழ்வு மண்டலமாக உருவாக வாய்ப்புள்ளது என வளிமண்டலவியல் திணைக்களம் தெரிவித்துள்ளது.

அதன்படி, இந்த வானிலை அமைப்பு நாளை (16) மத்திய வங்காள விரிகுடா கடல் பகுதியில் புயலாக உருவாக வாய்ப்புள்ளது.

இதன் காரணமாக, 5 முதல் 15 டிகிரி வடக்கு அட்சரேகை மற்றும் 80 முதல் 90 டிகிரி கிழக்கு தீர்க்கரேகைக்கு இடைப்பட்ட கடல் பகுதிகளிலும், காங்கேசன்துறை முதல் திருகோணமலை வரையிலும், பொத்துவில் முதல் ஹம்பாந்தோட்டை வரையிலும் உள்ள கடலோரப் பகுதிகளிலும் மறு அறிவிப்பு வரும் வரை கடற்றொழில் மற்றும் கப்பல் போக்குவரத்து நடவடிக்கைகளைத் தவிர்க்குமாறு அறிவுறுத்தப்பட்டுள்ளது.

சம்பந்தப்பட்ட கடல் பகுதிகளில் ஏற்கனவே கடற்றொழில் மற்றும் கப்பல் போக்குவரத்து நடவடிக்கைகளில் ஈடுபட்டுள்ளவர்கள் உடனடியாக பாதுகாப்பான இடங்களுக்கு செல்லுமாறும் மேலும் அறிவுறுத்தப்பட்டுள்ளது.

முதலாம் இணைப்பு

இலங்கைக்கு கிழக்கே வங்காள விரிகுடாவில் அமைந்துள்ள குறைந்த காற்றழுத்த பகுதி, இன்று காலை (15) நிலவரப்படி திருகோணமலையிலிருந்து சுமார் 600 கி.மீ. கிழக்கே நிலை கொண்டிருந்ததாக வளிமண்டலவியல் திணைக்களம் தெரிவித்துள்ளது.

இதன் காரணமாக இந்த அமைப்பு இலங்கையின் கிழக்கு கடற்கரையிலிருந்து மேலும் வடக்கு நோக்கி, வடமேற்கு திசையில் நகர்ந்து, இன்றுக்குள் ஒரு 'தாழ்வழுத்தமாக' உருவாக வாய்ப்புள்ளதாகவும் எதிர்பார்க்கப்படுகிறது.

நாடு முழுவதும் வானிலையில் மாற்றம்

இந்த அமைப்பின் தாக்கத்தால், இன்று நாடு முழுவதும் வானம் மேகமூட்டம் காணப்படும் என்றும் தெரிவிக்கப்படுகிறது. வடக்கு, வடமத்திய மற்றும் கிழக்கு மாகாணங்களில் அவ்வப்போது மழை பெய்ய வாய்ப்புள்ளது.

மேலும் மேற்கு மற்றும் வடமேற்கு மாகாணங்களிலும், காலி மற்றும் மாத்தறை மாவட்டங்களிலும் சில நேரங்களில் மழை பெய்யும்.

நாட்டின் மற்ற பகுதிகளில் மாலை அல்லது இரவு நேரங்களில் சில இடங்களில் மழை அல்லது இடியுடன் கூடிய மழை பெய்ய வாய்ப்புள்ளது.

மேற்கு, சபரகமுவ, மத்திய மற்றும் ஊவா மாகாணங்களிலும், காலி, மாத்தறை மற்றும் குருநாகல் மாவட்டங்களிலும் அதிகாலை நேரங்களில் சில இடங்களில் பனிமூட்டமான சூழல் நிலவக்கூடும் என வளிமண்டலவியல் திணைக்களம் தெரிவித்துள்ளது.

மக்கள் நிராகரித்தால் வீடு செல்லத் தயார் - அமைச்சர் லால்காந்த அதிரடி

இலங்கையில் சினிமாவை மிஞ்சிய திகில் சம்பவம்! குகைக்குள் கைக்குழந்தையுடன் சிக்கிய சிறுமி