லங்காசிறி FM
இஸ்ரேல் - ஈரான் தாக்குதலின் எதிரொலி: பிரித்தானியாவிற்கு விடுக்கப்பட்டுள்ள எச்சரிக்கை
இஸ்ரேல் - ஈரான்(israel - iran) மோதல் போக்கானது அடுத்த நகர்வை இட்டுச்செல்லுமாக இருந்தால் பிரித்தானியாவில்(Uk) பயங்கரவாத நடவடிக்கைகள் அதிகரிக்க வாய்ப்பிருப்பதாக எச்சரிக்கை விடுக்கப்பட்டுள்ளது.
இஸ்ரேல் மீதான ஈரானின் தாக்குதல் நடவடிக்கை நீடித்தால் உலகின் பிற பகுதிகளுக்கு பெரும் பாதிப்பை ஏற்படுத்தும் என கூறப்பட்டுள்ளது.
இந்நிலையில் மத்திய கிழக்கு நாடுகளில் இருந்து பல ஆயிரம் மைல்கள் தொலைவில் இருக்கும் பிரித்தானியாவும் இதனால் பாதிப்புக்கு உள்ளாகும் எனவும் குறிப்பிடப்பட்டுள்ளது.
ஈரான் பயங்கரவாத நடவடிக்கை
இரு நாடுகளுக்குமிடையேயான மோதல் போராக மாறினால், பிரித்தானியாவில் ஈரானிய தீவிரவாத நடவடிக்கைகள் முன்னெடுக்கப்பட வாய்ப்பிருப்பதாக குறிப்பிடப்பட்டுள்ளது.
பிரித்தானியா இஸ்ரேலுக்கு ஆதரவளிப்பதாலையே ஈரான் பழி தீர்க்க முயலும் என்றும், பிரித்தானியாவில் இருந்தே ஈரான் பயங்கரவாத நடவடிக்கைகளை முன்னெடுக்கலாம் என்றும் எச்சரிக்கை விடுக்கப்பட்டுள்ளது.
ஆனால், ஈரானுக்கு பதிலடி தருவதாக இஸ்ரேல் முயன்றால், அது இன்னொரு போருக்கு வழிவகுக்கும் எனவும் கூறப்பட்டுள்ளது.
இதன் காரணமாக இஸ்ரேலின் முடிவை தற்போது உலக நாடுகள் மிகுந்த எச்சரிக்கையுடன் கவனித்து வருகிறது.
இந்நிலையில் இஸ்ரேல் - ஈரான் பதற்றம் அதிகரித்தால் போர் ஏற்படும் என துருக்கி எச்சரித்துள்ளது.
இஸ்ரேலின் மீது செல்வாக்கு
இந்த மாத தொடக்கத்தில் டமாஸ்கஸில் உள்ள தனது தூதரகத்தின் மீது இஸ்ரேல் நடத்திய தாக்குதலுக்கு பதிலடியாக நேற்றிரவு ஈரான் நடத்திய தாக்குதலுக்குப் பிறகு காசா மீதான போர் தீவிரமடையக்கூடும் என்று துருக்கிய வெளியுறவு அமைச்சகம் எச்சரித்துள்ளது.
"இன்று, நாங்கள் ஈரானிய தலைவர்கள் மற்றும் இஸ்ரேலின் மீது செல்வாக்கு கொண்ட மேற்கத்திய நாடுகளுக்கு எங்கள் செய்திகளை தெளிவாக தொடர்பு கொள்கிறோம், விரிவாக்கத்தை நிறுத்த அழைப்பு விடுக்கிறோம்," என்றும் அமைச்சகம் கூறியுள்ளது.
மேலும் எங்கள் பிராந்தியத்தின் ஸ்திரத்தன்மையை மீளமுடியாமல் குறைமதிப்பிற்கு உட்படுத்தும் மற்றும் உலகளாவிய மோதல்களை அதிகப்படுத்தும் ஒரு செயல்முறையைத் தடுக்க நாங்கள் தொடர்ந்தும் பணியாற்றுவோம் என துருக்கி கூறியுள்ளது.
இந்நிலையில் அனைத்து நகர்வுகளும் உன்னிப்பாகக் கண்காணிக்கப்பட்டு வருவதாக தெரிவிக்கப்பட்டுள்ளது.
ஈரானை தாக்கமாட்டோம் பின்வாங்கியது அமெரிக்கா!! மிரட்டினாரா புட்டின்? என்ன செய்யப்போகின்றது இஸ்ரேல்..!
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
2025 ஜனவரி மாத ராசிபலன்: முதல் மாதத்திலேயே அதிர்ஷ்டத்தை அள்ளப்போகும் ராசியினர்... யார் யார்ன்னு தெரியுமா? Manithan
எதிர்பார்த்ததை விட விரைவில்... உலகப் போர் குறித்து வாழும் நாஸ்ட்ராடாமஸ் மீண்டும் தீர்க்கதரிசனம் News Lankasri
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
ஊர்காவற்துறை, பிரித்தானியா, United Kingdom, கனடா, Canada
15 Dec, 2022
புங்குடுதீவு 12ம் வட்டாரம், புங்குடுதீவு 11ம் வட்டாரம், கனடா, Canada
03 Dec, 2014
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
