சுரேஷ் சாலேவின் விசாரணையில் வெளிவரும் தகவல்கள் - புலனாய்வுத்துறையினர் வெளிப்படுத்த மறுத்த விடயம்

CID - Sri Lanka Police Crime Suresh Salley

By Laksi Feb 27, 2026 05:32 PM GMT

Laksi

in அரசியல்

Report

அரச புலனாய்வுப் பிரிவின் முன்னாள் பணிப்பாளர் மேஜர் ஜெனரல் சுரேஷ் சாலே இரண்டு முன்னாள் தமிழீழ விடுதலைப்புலிகளின் உறுப்பினர்களான ராம் மற்றும் நகுலனைப் பயன்படுத்தி புலிகள் எழுச்சி என்ற திட்டத்தை முன்னெடுத்ததாக தற்போது புலனாய்வுத்துறையினருடைய கோப்புக்களில் தகவல்கள் கிடைக்கப் பெற்று இருக்கின்றன.

சுரேஷ் சாலே 2009 ஆம் ஆண்டின் பின்னர் ராம் மற்றும் நகுலனைப் பயன்படுத்தி புலிகள் மீழெழுச்சி பெறுகின்றார்கள் என்ற செயற்பாட்டை முன்னெடுத்தது மட்டுமன்றி 2007 ஆம் ஆண்டும் தமிழீழ விடுதலைப்புலிகள் சார்ந்த திட்டத்தை முன்னெடுத்ததாகவும் கூறப்படுகின்றது.

அதுமட்டுமல்லாது சுரேஷ் சாலே உளவுத்துறையில் தமிழ்மக்களினுடைய அசைவுகள் அல்லது தமிழ் மக்களினுடைய அடுத்த கட்ட எழுச்சிகள் தொடர்பில் நிதானத்துடன் செயற்பட்டு இருப்பதாகவும் தெரிவிக்கப்படுகின்றது.

அத்தோடு, குறித்த காலப்பகுதியில் தமிழ்தேசிய அரசியலில் இரண்டு அசரியல் பிரமுகர்களை தமது தேவைக்காக பயன்படுத்தி இருந்ததாகவும் கூறப்படுகின்றது.

இந்தநிலையிலே, குறித்த நபர்கள் யார் என்ற விடயத்தை புலனாய்வுத்துறையினர் வெளிப்படுத்த மறுத்து விட்டனர்.

இந்த விடயம் தொடர்பில் விரிவாக ஆராய்கின்றது இன்றைய செய்திகளுக்கு அப்பால் நிகழ்ச்சி,