2026 ஐ.பி.எல்லில் முதல் வெற்றியை படைத்த சன்ரைசர்ஸ் ஐதராபாத் அணி

2026 ஐ.பி.எல்லின் 6-ஆவது போட்டியில் கொல்கத்தா நைட் ரைடர்ஸ் அணியை வீழ்த்தி சன்ரைசர்ஸ் ஐதராபாத் அணி வெற்றிப்பெற்றுள்ளது.

2026 ஐ.பி.எல். 2026 கிரிக்கெட் தொடர் கடந்த 28ஆம் திகதி தொடங்கி நடைபெற்று வருகிறது.

ஈரானின் அணுவாயுத பரிசோதனை! கையிருப்பில் 10 டன் யுரேனியம் - 3 வாரத்தில் முடிப்பாரா ட்ரம்ப்..

சன்ரைசர்ஸ் ஐதராபாத் அணி

அந்த வகையில் இன்று(2) நடைபெற்ற தொடரின் 6ஆவது போட்டியில் கொல்கத்தா நைட் ரைடர்ஸ் மற்றும் சன்ரைசர்ஸ் ஐதராபாத் அணிகள் மோதின.

இந்தப் போட்டியில் நாணயசுழற்சியில் வென்ற கொல்கத்தா அணி முதலில் பந்துவீச்சு தேர்வு செய்தது.

அதன்படி துடுப்பாட்டத்தை தொடங்கிய சன்ரைசர்ஸ் அணி தொடக்கம் முதலே சிறப்பான ஆட்டத்தை வெளிப்படுத்தியது.

அந்த அணியின் துவக்க வீரர்களான டிராவிஸ் ஹெட் மற்றும் அபிஷேக் சர்மா அதிரடியாக ஆடினர்.

டிராவிஸ் ஹெட் 46 ஓட்டங்கள் (6 பவுண்டரிகள், 3 சிக்சர்கள்), அபிஷேக் சர்மா 48 ஓட்டங்கள் (4 பவுண்டரிகள், 4 சிக்சர்கள்) எடுத்து ஆட்டமிழந்தனர்.

அடுத்து களமிறங்கிய கேப்டன் இஷான் கிஷன் 14 ஓட்டங்களில் ஆட்டமிழந்தார். தொடர்ந்து ஆடிய ஹென்ரிச் கிளாசன் 35 பந்துகளில் 52 ஓட்டங்கள் (4 பவுண்டரிகள், 1 சிக்சர்) எடுத்து ஆட்டமிழந்தார்.

20 ஓவர்கள் முடிவில் சன்ரைசர்ஸ் அணி 8 விக்கெட்டுகள் இழப்புக்கு 226 ஓட்டங்களை குவித்தது.

கொல்கத்தா அணி சார்பில் பிளெசிங் முசர்பானி 4 விக்கெட்டுகளையும், வைபவ் அரோரா 2 விக்கெட்டுகளையும், கார்திக் தியாகி மற்றும் அன்குல் ராய் தலா 1 விக்கெட் வீழ்த்தினர்.

ஈரானின் மிகப்பெரிய பாலம் மீது நடந்த வான்வழி தாக்குதல்! ட்ரம்ப் பகிர்ந்துள்ள பரபரப்பு காணொளி

கொல்கத்தா அணி

இமாலய இலக்கை நோக்கி களமிறங்கிய கொல்கத்தா அணியில் கேப்டன் ரஹானே 8 ஓட்டங்களில் ஆட்டமிழந்தார்.

இவருடன் துவக்க வீரராக களமிறங்கிய ஃபின் ஆலென் 7 பந்துகளில் 28 ஓட்டங்கள் (4 பவுண்டரிகள், 2 சிக்சர்கள்) எடுத்தார். பிறகு களமிறங்கிய அங்ரிஷ் ரகுவன்ஷி 29 பந்துகளில் 52 ஓட்டங்கள் ((6 பவுண்டரிகள், 2 சிக்சர்கள்) எடுத்து ஆட்டமிழந்தார்.

போட்டி முடிவில் கொல்கத்தா அணி 16 ஓவர்களில் 161 ஓட்டங்களுக்கு அனைத்து விக்கெட்டுக்களையும் இழந்தது.

இதன் மூலம் சன்ரைசர்ஸ் ஐதராபாத் அணி 65 ஓட்டங்கள் வித்தியாசத்தில் அபார வெற்றி பெற்றது.

சன்ரைசர்ஸ் சார்பில் ஜெயதேவ் உனத்கட் 3 விக்கெட்டுகளையும், ஈஷன் மலிங்கா, நிதிஷ் குமார் ரெட்டி தலா 2 விக்கெட்டுகளையும், ஹார்ஷ் துபே 1 விக்கெட் வீழ்த்தினர்.

ஹோர்முஸ் நீரிணையைத் திறக்க பிரித்தானியா தலைமையில் 35 நாடுகள் ஆலோசனை