லங்காசிறி FM
கிண்ணியா தள வைத்தியசாலை விவகாரம் - மாபெரும் கையெழுத்து வேட்டை
கிண்ணியா தள வைத்தியசாலையை மத்திய அரசின் (சுகாதார அமைச்சு) நேரடிக் கட்டுப்பாட்டின் கீழ் கொண்டு வர வேண்டும் என வலியுறுத்தி மாபெரும் கையெழுத்து வேட்டை ஆரம்பிக்கப்பட்டுள்ளது.
குறித்த கையெழுத்து வேட்டையானது இன்று (15.11.2026) கிண்ணியாவில் உத்தியோகபூர்வமாக கொட்டும் கனமழையிலும் ஆரம்பித்து வைக்கப்பட்டது.
அதன்படி, வரவு செலவு திட்டம் ஊடாக இம்முறை கிண்ணியா தளவைத்தியசாலை மத்திய அரசின் கீழ் உள்வாங்கவில்லை. கடந்த கால அரசாங்கம் தொடக்கம் ஏமாற்ற பட்டு வரும் நிலை தொடர்கின்றது என வலியுறுத்தப்பட்டுள்ளது.
ஆர்வத்துடன் கையெழுத்து சேகரிப்பு
இந்த நிலயில் மக்கள் கனமழையிலும் நனைந்த படி கையொப்பத்தை ஆர்வத்துடன் இட்டு வருகின்றதாக எமது பிராந்திய செய்தியாளர் தெரிவித்தார்.
சிவில் சமூக அமைப்புகள் ஏற்பாட்டில் முன்னெடுக்கப்படும் இந்த கையெழுத்து வேட்டையில், வைத்தியசாலையின் ஆளணிப் பற்றாக்குறை, வைத்திய உபகரணங்களின் தேவை மற்றும் அவசர சிகிச்சை வசதிகளை மேம்படுத்துவதற்கு மத்திய அரசின் கீழ் கொண்டு வருவதே ஒரே தீர்வு என சுட்டிக்காட்டப்பட்டுள்ளது.
சுமார் ஒரு இலட்சம் வரையான கையொப்பங்கள் இதன் மூலம் பெறப்படலாம் என எதிர்பார்க்கப்படுகிறது.
கையெழுத்துக்கள் அடங்கிய மனு
ஆரம்ப நிகழ்வில் சிவில் சமூகப் பிரதிநிதிகள், வர்த்தகர்கள், இளைஞர்கள் மற்றும் பொதுமக்கள் எனப் பலரும் கலந்து கொண்டு தமது கையெழுத்துக்களைப் பதிவு செய்தனர்.
எதிர்வரும் நாட்களில் கிண்ணியாவின் அனைத்துப் பிரதேசங்களிலும் இந்தக் கையெழுத்து வேட்டை முன்னெடுக்கப்பட்டு, திரட்டப்படும் கையெழுத்துக்கள் அடங்கிய மனு ஜனாதிபதி மற்றும் சுகாதார அமைச்சரிடம் கையளிக்கப்படவுள்ளதாக ஏற்பாட்டாளர்கள் தெரிவித்துள்ளனர்.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
