நாட்டில் ஜனாதிபதி இருக்கின்றார் மக்களுக்கு தென்படுவதில்லை: எரிமலைக்கு மேல் இருந்துக்கொண்டு டெனிஸ் பந்து விளையாடுகிறோம்:வீரவங்ச

நாட்டில் பாரிய பொருளாதார நெருக்கடி ஏற்பட்டுள்ள சந்தர்ப்பத்தில் அந்த சிக்கலை தீர்க்கும் முறை சம்பந்தமாக மக்களுக்கு நம்பிக்கையை ஏற்படுத்தி தெளிவுப்படுத்துவதற்கு ஜனாதிபதியோ பிரதமரோ நாடாளுமன்றத்தில் இல்லை என நாடாளுமன்ற உறுப்பினர் விமல் வீரவங்ச குற்றம் சுமத்தியுள்ளார்.

நாடாளுமன்றத்தில் இன்று நடைபெறும் விவாதத்தில் கலந்துக்கொண்டு உரையாற்றும் போதே அவர இதனை கூறியுள்ளார்.

அரசாங்கத்தின் மீது சர்வதேசத்திற்கு எந்த நம்பிக்கையும் இல்லை

நாட்டில் இருக்கும் அரசாங்கம் தொடர்பில் சர்வதேசத்திற்குள் எவ்வித நம்பிக்கையும் இல்லை. நாடாளுமன்றத்தில் நாம் தற்போது கூடி இருப்பது வழமையான நிலைமையில் அல்ல.

நாட்டில் எரிபொருள் இன்றி சுயமான ஊரடங்குச் சட்டம் நடைமுறைப்படுத்தப்பட்ட நிலைமையில் நாடு இருக்கின்றது. இந்திய எண்ணெய் நிறுவனத்தின் எரிபொருள் நிரப்பும் நிலையங்களுக்கு அருகில் கிலோ மீற்றர் கணக்கில் வாகனங்கள் வரிசையில் நிறுத்தப்பட்டுள்ளன.

நாடாளுமன்ற உறுப்பினர்களும் பயணம் ஒன்றை மேற்கொண்டால் எப்படி திரும்ப வருவது என்ற அச்சத்தில் உள்ளனர். எதிர்க்கட்சி உறுப்பினர்களின் கேள்விகளுக்கு பதிலளிக்கும் இந்த நாடாளுமன்ற கூட்டம் நடக்கும் அவையில் பிரதமர் இல்லை.

எரிசக்தி அமைச்சர் இல்லை. நாங்கள் முன்பு கேட்ட கேள்விகளுக்கு பதிலளிப்பதை விட மக்களுக்கு ஏற்பட்டுள்ள நிலைமைக்கு பதிலளிப்பது யார். நாட்டில் ஜனாதிபதி இருக்கின்றார் மக்களுக்கு அவர் தென்படுவதில்லை.

மக்கள் மிக மோசமான கஷ்டங்களுக்கு உள்ளாகியுள்ளனர். மக்களுக்கு நம்பிக்கையை ஏற்படுத்தும் எதுவும் கண்ணுக்கு எட்டிய தூரத்தில் இல்லை. நாங்கள் எதிர்க்கட்சியில் இருக்கின்றோம் என்பதற்காக இந்த பிரச்சினையில் குறித்து மகிழ்ச்சியடைய மாட்டோம்.

கஷ்டத்தில் இருந்து மக்கள் மேழேந்து வருவதற்கான நடவடிக்கைகளை எடுக்க நாங்களும் எந்த நாட்டுடன் பேசலாம் என்று தனியாகவும் முயற்சித்து வருகின்றோம்.

நாடு எரிமலைக்கு மேல் இருக்கின்றது

நாட்டின் பிரச்சினை மேலும் உக்கிரமடைய இடமளிக்காது அனைத்து கட்சிகளும் இணைந்து சர்வக்கட்சி அசாங்கத்தை அமைக்க வேண்டும்.

சர்வக்கட்சி அரசாங்கத்தை அமைத்து நாட்டிலும் சர்வதேசத்திலும் நம்பிக்கை ஏற்படுத்தும் வேலைத்திட்டத்திற்கு செல்வோம். அதனை விடுத்து நாங்கள் முன்பு கேட்ட கேள்விகளுக்கு பதிலளித்துக்கொண்டு என்ன செய்துக்கொண்டிருக்கின்றீர்கள்.

நாம் விளையாட்டிக்கொண்டிருக்கிறோமா, நாடு எரிமாலைக்கு மேல் இருக்கின்றது. எரிமலைக்கு மேல் இருந்துக்கொண்டு நாம் டெனிஸ் பந்து விளையாடிக்கொண்டிருக்கின்றோம் எனவும் விமல் வீரவங்ச கூறியுள்ளார்.