இலங்கையை வீழ்த்தி இரண்டாவது வெற்றியை பதிவு செய்தது பாகிஸ்தான்

Cricket Sri Lanka Pakistan Mohammad Rizwan ICC World Cup 2023

By Dharu Oct 10, 2023 05:22 PM GMT

Dharu

in விளையாட்டு

Report

உலகக்கிண்ண கிரிக்கெட் தொடரில் இலங்கை அணிக்கு எதிரான இன்றைய போட்டியில் பாகிஸ்தான் அணி 6 விக்கட் வித்தியாசத்தில் அபார வெற்றியீட்டியுள்ளது.

ஹைதராபாத் மைதானத்தில் இன்று பிற்பகல் 2 மணிக்கு ஆரம்பமான இந்த போட்டியில் நாணய சுழற்சியில் வெற்றிப்பெற்ற இலங்கை அணி முதலில் துடுப்பெடுத்தாட தீர்மானித்தது.

இதன்படி முதலில் துடுப்பெடுத்தாடிய இலங்கை அணி 50 ஓவர்கள் நிறைவில் 9 விக்கெட்டுக்களை இழந்து 344 ஓட்டங்களை பெற்றுக்கொண்டது.

குசல் மெண்டிஸ் சாதனை

இலங்கை அணி சார்பில் குசல் மெண்டிஸ் 122 ஓட்டங்களையும் சதீர சமரவிக்ரம 108 ஓட்டங்களையும் பெத்தும் நிஸ்ஸங்க 51ஓட்டங்களையும் அணிக்கு பெற்றுக்கொடுத்தனர்.

இலங்கையை வீழ்த்தி இரண்டாவது வெற்றியை பதிவு செய்தது பாகிஸ்தான் | Pakistan Won Sri Lanka Wc 2023 Latest

பந்து வீச்சில் பாகிஸ்தான் அணி சார்பில் ஹசன் ஹலி 4 விக்கெட்டுக்களை வீழ்த்தினார்.

இதற்கமைய 345 என்ற வெற்றி இலக்கை நோக்கி பதிலுக்கு துடுப்பெடுத்தாடிய பாகிஸ்தான் அணி 48.2 ஓவர்கள் நிறைவில் 4 விக்கெட்டுக்களை மாத்திரம் இழந்து வெற்றி இலக்கை அடைந்தது.

சதம் கடந்த ரிஷ்வான்

பாகிஸ்தான் அணி சார்பில் அதிரடியாக துடுப்பெடுத்தாடிய மொஹமட் ரிஷ்வான் ஆட்டமிழக்காது 134 ஓட்டங்களை பெற்றுக் கொண்டார்.(134*). அப்துல்லா ஷபீக் 113 ஓட்டங்களையும், சவுத் ஷகீல் 31 ஓட்டங்களையும் பெற்றுக் கொண்டனர்.

பந்து வீச்சில் டில்ஷான் மதுசங்க அதிகபட்சமாக இரண்டு விக்கெட்டுக்களை வீழ்த்தினார்.

இதன்படி இரு அணிகளும் இந்த தொடரில் 2 போட்டிகள் விளையாடியுள்ள நிலையில் இலங்கை அணி 2 தோல்விகளையும் பாகிஸ்தான் அணி 2 வெற்றிகளையும் பெற்றுள்ளமை குறிப்பிடத்தக்கது.