லங்காசிறி FM
இங்கிலாந்து இளவரசர் பிலிப்பின் உயிலினை 90 ஆண்டுகள் சீல் வைக்குமாறு நீதிமன்றம் உத்தரவு
இங்கிலாந்து இளவரசர் பிலிப்பிற்குரிய சொத்து மதிப்புகள் சுமார் 30 மில்லியன் பவுண்டுகள் என்று கணக்கிடப்பட்டுள்ள நிலையில்,சொத்துக்கள் தொடர்பான உயிலினை 90 ஆண்டுகள் சீல் வைக்குமாறு லண்டன் உயர்நீதிமன்றம் உத்தரவிட்டுள்ளது.
இங்கிலாந்து ராணி இரண்டாம் எலிசபெத் (95) கணவர் இளவரசர் பிலிப், கடந்த ஏப்ரல் மாதம் தனது 99 ஆம் வயதில் மரணமடைந்தார்.
இந்நிலையில், அவரது சொத்து மதிப்பு சுமார் 30 மில்லியன் பவுண்டுகள் என கணக்கிடப்பட்டுள்ள நிலையில்,இதில் பெரும்பாலான சொத்துக்கள் அவரின் மனைவி மகாராணிக்கு சொந்தமானதென்றும் தெரிவிக்கப்படுகின்றது.
இந்நிலையில், இளவரசர் பிலிப் எழுதியுள்ள உயில் தொடர்பில் லண்டன் உயர்நீதிமன்றம் உத்தரவொன்றினை பிறப்பித்துள்ளது. அதன்படி அவரது உயிலில் உள்ள விபரங்களை வெளிப்படுத்தாமல் இருக்க, அதை 90 ஆண்டுகள் சீல் வைத்துப் பாதுகாக்க வேண்டும் எனவும் உத்தரவிடப்பட்டுள்ளது.
மறைந்த இளவரசர் பிலிப், அவரது மனைவி இரண்டாம் எலிசபெத்தின் கௌரவத்திற்காக உயில் ரகசியம் பாதுகாக்கப்பட வேண்டும் என்றும் விருப்பம் தெரிவித்துள்ளதாக கூறப்படுகின்றது.
எனவே இளவரசர் பிலிப்பின் உயிலை 90 ஆண்டுகளுக்கு சீல் வைக்க உத்தரவிட்டுள்ளதுடன்,உயிலின் நகலைப்பதிவு செய்யவோ, உயர்நீதிமன்றத்தில் தாக்கல் செய்யவோ கூடாது என கூறப்பட்டுள்ளது.
