சிறையில் இருந்து செவ்வாய்க்கிழமை நாடாளுமன்றம் வரப்போகும் நாமல்! வெளியிடவுள்ள முக்கிய அறிவிப்பு

எதிர்வரும் செவ்வாய்க்கிழமை நடைபெறவுள்ள நாடாளுமன்ற அமர்வில், கைது செய்யப்பட்டு விளக்கமறியலில் வைக்கப்பட்டுள்ள நாடாளுமன்ற உறுப்பினர் நாமல் ராஜபக்ச கலந்துகொள்ள உள்ளதாக தகவல்கள் வெளியாகியுள்ளன.

இலஞ்ச ஊழல் ஆணைக்குழுவினால் கடந்த வெள்ளிக்கிழமை கைது செய்யப்பட்ட நாமல் ராஜபக்ச, எதிர்வரும் 18ஆம் திகதி வரை விளக்கமறியலில் வைக்கப்பட்டுள்ளார்.

நாமலின் மனைவி

இந்த நிலையில், எதிர்வரும் செவ்வாய்க்கிழமை நாடாளுமன்றம் கூடவுள்ள நிலையில், அந்த அமர்வில் நாமல் ராஜபக்ச கலந்துகொள்வார் என எதிர்பார்க்கப்படுகிறது.

இதேவேளை, இந்த மாதம் 12ஆம் திகதி ஸ்ரீலங்கா பொதுஜன பெரமுன கட்சியின் மக்கள் கூட்டமொன்று அனுராதபுரத்தில் நடைபெறவுள்ளது.

குறித்த கூட்டத்தில் நாமல் ராஜபக்ச சிறப்புரையொன்றை ஆற்றவிருந்ததாகவும், தற்போது அவர் கைது செய்யப்பட்டுள்ளதால் கூட்டத்தில் கலந்துகொள்ள முடியாத நிலையில், நாடாளுமன்ற அமர்வில் கலந்துகொண்டு அந்த உரையை ஆற்றவுள்ளதாகவும் தகவல்கள் வெளியாகியுள்ளன.

இதனிடையே, நாமல் ராஜபக்சவுக்குப் பதிலாக அவரது மனைவி லிமினி ராஜபக்ச அனுராதபுர கூட்டத்தில் கலந்துகொள்வார் என வெளியான தகவலை நாடாளுமன்ற உறுப்பினர் ரோஹித அபேகுணவர்தன மறுத்துள்ளார்.

அரசியல் பழிவாங்கல்

அது போலியான தகவல் என அவர் குறிப்பிட்டுள்ளதுடன் தான் அமைச்சராக இருந்த கடந்த அரசாங்கத்தின் போது, இது போன்ற நிகழ்வு நடந்திருந்தாலும் நான் அதனையும் அனுமதித்திருக்க மாட்டேன். ஒரு ஜனநாயக நாட்டிற்கு அரசியல் பழிவாங்கல் பொருத்தமானதல்ல என்றும் தெரிவித்துள்ளார்.

மேலும், அனுராதபுர கூட்டத்தில் நாமலுக்குப் பதிலாக முன்னாள் ஜனாதிபதி மகிந்த ராஜபக்ச கலந்துகொள்ள உள்ளதாக முன்னாள் அமைச்சர் ஜோன்ஸ்டன் பெர்னாண்டோ தெரிவித்துள்ளார்.

எனினும், மகிந்த ராஜபக்ச எந்தவித உரையையும் ஆற்றமாட்டார் என்றும், மக்களோடு மக்களாக இணைந்து கூட்டத்தில் கலந்துகொள்வார் என்றும் தெரிவிக்கப்பட்டுள்ளது.

அவசர அவசரமாக நாட்டை விட்டு வெளியேறிய முக்கிய அரசியல்வாதி - சிஐடியினருக்கு கசிந்த தகவல்

மீண்டும் திரைமறைவில் களமிறங்கும் மகிந்த! தென்னிலங்கை அரசியலில் ஏற்படவுள்ள புதிய திருப்பம்