லங்காசிறி FM
குருந்தூர்மலையில் பலத்த பாதுகாப்புக்கு மத்தியில் இடம்பெற்ற சிவ வழிபாடு
முல்லைத்தீவு (Mullaitivu) - குருந்தூர்மலை ஆதிசிவன் ஐயனார் ஆலயத்தில் பொலிஸார், இராணுவ புலனாய்வாளர்களின் கண்காணிப்புக்கு மத்தியில் சிவ வழிபாடு இடம்பெற்றுள்ளது.
இந்த வழிபாடானது, இன்றையதினம் (18.06.2024) நடைபெற்றுள்ளது.
அந்தவகையில், சிவனை தரிசிப்பதற்காக ஆலய நிர்வாகத்தினர் உள்ளிட்ட பலர் இன்று காலை 10 மணியளவில் பூஜை வழிபாட்டில் ஈடுபட்டிருந்தனர்.
வழிபாட்டில் ஈடுபட்டோர்
மேலும், குறித்த வழிபாட்டில் முன்னாள் வடமாகாணசபை உறுப்பினர் துரைராசா ரவிகரன், முன்னாள் வடமாகாண விவசாய அமைச்சர் கந்தையா சிவநேசன், ஜனநாயக தமிழ்த் தேசிய கூட்டமைப்பின் முல்லைத்தீவு மாவட்ட இணைப்பாளர் ஞா.யூட்சன், கரைதுறைப்பற்று பிரதேசசபை உறுப்பினர் இ.ஜெகதீசன், ஆலய நிர்வாகத்தினர் என பலரும் கலந்துகொண்டனர்.
இதன்போது, பொலிஸார் மற்றும் இராணுவ புலனாய்வாளர்களின் கண்காணிப்புக்கு மத்தியில் சிவ வழிபாடு இடம்பெற்றுள்ளது.
மேலும், தொல்லியல் துறையினரின் அறிவுறுத்தலுக்கமைய சேதம் ஏற்படுத்தாத வண்ணம் வழிபாடுகள் இடம்பெற்றிருந்தமை குறிப்பிடத்தக்கது.
பாத யாத்திரை
அதேவேளை, இலங்கையின் பௌத்த சங்கத்தினராகிய மகாசங்கத்தினரின் ஏற்பாட்டில் மிகிந்தலையில் இருந்து முல்லைத்தீவிற்கான பாதாயாத்திரை ஒன்று 16.06.2024 ஆம் திகதி முதல் முன்னெடுக்கப்பட்டு வருகின்றது.
இதன்போது, எதிர்வரும் 20ஆம் திகதி வரை முல்லைத்தீவு குருந்தூர் மலையில் நீதிமன்ற உத்தரவினை மீறி கட்டப்பட்ட குருந்தூர் விகாரை நோக்கி பௌத்த துறவிகள் பாதயாத்தரை மேற்கொண்டு வருகின்றார்கள்.
வடக்கின் மிகப்பெரிய போதி விகாரை என சிங்கள பௌத்த மக்களுக்கு அறிவிக்கப்பட்ட குருந்தூர் விகாரையினை கட்டுவதற்காக தம்முடன் கைகோர்க்குமாறு குறிப்பிட்டு பௌத்த மத துறவிகள் இந்த பாதயாத்திரையினை தொடங்கியுள்ளார்கள்.
மிகிந்தலையில் இருந்து தொடங்கிய இந்த பாதயாத்திரைக்கு பௌத்த மக்கள் வரவேற்பு கொடுத்து உதவிகளும் வழங்கிவருவதுடன் பொலிஸாரின் பாதுகாப்பும் வழங்கப்பட்டு வருகின்றது.
மேலும், மிகிந்தலையிலிருந்து குருந்திக்கு என குறிப்பிடப்பட்ட பதாகைகளை வாகனங்களில் தாங்கியவாறான இந்த பாத யாத்திரை கடந்த 16 அன்று மிஹிந்தலையில் தொடக்கிவைக்கப்பட்டுள்ளது.
முல்லைத்தீவு மாவட்டத்தின் குருந்தூர் மலையில் கட்டப்பட்ட குருந்தி விகாரையினை முழுமையாக கட்டிமுடிக்கும் நோக்கில் பௌத்த மதகுருமார்களால் பெரும்பான்மை மக்களிடம் இருந்தும் புலம் பெயர் மக்களிடம் இருந்து நிதி திரட்டப்பட்டு கட்டுமானப்பணிகள் முன்னெடுக்கப்பட்டு வந்துள்ளன.
இந்த பாத யாத்திரைக்கான ஆதரவினை சமூக வலைத்தளங்களில் கோரப்பட்டு தற்போது பாதயாத்திரை முல்லைத்தீவு மாவட்டத்தினை நெருங்கி வருகின்றது.
மிகிந்தலையில் இருந்து மதவாச்சி ஊடாக பதவியா சென்று பதவியா ஊடாக வெலிஓயா சென்று வெலி ஓயா ஊடாக கிரிஇப்பன் வெவ ஊடாக நாயாறு சென்று நாயாறு ஊடாக குருந்தூர் மலை செல்வதே இந்த பாதயாத்திரையின் திட்டமிடல் என அறிவிக்கப்பட்டுள்ளது.
இந்த நிலையில், நீதிமன்ற உத்தரவினை மீறி கட்டப்பட்ட குருந்தூர் மலையில் உள்ள குருந்தி விகாரையினை பாதுகாப்பு கடமையில் அங்கு இராணுவத்தினர் ஈடுபட்டு வருகின்றார்கள்.
இந்த விகாரையின் கட்டுமானங்களை இடைநிறுத்த கூறி கடந்த காலத்தில் முல்லைத்தீவு மாவட்ட நீதிமன்றத்தின் நீதிபதி தீர்ப்பு வழங்கி இருந்தார். அந்த தீர்ப்பினையும் மீறி கட்டுமானப்பணிகள் முன்னெடுக்கப்பட்டுள்ளது. இருந்தும் நீதிமன்ற நீதிர்ப்பின் மறைமுக அச்சுறுத்தல் காரணமாக அந்த நீதிபதி நாட்டை விட்டு வெளியேறியுள்ளார்.
செய்தி - கீதன்
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
13ஆம் திருத்தச் சட்டமும் ஜே.வி.பியின் நிலைப்பாடும் 22 மணி நேரம் முன்
அமிதாப் பச்சனுடன் இணைந்து விவசாயி மகன் வாங்கிய திவாலான நிறுவனம்... இன்று அதன் மதிப்பு ரூ 38,000 கோடி News Lankasri
Super Singer: ராகவா லாரன்ஸை பிரமிப்பில் ஆழ்த்திய சிறுமி... பதிலுக்கு கொடுத்த பரிசு என்ன தெரியுமா? Manithan
லொட்டரியில் பரிசு விழுந்ததும் ஆடம்பரமாக செலவு செய்பவர்கள் மத்தியில் ஒரு வித்தியாசமான தம்பதி News Lankasri
கீர்த்தி சுரேஷ் திருமணம்: வேட்டி சட்டையில் மாஸ் காட்டும் தளபதி விஜய்... எப்படியிருக்காரு பாருங்க Manithan
விமானத்திற்குள் புகுந்து கைது செய்யப்பட்ட தம்பதி... பிரித்தானியாவை உலுக்கிய சிறுமி கொலை வழக்கில் திருப்பம் News Lankasri
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016