மறைந்த சர்வதேச மனித உரிமை செயற்பாட்டாளர் தம்பித்துரை முத்துக்குமாரசாமியின் நினைவேந்தல் நிகழ்வு

Batticaloa Eastern Province

By Kumar Jan 24, 2026 03:46 PM GMT

Kumar

in சமூகம்

Report

ஈழ விடுதலைப் போராட்டங்களில் முன்னோடியாகவும், சர்வதேச மனித உரிமை செயற்பாட்டாளராகவும் இருந்து அண்மையில் மரணமான தம்பித்துரை முத்துக்குமாரசாமியின் நினைவு வணக்க நிகழ்வு நடைபெற்றுள்ளது.

இந்த நிகழ்வு இன்று(24.1.2026) மட்டக்களப்பு அமெரிக்கன் மிசன் மண்டபத்தில் கிழக்கு மாகாண வலிந்துகாணாமல்ஆக்கப்பட்ட உறவுகள் சங்கத்தின் ஏற்பாட்டில் நடைபெற்றது.

இதன்போது, வலிந்து காணாமல்ஆக்கப்பட்ட சங்கத்தின் மட்டக்களப்பு மாவட்ட தலைவியினால் மலர் மாலை அணிவிக்கப்பட்டதுடன் வலிந்துகாணாமல்ஆக்கப்பட்ட சங்கத்தின் உறுப்பினரினால் பொதுச்சுடர் ஏற்றப்பட்டது.

மலரஞ்சலி

அத்துடன் ஈகைச்சுடர் ஏற்றப்பட்டு மலரஞ்சலி செலுத்தப்பட்டதை தொடர்ந்து அகவணக்கம் செலுத்தப்பட்டது.

மறைந்த சர்வதேச மனித உரிமை செயற்பாட்டாளர் தம்பித்துரை முத்துக்குமாரசாமியின் நினைவேந்தல் நிகழ்வு | Memorial Service For Thambithurai Muthukumaraswamy

அதனை தொடர்ந்து வலிந்து காணாமல்ஆக்கப்பட்ட சங்கத்தின் மட்டக்களப்பு மாவட்ட தலைவியினால் எட்டு மாவட்டங்களினால் தயாரிக்கப்பட்ட நினைவு அறிக்கை வாசிக்கப்பட்டதுடன் நினைவு உரைகளும் இடம்பெற்றது.

இந்த நிகழ்வில் மட்டக்களப்பு மாவட்ட முன்னாள் நாடாளுமன்ற உறுப்பினர்களான பா.அரியநேத்திரன்,கோவிந்தன் கருணாகரம்,ஏறாவூர்ப்பற்று பிரதேசசபை உறுப்பினர் செ.நிலாந்தன், வலிந்துகாணாமல் ஆக்கப்பட்ட சங்கத்தின் உறுப்பினர்கள்,பொதுமக்கள் என பெருமளவானோர் கலந்து கொண்டனர்.