லங்காசிறி FM
சஜித்தை கட்டுப்படுத்தவே முடியாது! மனோ எம்.பி பகிரங்க அறிவிப்பு
எதிர்க்கட்சித் தலைவர் சஜித் பிரேமதாஸவுக்கும் எமக்கும் இடையிலானது ஒரு தேர்தல் கூட்டணி உடன்படிக்கை மாத்திரமே, அவர் எமது கட்சித் தலைவர் அல்ல. எனவே எங்களை கட்டுப்படுத்தும் அதிகாரம் யாருக்கும் இல்லை என தமிழ் முற்போக்குக் கூட்டணியின் தலைவர் மனோ கணேசன் எம்.பி தெரிவித்துள்ளார்.
எதிர்க்கட்சித் தலைவர் சஜித் பிரேமதாஸவின் நகர்வுகள் மற்றும் கூட்டணியின் சுதந்திரத் தன்மை குறித்து ஊடகங்களுக்குக் கருத்துத் தெரிவித்த போதே அவர் மேற்கண்டவாறு குறிப்பிட்டுள்ளார்.
தனித்துவமான கட்சிகள்
அவர் மேலும் தெரிவித்ததாவது,
தமிழ் முற்போக்குக் கூட்டணி எமது கட்சியாகும். ஐக்கிய மக்கள் சக்தி என்பது சஜித் பிரேமதாஸ தலைமையிலான கட்சியாகும். இந்த இரண்டு கட்சிகளும் ஒன்றல்ல.
ஒரு புரிந்துணர்வு ஒப்பந்தத்தின் அடிப்படையிலான தேர்தல் உடன்பாட்டிலேயே நாம் இணைந்துள்ளோம். அவர் ஐக்கிய மக்கள் கூட்டணி என்ற தேசியக் கூட்டணியின் தலைவர் மட்டுமே; எமது கட்சியின் தலைவர் அல்ல. எனவே, “அங்கே செல்ல வேண்டாம், இங்கே செல்ல வேண்டாம்” என்று அவரை நாம் கட்டுப்படுத்த முடியாது. அதேபோன்று, அவரும் எம்மை அவ்வாறு கட்டுப்படுத்துவதில்லை.
ஒப்பந்தம் அடிப்படையிலான கூட்டணி
கீழே பிழைகள் திருத்தப்பட்டு, சரியான இலக்கணத்துடன் எழுதப்பட்டுள்ளது: கடந்த 2004ஆம் ஆண்டு, சந்திரிகா குமாரதுங்க தலைமையிலான கூட்டணியிலும், பின்னர் 2005ஆம் ஆண்டு மஹிந்த ராஜபக்சவை ஜனாதிபதியாக்குவதற்கும் அநுர குமார திஸாநாயக்க தலைமையிலான ஜே.வி.பி புரிந்துணர்வு ஒப்பந்தங்களின் அடிப்படையிலேயே செயற்பட்டது.
அன்று அவர்கள் எப்படி ஒரு கூட்டணியாகச் செயற்பட்டார்களோ, அதேபோன்ற நடைமுறையையே இன்று தமிழ் முற்போக்குக் கூட்டணி மற்றும் சஜித் பிரேமதாஸ தலைமையிலான கட்சிகளுடன் இணைந்து பின்பற்றி வருகின்றது. நாடாளுமன்ற வாக்களிப்பின் போதும் நாம் சுயாதீனமாக முடிவுகளை எடுக்கின்றோம்.
நாட்டில் நடைமுறையில் உள்ள தேர்தல் சட்டங்களே இவ்வாறான அரசியல் கூட்டணிகளுக்கு காரணமாகின்றன.
தென்னிலங்கையில் சிறுபான்மையாக வாழும் மக்களைப் பிரதிநிதித்துவப்படுத்தும் கட்சிகளுக்கு தற்போதைய சூழலில் இத்தகைய கூட்டணிகளைத் தவிர வேறு மாற்று வழிகள் கிடையாது என்றும் அவர் வலியுறுத்தியுள்ளார்.
நாரந்தனை, யாழ்ப்பாணம், London, United Kingdom, Gloucester, United Kingdom, Lancaster, United Kingdom
23 Feb, 2025
புங்குடுதீவு 3ம் வட்டாரம், கோண்டாவில் கிழக்கு, Toronto, Canada
23 Feb, 2025
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
