தலவாக்கலை லோகி தோட்ட குளத்திலிருந்து ஆணின் சடலம் மீட்பு

Sri Lanka Police Nuwara Eliya Accident

By Shan Aug 05, 2025 11:10 AM GMT

Shan

in விபத்து

Report

லிந்துலை பொலிஸ் பிரிவுக்குட்பட்ட லோகி தோட்ட குளத்தில் இருந்து ஆணொருவரின் சடலம் மீட்கப்பட்டுள்ளதாக லிந்துலை பொலிஸார் தெரிவித்தனர்.

உடப்புசலாவ பகுதியில் இருந்து தொழில் நிமித்தம் தலவாக்கலை நகருக்கு வந்திருந்த இளைஞன் ஒருவரே 04.08.2025 அன்று மாலை சடலமாக மீட்கப்பட்டுள்ளார்.

குறித்த இளைஞன் தனது நண்பருடன் குளிப்பதற்காக அங்கு சென்ற சமயம் குளத்தில் தவறி விழுந்ததன் காரணமாக உயிரிழந்துள்ளதாக விசாரணைகளில் இருந்து தெரிய வந்ததாக பொலிஸார் தெரிவித்துள்ளனர்.

விசாரணை

தற்போது சடலம் மீட்கப்பட்டு கரையில் வைக்கப்பட்டுள்ளதாகவும் நுவரெலியா மாவட்ட நீதிமன்ற நீதவானின் தலைமையில் விசாரணைகள் முன்னெடுக்கப்பட்டு பிரேத பரிசோதனைகளுக்காக சடலம் நுவரெலியா மாவட்ட வைத்தியசாலைக்கு கொண்டு செல்லப்பட்டுள்ளது.

தலவாக்கலை லோகி தோட்ட குளத்திலிருந்து ஆணின் சடலம் மீட்பு | Man S Body Recovered From A Pond In Talawakelle

குறித்த இளைஞன் லிந்துலை பெல்கிரேவியா தோட்டப்பகுதியில் தனது உறவினர் வீட்டில் தங்கி இருந்து வேலைக்கு சென்றதாகவும் சடலமாக மீட்கப்பட்டவர் 20 வயதுடைய அருமைவாசகம் கமலராஜா என பொலிஷார் தெரிவித்தனர்.

சம்பவம் தொடர்பான விசாரணைகளை லிந்துலை பொலிஸார் முன்னெடுத்து வருகின்றனர்.

மேலதிக தகவல் - கிஷாந்தன்