ஜோசப் ஸ்டாலினை கழுவில் ஏற்ற தயார்! - திஸ்ஸ குட்டியராச்சி
ஆசிரியர்களின் சேவை புறக்கணிப்பை ஏற்பாடு செய்யும் இலங்கை ஆசிரியர் சங்கத்தின் ஜோசப் ஸ்டாலின் (Joseph Stalin) மீது முட்டைகளை வீசி தாக்குதல் நடத்தாது, அரச காலத்தில் வழங்கப்பட்ட தண்டனையை வழங்க வேண்டும் என ஸ்ரீலங்கா பொதுஜன பெரமுனவின் நாடாளுமன்ற உறுப்பினர் திஸ்ஸ குட்டியராச்சி (Tissa Kuttiyarachchi) தெரிவித்துள்ளார்.
பதுளையில் நடைபெற்ற செய்தியாளர் சந்திப்பில் அவர் இதனை கூறியுள்ளார்.
காலிமுகத்திடலில் ஜோசப் ஸ்டாலினை கழுவில் ஏற்றி இந்த பிரச்சினையை தீர்க்க முடிந்தால், தான் அதற்கான நடவடிக்கைகளை எடுப்பதாகவும் அவர் கூறியுள்ளார்.
இதற்காக தனிப்பட்ட ரீதியில் தன்னால் தலையிட முடியும் எனவும் அதற்கு தான் தயாராக இருப்பதாகவும் குட்டியராச்சி குறிப்பிட்டுள்ளார்.