காஸா பகுதியில் தாக்குதலை தொடங்கியுள்ள இஸ்ரேல் கடற்படை : தாக்குதல் தொடர்பில் புதிய தகவலை வெளியிட்ட ஹமாஸ்

புதிய இணைப்பு

இஸ்ரேலின் தெற்கே அமைந்துள்ள பீர்ஷெபா நகரின் மீது தொடர்ந்து ஏவுகணை தாக்குதல் நடத்துவதாக ஹமாஸ் அமைப்பு தகவல்  வெளியிட்டுள்ளது.

மேலும், காஸா மீது இஸ்ரேல் தாக்குதல் நடத்தினால் பிணைக்கைதிகளை கொலை செய்து  நேரலையில் ஒளிபரப்புவோம் என ஹமாஸ் அமைப்பு எச்சரிக்கை விடுத்துள்ளதாக வெளிநாட்டு ஊடகங்கள் செய்தி வெளியிட்டுள்ளன. 

இந்தநிலையில், தங்களது  மண்ணில் 1500 ஹமாஸ் இயக்கத்தைச் சேர்ந்தவர்களை சுட்டு வீழ்த்தியுள்ளோம் என இஸ்ரேல் இராணுவத்தினர்  தெரிவித்துள்ளதுள்ளதாகவும், எல்லை பாதுகாப்பாக உள்ளது எனவும் குறிப்பிட்டுள்ளதாக செய்திகள் வெளியாகியுள்ளன. 

இலங்கையில் எரிபொருள் விலை அதிகரிக்கும்: நிபுணர்கள் எச்சரிக்கை

மூன்றாம் இணைப்பு

இஸ்ரேல் கடற்படை காஸா கடற்பகுதியில் தாக்குதலை தொடங்கியுள்ளதாக தெரிவிக்கப்படுகின்றது. 

இதேவேளை, நீண்ட நாள் போருக்கு தயார் என்று ஹமாஸ் அமைப்பு அறிவித்துள்ளதாக செய்திகள் வெளியாகியுள்ளன. 

இரண்டாம் இணைப்பு

ஹமாஸ் தாக்குதல் காரணமாக இஸ்ரேலில் இருந்த தாய்லாந்து நாட்டினர் 18 பேர் உயிரிழந்துள்ளதாக சர்வதேச ஊடகங்கள் தெரிவிக்கின்றனர்.

முதலாம் இணைப்பு

இஸ்ரேல்  போரை தொடங்கவில்லை,  ஆனால் இஸ்ரேல் தான் போரை முடிக்கும் என இஸ்ரேல் பிரதமர் பெஞ்சமின் நெத்தன்யாகு தெரிவித்துள்ளார்.

இஸ்ரேல் மீது கடந்த சனிக்கிழமை திடீரென ஹமாஸ் இயக்கம் தாக்குதல் நடத்தினர்.

அமெரிக்க படையினரின் உள்நுழைவு: இஸ்ரேல் தொடர்பில் வெள்ளை மாளிகை விளக்கம்

போர் உக்கிரம்

இந்த நிலையில், போர் உக்கிரம் அடைந்து வருவதுடன்  காசா எல்லையை தனது கட்டுப்பாட்டுக்குள் இஸ்ரேல் இராணுவம் கொண்டு வந்துள்ளதாக அறிவித்துள்ளது.

மேலும், ஹமாஸ் அமைப்பினர் மீது இஸ்ரேல் குண்டு மழை பொழிந்து வருகிறது. காசா எல்லையை முற்றிலுமாக இஸ்ரேல் முடக்கியதுடன், உணவு, எரிபொருள் விநியோகம் துண்டிக்கப்பட்டதாகவும் அறிவிக்கப்பட்டது. 

இதுவரை, இஸ்ரேல் - ஹமாஸ் போரில் உயிரிழந்தோர் எண்ணிக்கை 1500ஐ அடைந்துள்ளது.

இந்தநிலையில், நாங்கள் போரில் இருக்கிறோம். அதனால், பேச்சுவார்த்தைக்கோ அல்லது மத்தியஸ்தம் செய்வதற்கோ உரிய தருணம் இது இல்லை. நாங்கள் இன்னும் எங்களுடைய எல்லை பகுதியை பாதுகாக்க முயற்சித்து வருகிறோம் என்று இஸ்ரேல் அறிவித்துள்ளது.

இஸ்ரேல் போரை முடிக்கும்

அதேசமயம்,  இஸ்ரேல் பிரதமர் பெஞ்சமின் நெத்தன்யாகு கூறுகையில்,

இஸ்ரேல் போரில் உள்ளது. நாங்கள் இந்த போரை விரும்பவில்லை. இது மிகவும் கொடூரமான, காட்டுமிராண்டித்தனம் வழியாக எங்கள் மீது திணிக்கப்பட்டுள்ளது. ஆனால் இஸ்ரேல் போரை தொடங்காத போதிலும், இஸ்ரேல் போரை முடிக்கும் என குறிப்பிட்டுள்ளார். 

இதற்கு ஹமாஸ் விலை கொடுப்பார்கள். நீண்ட நாட்களுக்கு இது நினைவில் இருக்கும் வகையில் இருக்கும் என இஸ்ரேல் பிரதமர் இதற்கு முன்னர்  எச்சரித்திருந்தமை குறிப்பிடத்தக்கது. 

இதேவேளை, இஸ்ரேல், பாலஸ்தீனத்தில் உள்ள அப்பாவி மக்களை காக்க போராடி வருகிறோம் என்று ஐ.நா. சபை தெரிவித்துள்ளது. மேலும், அப்பாவி மக்களை கொல்வது குற்றமாகும். அவர்களின் பாதுகாப்பை உறுதி செய்ய வேண்டும் எனவும் ஐ.நா. சுட்டிக்காட்டியுள்ளது.

இஸ்ரேலுக்கு ஹமாஸ் விடுத்துள்ள பகிரங்க எச்சரிக்கை

மூன்றாம் உலகப்போர் ஆரம்பம்: பரபரப்பாகும் பாபா வாங்காவின் கணிப்பு