லங்காசிறி FM
தெரிவு செய்யப்பட்ட ஈரானின் புதிய உச்ச தலைவர்! விடுக்கப்பட்டுள்ள அழைப்பு
ஈரான் அரசாங்கத்தின் மேலும் பல முக்கியமான உயர்மட்ட உறுப்பினர்கள், மொஜ்தபா கமெனிக்கு தங்களின் ஆதரவை பொதுவாக அறிவித்துள்ளனர்.
ஈரானிய மக்களும் அதேபோல் ஆதரவு வழங்குமாறு அழைப்பு விடுத்துள்ளனர்.
புதிய தலைவர்
ஈரான் நாடாளுமன்றத்தின் தலைவர் Mohammad Baqer Qalibaf, Assembly of Experts எடுத்த முடிவு “துல்லியமானது” எனக் கூறி, மொஜ்தபா கமெனியியைப் பின்பற்றுவது ஈரானியர்களின் “தெளிவான மத மற்றும் தேசிய கடமை” என்றும் தெரிவித்துள்ளார்.
மேலும், தேசிய பாதுகாப்பு உயர்குழுவின் செயலாளர் Ali Larijani, புதிய தலைவரைச் சுற்றி ஒற்றுமையாக நிற்குமாறு அழைப்பு விடுத்து, “தெளிவான முடிவை” எடுத்ததற்காக அந்தச் சபைக்கு நன்றி தெரிவித்துள்ளார்.
இதேவேளை, ஈரானிய ஆட்சியின் ஆதரவாளர்கள் தங்கள் புதிய உச்ச தலைவரைக் கொண்டாட வீதிகளில் இறங்கினர்.
மக்கள் கொண்டாட்டம்
கடந்த வாரம் அமெரிக்க மற்றும் இஸ்ரேலிய தாக்குதல்களின் முதல் அலையில் கொல்லப்பட்ட அவரது தந்தை அயதுல்லா அலி கமேனிக்குப் பதிலாக மொஜ்தபா கமேனி நாட்டின் ஆன்மீகத் தலைவராகவும் உயர் அதிகாரியாகவும் பொறுப்பேற்றுள்ளார்.
🚨 Thousands of Iranian welcoming the Announcement of appointment of #MojtabaKhamenei
— The South Asia Times (@thesouthasiatim) March 9, 2026
as their Supreme Leader across the country. People came out into streets across the country at midnight. Chanting against US and Israel pic.twitter.com/yHLX6zJLfB
அவர் தனது தந்தையின் கடுமையான கொள்கைகளைத் தொடர்வார் என்று பலர் எதிர்பார்க்கிறார்கள்.
1969 செப்டம்பரில் பிறந்த மோஜ்தபா, அயதுல்லா அலி காமேனியின் இரண்டாவது மகன் ஆவார். இவர் தனது கல்வியைத் தெஹ்ரானில் உள்ள புகழ்பெற்ற 'அலவி' பள்ளியில் பயின்றார்.
பின்னர் 1999-ஆம் ஆண்டு ஈரானின் மத மையமான 'கோம்' (Qom) நகருக்குச் சென்று தனது மதக் கல்வியைத் தொடர்ந்தார். நீண்ட காலம் மதக் கல்வியில் இருந்தாலும், சமீபகாலமாகவே இவர் 'அயதுல்லா' என்ற உயரிய மதப் பட்டத்துடன் அதிகாரப்பூர்வமாக அழைக்கப்படுகிறார்.
திரைமறைவு அதிகார மையம்
மோஜ்தபா இதுவரை எந்தவொரு அரசாங்கப் பதவியையோ அல்லது அமைச்சரவைப் பொறுப்பையோ வகித்ததில்லை. ஆனாலும், ஈரானின் முடிவெடுக்கும் மிக உயர்ந்த அதிகார மையமான 'உச்ச தலைவரின் அலுவலகத்தில்' (Beit-e Rahbari) இவர் மிகவும் செல்வாக்கு மிக்கவராகக் கருதப்பட்டார்.
அமெரிக்காவின் இரகசியக் குறிப்புகள் இவரை "திரைமறைவு அதிகார மையம்" (The power behind the robes) என்று வர்ணித்துள்ளன.
ஈரானின் பலம் வாய்ந்த புரட்சிகர பாதுகாப்புப் படை (IRGC) மற்றும் பசிஜ் (Basij) அமைப்புகளுடன் இவருக்கு மிக நெருக்கமான பிணைப்பு உண்டு.
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023