நெருங்கி கூட வரவில்லை! ஆபிரகாம் லிங்கனை தாக்கியதாக கூறிய IRGC - அமெரிக்காவின் அதிரடி பதில்

புதிய இணைப்பு 

ஈரானிய ஏவுகணைகளால் USS ஆபிரகாம் லிங்கன் தாக்கப்படவில்லை என்று அமெரிக்க மத்திய கட்டளை (Centcom) அறிவித்துள்ளது. 

ஈரானின் இஸ்லாமிய புரட்சிகர காவல்படை (IRGC) முன்னதாக நான்கு பாலிஸ்டிக் ஏவுகணைகளால் USS ஆபிரகாம் விமானம் தாங்கி கப்பலைத் தாக்கியதாகக் கூறியதாக ஈரானிய அரசு ஊடகங்கள் தெரிவித்தன.

இந்நிலையில், ஈரானால் ஏவப்பட்ட ஏவுகணைகள் அருகில் கூட வரவில்லை என்று அமெரிக்க மத்திய கட்டளைப் பிரிவு கூறுகிறது.

மேலும் "ஈரானிய ஆட்சியின் அச்சுறுத்தல்களை நீக்குவதன் மூலம் அமெரிக்க மக்களைப் பாதுகாப்பதற்கான இடைவிடாத பிரசாரத்திற்கு" ஆதரவாக ஆபிரகாம் லிங்கன் கப்பல் தொடர்ந்து விமானங்களை ஏவுகிறது என்றும் கூறுகிறது.

🚫Iran’s IRGC claims to have struck USS Abraham Lincoln with ballistic missiles. LIE.
✅The Lincoln was not hit. The missiles launched didn’t even come close. The Lincoln continues to launch aircraft in support of CENTCOM’s relentless campaign to defend the American people by… pic.twitter.com/AjaeHMemtA

— U.S. Central Command (@CENTCOM) March 1, 2026

முதலாம் இணைப்பு 

ஈரானின் புரட்சிகர காவல்படை, அமெரிக்க விமானம் தாங்கி கப்பலான USS Abraham Lincoln போர்க்கப்பலை வளைகுடாவில் தாக்கியதாக அறிவித்துள்ளது. 

அமெரிக்கா மற்றும் இஸ்ரேலிய தாக்குதல்கள் நாட்டின் உயர்மட்ட தலைவர் அயதுல்லா அலி கமெனியை கொன்ற பிறகு, "அமெரிக்க விமானம் தாங்கி கப்பலான ஆபிரகாம் லிங்கன் நான்கு பாலிஸ்டிக் ஏவுகணைகளால் தாக்கப்பட்டதாக தெரிவிக்கப்படுகின்றது. 

அமெரிக்காவின் நிலமும் கடலும் பயங்கரவாத ஆக்கிரமிப்பாளர்களின் கல்லறையாக மாறும் என ஈரானின் புரட்சிகர காவல்படை தெரிவித்ததாக இஸ்ரேலிய ஊடகம் செய்தி வெளியிட்டுள்ளது. 

ஈரான் தலைநகர் டெஹ்ரான் மீது இஸ்ரேல் சரமாரித் தாக்குதல்

பலம் பொருந்திய விமானம் தாங்கிக் கப்பல்

அமெரிக்காவின் USS Abraham Lincoln விமானம் தாங்கி கப்பலும் அதனுடன் இணைந்த மூன்று போர்க்கப்பல்களும் மத்திய கிழக்கிற்கு முன்னதாகவே அனுப்பி வைக்கப்பட்டிருந்தன. 

USS ஆபிரகாம் லிங்கன் அமெரிக்க கடற்படையில் ஐந்தாவது நிமிட்ஸ்-வகுப்பு விமானம் தாங்கி கப்பல் ஆகும். இதில் எதிரி ரேடாரைத் தவிர்க்கும் திறன் கொண்ட சமீபத்திய F-35 ஸ்டெல்த் ஜெட் விமானங்களும் அடங்கும்.

தாக்குதல் குழுவில் டோமாஹாக் தரை தாக்குதல் கப்பல் ஏவுகணைகள் ஏற்றப்பட்ட மூன்று அழிப்பாளர்களும் உள்ளனர், மேலும் பொதுவாக அதே ஆயுதத்தை ஏவும் அணுசக்தியால் இயங்கும் நீர்மூழ்கிக் கப்பலும் இருக்கும்.

இந்நிலையில், அமெரிக்காவின் மிகப் பலம் பொருந்திய போர்க்கப்பலான USS Abraham Lincoln விமானம் தாங்கி கப்பல் மீது ஈரான் தாக்குதலை நடத்தியதாக அறிவித்துள்ளமை பதற்றத்தை மேலும் அதிகரிக்கின்றது. 

அதேநேரம், குறித்த தாக்குதல் தொடர்பில் அமெரிக்காவிடம் இருந்து இதுவரை எவ்வித உறுதிபடுத்தப்பட்ட தகவலும் வெளியாகவில்லை.

திடீரென நிறுத்தப்பட்ட எரிவாயு கப்பல் போக்குவரத்து! எண்ணெய் விலை குறித்து OPEC+ அவசர முடிவு

தடுப்பு ஆயுதங்கள் இருக்க வேண்டும்! - வெளியான கமெனியின் இறுதி வார்த்தைகள்