லங்காசிறி FM
அஜர்பைஜான் விமான நிலையத்தில் விழுந்த ஈரானிய ஏவுகணைகள் - மறுக்கும் ஈரான்
புதிய இணைப்பு
ஈரானின் பிரதி வெளிவிவகார அமைச்சர் காசெம் கரிபாபாதி, அஜர்பைஜான் மீதான தாக்குதலை ஈரான் மேற்கொண்டதாக வெளியான தகவலை மறுத்துள்ளார்.
முன்னதாக ஈரானிய ட்ரோன்கள் இரண்டு நக்சிவன் பிரதேசத்தை தாக்கியதாகவும், அதில் ஒரு விமான நிலைய கட்டிடம் அடங்கும் என்றும் கூறியது.
"ஈரான் இஸ்லாமிய குடியரசு அஜர்பைஜான் குடியரசை குறிவைக்கவில்லை" என்று ஈரானின் தஸ்னிம் செய்தி நிறுவனம் வெளியிட்ட கருத்துகளில் கரிபாபாதி கூறினார்.
"நாங்கள் எங்கள் அண்டை நாடுகளை குறிவைக்கவில்லை. ஈரானின் கொள்கை அதன் எதிரிகளின் இராணுவ தளங்களைத் தாக்குவது மட்டுமே" என்று அவர் கூறினார்.
இரண்டாம் இணைப்பு
இரு நாடுகளின் பகிரப்பட்ட எல்லைக்கு அருகிலுள்ள அஜர்பைஜான் விமான நிலையத்தை ஈரானிய ட்ரோன் தாக்கியுள்ளது.
ஈரானுக்கு எதிரான அமெரிக்க-இஸ்ரேல் போர் தொடங்கியதிலிருந்து காகசஸில் உள்ள ஒரு மாநிலத்தை ஈரான் குறிவைப்பது இதுவே முதல் முறையாகும்.
ஈரான் எல்லையை ஒட்டியுள்ள அஜர்பைஜான் எக்ஸ்க்ளேவ் நக்சிவானில் உள்ள விமான நிலைய முனையக் கட்டிடத்தை ட்ரோன் தாக்கியதாகவும், வளாகத்தின் ஒரு பகுதியை சேதப்படுத்தியதாகவும் தகவல்கள் கிடைத்துள்ளன.
குறித்த தாக்குதலில் பொதுமக்கள் இருவர் காயமடைந்ததாகவும் அஜர்பைஜான் வெளியுறவு அமைச்சகம் தெரிவித்துள்ளது.
அருகிலுள்ள கிராமத்தில் உள்ள ஒரு பாடசாலை அருகே இரண்டாவது ட்ரோன் விழுந்தது என்றும் அஜர்பைஜான் வெளியுறவு அமைச்சகம் குறிப்பிட்டுள்ளது.
முதலாம் இணைப்பு
ஈரானில் இருந்து ஏவப்படும் ஏவுகணைகள் மற்றும் ட்ரோன்கள் அஜர்பைஜான் விமான நிலையத்திற்கு அருகில் விழுவதாக தெரிவிக்கப்படுகின்றது.
சர்வதேச விமானம்
இது தொடர்பில் சற்று முன்னர் வெளியான சர்வதேச அறிக்கைகளின் படி, இந்த தகவல் வெளியிடப்பட்டுள்ளது.
ஈரானிய திசையில் இருந்து பறக்கும் ஏவுகணைகள் மற்றும் ட்ரோன்கள் நக்சிவனின் அஜர்பைஜான் எக்ஸ்க்ளேவில் உள்ள விமான நிலையத்திற்கு அருகில் விழுந்ததாக சர்வதேச செய்திகள் தெிரிவிக்கின்றன.
நக்சிவன் விமான நிலையம் ஈரானின் எல்லையிலிருந்து சுமார் ஆறு மைல் தொலைவில் அமைந்துள்ளது.
அறிவிக்கப்படாமல் முடிவுற்ற ஈரான் மீதான யுத்தம்..! 10 மணி நேரம் முன்
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015