லங்காசிறி FM
ஈரானில் வெடித்த போராட்டத்தில் இதுவரை 50பேர் வரை பலி: சமூகவலைத்தள பக்கங்கள் முடக்கம்
ஹிஜாப் சரியாக அணியாததால் பொலிஸார் தாக்கியதில் இளம்பெண் மாஷா அமினி உயிரிழந்த சம்பவத்தை கண்டித்து ஈரானில் பெண்கள் போராட்டத்தில் ஈடுபட்டு வருகின்றனர்.
ஹிஜாப்பிற்கு எதிராக போராட்டத்தில் குதித்த பெண்கள் தங்கள் ஹிஜாப்பை கழற்றி எறிந்தும், ஹிஜாப்பை தீ வைத்து எரித்தும், தங்கள் தலைமுடியை வெட்டியும் எதிர்ப்பை வெளிப்படுத்தி வருகின்றனர்.
சமூகவலைத்தள பக்கங்கள் முடக்கம்
அதேவேளை, போராட்டக்காரர்களை ஒடுக்க ஈரான் அரசு கடுமையான நடவடிக்கைகளை எடுத்து வருகிறது.
போராட்டம் பரவுவதை தடுக்க இன்ஸ்டாகிராம், பேஸ்புக் உள்ளிட்ட சமூகவலைத்தள பக்கங்கள் முடக்கப்பட்டுள்ளன.
மேலும், போராட்டத்தில் ஈடுபடும் பெண்கள் உள்ளிட்டோர் மீது பொலிஸார், பாதுகாப்பு படையினர் கடுமையான தாக்குதல்களை மேற்கொண்டு வருகின்றனர்.
இந்நிலையில், ஈரானில் ஹிஜாப்பிற்கு எதிராக போராட்டம் நடத்தியவர்கள் மீது பொலிஸார், பாதுகாப்பு படையினர் நடத்திய தாக்குதலில் இதுவரை 50 பேர் உயிரிழந்துள்ளதாக ஈரான் மனித உரிமைகள் அமைப்பு தெரிவித்துள்ளது.
போராட்டம் நாட்டின் பிற பகுதிகளுக்கும் பரவி வருவதால் பலி எண்ணிக்கை அதிகரிக்கும் என அஞ்சப்படுகிறது.
மாஷா அமினி
இஸ்லாமிய மதத்தை பின்பற்றும் நாடு ஈரான். இந்நாட்டில் பெண்கள் மற்றும் 9 வயதிற்கு மேற்பட்ட சிறுமிகள் இஸ்லாமிய மத உடையான ஹிஜாப் அணிவது கட்டாயமாக்கப்பட்டுள்ளது.
இதனிடையே, அந்நாட்டின் குர்திஸ்தான் மாகாணம் சஹிஸ் நகரை சேர்ந்த 22 வயதான மாஷா அமினி என்ற இளம்பெண் ஹிஜாப் சரியாக அணியவில்லை என கூறி கடந்த 13ஆம் திகதி தெஹ்ரான் நகர பொலிஸார் கடுமையாக தாக்கியுள்ளனர்.
ஹிஜாப்பால் தலைபகுதியை முழுமையாக மறைக்கவில்லை என மாஷா அமினி மீது பொலிஸார் தாக்குதல் நடத்தினர்.
இந்த தாக்குதலில் படுகாயமடைந்த மாஷா மருத்துவமனையில் அனுமதிக்கப்பட்டார்.
கோமா நிலைக்கு சென்ற மாஷாவுக்கு தீவிர சிகிச்சை அளிக்கப்பட்ட நிலையில் அவர் கடந்த 17ஆம் திகதி சிகிச்சை பலனின்றி உயிரிழந்தார்.
இந்நிலையில், இச் சம்பவத்திற்கு எதிர்ப்பு தெரிவித்து மாஷா அமினியின் சொந்த ஊரான சஹிஸ் நகரில் தொடங்கிய போராட்டம் மெல்ல மெல்ல நாட்டின் பிற பகுதிகளிலும் பரவத்தொடங்கியது.
| ஹிஜாப் அணியாத இளம் பெண்ணை அடித்து கொன்ற பொலிஸார் |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
