இறக்காமம் பிரதேச சபைத்தவிசாளர் ஆளும் அரசின் அபிவிருத்தி திட்டங்களை நடைமுறைப்படுத்த முட்டுக்கட்டை

Development Srilanka Muslium Congress Irakamam

By Mubarak Dec 28, 2021 04:24 PM GMT

Mubarak

in இலங்கை

Report

ஸ்ரீலங்கா முஸ்லிம் காங்கிரஸ் கட்சியின் கட்டுப்பாட்டில் உள்ள இறக்காமம் பிரதேச சபைத் தவிசாளர் ஆளும் அரசின் அபிவிருத்தி திட்டங்களை இறக்காமம் பிரதேசத்தில் நடைமுறைப்படுத்த முட்டுக் கட்டை போடுவதாக தேசிய காங்கிரஸ் கட்சியில் இறக்காமம் பிரதேச அமைப்பாளர் சட்டத்தரணி கே.எல்.சமீம் தெரிவித்துள்ளார்.

இது தொடர்பாக அவர் இன்று(28) வெளியிட்டுள்ள அறிக்கையில்,

அரச நிறுவனமான பிரதேச சபை ஒன்றின் தவிசாளர் அரசின் அபிவிருத்தி திட்டங்களுக்கு தடை விதிப்பதன் மூலம் மீண்டும் பிரதேச சட்டத்தின் பிரிவு 185ஐ மீறுகிறார்.

ஏற்கனவே முறையற்ற நிதிக் கையாள்கை தொடர்பான தவிசாளருக்கெதிரான எனது முறைப்பாடு கிழக்கு ஆளுநரிடம் உள்ள நிலையில் இரண்டாவது முறைப்பாடும் தயார் நிலையில் உள்ளது.

இந்த வகையில் தலைவர் அதாஉல்லா அவர்களினால் இறக்காமம் பிரதேசத்தில் கிராமிய பாதைகள் திட்டத்தின் கீழ் நிதி ஒதுக்கப்பட்டுள்ள 7 வீதிகளுக்குமான அனுமதியை இறக்காமம் பிரதேச செயலாளர் கடந்த 28.11.2021ல் கோரியிருந்த போதிலும் பிரதேச சபை தவிசாளர் அரசியல் காழ்புணர்ச்சி காரணமாக இது வரை அனுமதி மறுத்து வருவதையும் எனது மனுவில் சுட்டிக் காட்டியுள்ளதாக தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை