ஆப்பிள் நிறுவன பொருட்களின் பாவனைக்கு தடை: மஸ்க் விடுத்துள்ள எச்சரிக்கை

ஆப்பிள் நிறுவன பொருட்களின் பாவனைக்கு தனது நிறுவனத்திற்குள் தடை விதிக்கப்படும் என எலான் மஸ்க் தெரிவித்துள்ளார். ஓபன்ஏஐ தொழில்நுட்பத்தை இயங்குதளங்கள் அளவில் ஆப்பிள் நிறுவனம் ஒருங்கிணைத்தால், இந்த தீர்மானம் மேற்கொள்ளப்பட்டுள்ளதாக அவர் தெரிவித்துள்ளார்.

இது குறித்த எக்ஸ் தள பதிவில் அவர், "ஆப்பிள் நிறுவனம் ஓபன்ஏஐ தொழில்நுட்பத்தை இயக்க முறைமை(Operating system) அளவில் ஒருங்கிணைத்தால், எனது நிறுவன வளாகங்களில் ஆப்பிள் சாதனங்களுக்கு தடை விதிக்கப்படும்.

இது ஏற்றுக் கொள்ளவே முடியாத பாதுகாப்பு விதிமீறல். என் நிறுவனத்திற்குள் வருபவர்கள் தங்களது ஆப்பிள் சாதனங்களை வாசலிலேயே ஒப்படைக்க வேண்டும்.

கனடாவில் கோர விபத்தில் ஈழத்தமிழ் இளைஞன் பலி

If Apple integrates OpenAI at the OS level, then Apple devices will be banned at my companies. That is an unacceptable security violation.

— Elon Musk (@elonmusk) June 10, 2024

எலான் மஸ்க்கின் கருத்து

அவை அங்கு பாதுகாப்பாக வைக்கப்படும்," என்று குறிப்பிட்டுள்ளார். எலான் மஸ்க்-இன் இந்த கருத்து தொடர்பாக ஓபன்ஏஐ மற்றும் ஆப்பிள் நிறுவனங்கள் சார்பில் இதுவரை எந்த பதிலும் வழங்கப்படவில்லை.

முன்னதாக ஆப்பிள் நிறுவனத்தின் வருடாந்த மென்பொருள் அபிவிருத்தி நிகழ்வில் (WWDC 2024) ஏ.ஐ. சார்ந்த பல்வேறு அறிவிப்புகள் வெளியிடப்பட்டது.

இதில் ஆப்பிள் நிறுவன சேவைகள் மற்றும் சாதனங்களில் ஆப்பிள் இன்டெலிஜென்ஸ் புகுத்தப்படும் என்றும் ஓபன்ஏஐ நிறுவனத்தின் சாட்ஜிபிடி சேவை தனது சாதனங்களில் வழங்கப்படும் என்றும் அறிவிக்கப்பட்டது.

இந்நிலையில், ஆப்பிள் அறிவிப்புகளுக்கு கண்டனம் தெரிவித்த எலான் மஸ்க், "தங்களுக்கென சொந்தமாக ஏ.ஐ. உருவாக்க முடியாத ஆப்பிள் நிறுவனம், ஓபன்ஏஐ மூலம் உங்களது பாதுகாப்பு மற்றும் தனியுரிமையை உறுதிப்படுத்தி விடும் என்பது அபத்தமாக இருக்கிறது.

உங்களின் தரவுகளை ஓபன்ஏ.ஐ.-இடம் கொடுத்துவிட்டால் அதற்கு என்னவாகும் என்பது பற்றி ஆப்பிள் நிறுவனத்துக்கு எந்த அக்கறையும் இல்லை. அவர்கள் வாடிக்கையாளர்களை வைத்து வியாபாரம் செய்கின்றார்கள் ," என்று தெரிவித்துள்ளார்.

யாழ்ப்பாணத்தில் பெருமளவான கேரளக் கஞ்சா மீட்பு

போர் நிறுத்த பேச்சுவார்த்தைக்கு ஒப்புக்கொண்ட ஹமாஸ்: கேள்விக்குறியாகியுள்ள இஸ்ரேலின் நிலை