உலக சுகாதார மையம் வெளியிட்டுள்ள தகவல்

உலகளாவிய ஆரோக்கியத்தில் வாய்வழி ஆரோக்கியம் நீண்ட காலமாக புறக்கணிக்கப்பட்டுள்ளது. எனினும் குறைந்த செலவில் பல வாய்வழி நோய்களைத் தடுக்கவும் சிகிச்சையளிக்கவும் முடியும் என்று உலக சுகாதார மையத்தின் இயக்குநர் டெட்ரோஸ் அதானோம் கெப்ரேயஸ் கூறியுள்ளார்.

உலகளாவிய வாய்வழி சுகாதார நிலை அறிக்கை 194 நாடுகளில் உள்ள முக்கிய பகுதிகளை பகுப்பாய்வு செய்துள்ளது.

உலக சுகாதார மையத்தின் தகவல்

மேலும் கடந்த 30 ஆண்டுகளில் இந்த பிரச்சினைகள் ஒரு பில்லியன்களாக அதிகரித்துள்ளதாக உலக சுகாதார மையம் தெரிவித்துள்ளது.

இதற்கு தடுப்பு மற்றும் சிகிச்சைக்கான அணுகல் இல்லாததே முக்கிய காரணம் என்று தெரிவிக்கப்பட்டுள்ளது. மிகவும் பொதுவான வாய்வழி நோய்கள் பல் துவாரங்களிலிருந்து உருவாகின்றன.

ஈறுநோய், பல் இழப்பு மற்றும் வாய்வழி புற்றுநோய் ஆகியவை மிகவும் பொதுவான வாய்வழி நோய்களாகும். அதே நேரத்தில் பல் சிதைவு என்பது உலகெங்கிலும் உள்ள பொதுவான நிலையாகும், இது 2.5 பில்லியன் மக்களை பாதிக்கிறது. இதில் மொத்த பல் இழப்புக்கான முக்கிய காரணமான கடுமையான ஈறு நோய், உலகளவில் ஒரு பில்லியன் மக்களை பாதிக்கும் என மதிப்பிடப்பட்டுள்ளது.

வாய்வழி நோய்

மேலும் ஒவ்வொரு ஆண்டும் சுமார் 380,000 புதிய வாய் புற்றுநோய்கள் கண்டறியப்படுகின்றன. இந்த நோய்களால் பின்தங்கிய மக்களே மிகவும் பாதிக்கப்பட்டுள்ளனர்.

அதிக சீனியை உட்கொள்ளல், புகையிலை மற்றும் மதுபானம் போன்ற பொதுவான ஆபத்து காரணிகளும் உலகளாவிய வாய்வழி சுகாதார நெருக்கடிக்கு பங்களிக்கின்றன.

இந்த பிரச்சினைகளை தவிர்ப்பதற்காக சீனியை குறைவாக உட்கொள்ளல், நன்கு சமநிலையான உணவை ஊக்குவித்தல், புகையிலை பயன்பாட்டை நிறுத்துதல், மது அருந்துவதைக் குறைத்தல் மற்றும் ப்ளோரைட் பற்பசைகளை பயன்படுத்தல் என்பன முக்கிய வழிமுறையாக இருக்கும் என்று உலக சுகாதார மையத்தின் இயக்குநர் டெட்ரோஸ் அதானோம் கெப்ரேயஸ் தெரிவித்துள்ளார்.